Свет
Трамп ветува нови безбедносни мерки по одлуката на жалбениот суд

Американскиот претседател Доналд Трамп во петокот вети дека веќе следната седмица ќе донесе нови мерки за заштита на националната безбедност, ден откако апелациониот суд одби повторно да ја активира неговата извршна уредба за привремено запирање на влезот во САД за државјаните на седум доминантно муслимански земји и повторно изрази увереност дека на крајот судовите ќе го потврдат неговиот указ
„Ќе сториме сé што е неопходно да ја сочуваме безбедноста на нашата земја. Ќе сториме нешто многу наскоро, во однос на дополнителната безбедност за нашата земја, ќе го водите тоа во одреден момент следната седмица“, изјави американскиот претседател Доналд Трамп на прес-конференцијата во Вашингтон со јапонскиот премиер Шинзо Абе.
Дода дека неговата администрација ќе ја продолжи правната битка. „Немам никакви дилеми дека на крајот ќе го добиеме тој спор“, рече Трамп но не одговори директно на прашањето на дали го воведен нова забрана.
Извори од Reuters oд Белата куќа не исклучиле дека ќе биде преработен указот на Трамп по неговото суспендирање минатиот петок од страна на федералниот судија од Сиетл, Џејмс Робарт и од апелациониот суд во Сан Франциско во четвртокот.
На 27-ми јануари претседателот Доналд Трамп го потпиша извршниот указ 13769 „За заштита на земјата од влез на странски терористи“, со кој во рок од 90 дена се суспендира издавање визи за државјаните на седум муслимански држави: Иран, Ирак, Јемен, Либија, Сирија, Сомалија и Судан. Указот, исто така, и им наложува на Стејт департментот и на Министерството за национална безбедност да го суспендираат распоредувањето на бегалците по сојузните држави на 120 дена, како и на неодреден рок се суспендира прифаќањето бегалци од Сирија. Исто така, значително е намалена квотата за прифаќање на барателите на азил во САД во фискалната 2017 година, која таму започнува во октомври 2016 година, на не повеќе од 50.000, од претходно планираните 110.000.
Сојузниот судија од Сиетл, Џејмс Робарт на 3-ти февруари го блокираше овој указ на Трамп со што тој не важеше на целата територија на САД. Потоа на 5-ти февруари, Окружниот апелационен суд во Сиетл одби, на барање на американското министерство за правосудство, да донесе итна мерка со којашто ќе биде суспендирана одлуката на федералниот судија Робарт, а којашто се однесува на целата територија на САД за привремено поништување на привремениот извршен указ на претседателот Трамп. Овој апелациониот суд го установил рокот за министерството за правосудство за одговор на тужителот кој истекува за приговорот на тужениот. Тој требало да биде даден до понеделник.
Потоа на 9-ти февруари Сојузниот апелационен суд на САД во Сан Франциско едногласно го поддржа суспендирањето на извршниот указ на претседателот Доналд Трап за привремена забрана за влегувањето на американска територија на државјани од седум мнозински муслимански земји, иако во неговата уредба не се споменува зборот ислам.
Набрзо по објавувањето на пресудата претседателот Доналд Трамп на својот Twitter профил порача „Ќе се видиме на суд, безбедноста на нашата нација е во прашање!“.На новинарите пред канцеларијата на неговиот портпарол, Трамп им најави дека на крајот ќе го добие случајот,а пресудата на жалбениот суд ја оцени како „политичка одлука“.
Администрацијата на новиот американски претседател на оваа одлука на Сојузниот апелационен суд може да се жали од 10-ти февруари и да побара целиот Апелационен суд на САД за деветтиот округ, кој има 29 активни судии и е надлежен за државите и териториите на западот од Соединетите држави, да ја преиспита одлуката или, пак, директно да вложи жалба до Врховниот суд, кој најверојатно и ќе го одреди крајниот исход од судскиот спор. пред американскиот Врховен суд.
Пресудата на апелациониот суд, која следеше по рочиштето во вторникот не го решава правниот спор, тукусамо се однесува на прашањето дали указот на Трамп треба да биде суспендиран во текот на траењето на судската постапка против забраната за влегување во САД кои ги поднесоа сојузните држави Вашингтон и Минесота.
Американскиот Врховен суд, откако лани почина еден од неговите девет судии во моментов е идеолошки поделен на по четири судии либерали и четворица конзервативци., додека се чека потврдата на Сенатот, каде републиканците имаат мнозинство за предлогот на Трамп за избор на 49-годишниот конзервативен кандидат Нил Горсач.
На администрацијата во моментов ѝ е потребно да гласаат пет од осумте судии во полза на повторното стапување на сила на указот на претседателот, додека продолжува постапката на двете сојузни држави. Тоа значи дека Белата куќа треба да придобие на своја страна барем еден од либералните судии./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Вучиќ: Направија се за да ја уништат Србија, но ќе победиме

Направија се за да ја уништат Србија. Србија ќе победи, изјави српскиот претседател Александар Вучиќ во видео објавено на Инстаграм.
„Почитувани граѓани, имавме тешки седум дена, најтешките во последните 15 години. Најтешките поради настаните на Косово и кампања започната против нашата Србија, кампања на лаги и невистини. Како што вели нашиот народ , не врне снег за да ја покрие планината, туку секој ѕвер да го покаже својот белег. Можевме да видиме дека имаме пријатели кои не се многубројни, но се храбри“, вели Вучиќ во видео-пораката.
Регион
Денеска погреб на убиените Срби во Бањска

Тројцата Срби кои минатата недела беа убиени во Бањска, Стефан Недељковиќ, Бојан Мијаиловиќ и Игор Миленковиќ, денеска ќе бидат погребани во Врњачка Бања и Лепосавиќ.
Стефан Недељковиќ ќе биде погребан во Врњачка Бања, а граѓаните се поканети да се соберат на пумпата „Кнез Петрол“ на ова место во 11 часот.
Бојан Мијаиловиќ ќе биде погребан во 12 часот на локалните гробишта во Лепосавиќ, а во 14 часот на истото место во селото Граничане ќе биде погребан Игор Миленковиќ.
Потсетуваме, Недељковиќ, Мијаиловиќ и Миленковиќ беа убиени во конфликт меѓу локалните Срби и таканаречената косовска полиција на 24 септември во селото Бањска, на северот на Косово и Метохија.
Нивните тела дури вчера ги однеле нивните семејства од Институтот за судска медицина во Приштина, од каде биле пренесени во капелата во Рударе кај Звечан.
Регион
Лондон повика на дијалог меѓу Белград и Приштина

Државниот министер за Европа во британското Министерство за надворешни работи, Лео Дочерти, изрази задоволство што британските сили ќе придонесат за зајакнување на КФОР и рече дека тоа ја покажува посветеноста на Лондон кон НАТО и стабилноста на Западен Балкан.
На социјалната мрежа Икс (Твитер), Докерти повика на деескалација на ситуацијата на Косово и Метохија и нагласи дека единствениот одржлив пат за мир на Косово и Метохија е преку дијалог.
„Повикуваме на смиреност и деескалација од сите страни. Единствениот остварлив пат кон мирот во Косово е преку дијалог“, рече Докерти.
Британското Министерство за одбрана ја префрли командата на еден баталјон од својата армија на НАТО, за да може баталјонот да му пружи поддршка на Косово доколку е потребно, соопшти претходно министерството.