Американскиот авантуристички пилот, познат како „Лудиот“ Мајк Хјус, загина вчера обидувајќи се да ја лансира ракетата што сам ја направи, објави Си-ен-ен.

„Нашите мисли и молитви се со семејството на Мајк, како и пријателите во овој за нив многу тежок период. Неговиот сон секогаш беше да го заврши ова лансирање, а „Сајанс чанел“ беше тука за да го забележи ова патување“ објави „Сајанс чанел“ во соопштение.

На страницата „Дискавери Чанел“ пишува дека 64-годишниот Мајк требало да лансира ракета од домашно производство во рамки на серијата „Хоуммејд Астронаутс“.

Целта била да се направи ракета која ќе лета 100 километри во висина, до самата граница на вселената.

Мајк Хјус инаку е познат по тоа што веруваше дека Земјата е рамна плоча. Се надеваше дека ќе ја докаже својата теорија, со заминување во вселената, пишува Би-би-си.

Русија строго ги негираше тврдењата дека шири дезинформации за појавата на коронавирусот на социјалните медиуми.

Американски официјални претставници изјавија дека во руски извештаи на социјалните мрежи, неосновано се тврдело дека Америка започнала со појава на епидемијата. Илјадници профили на Твитер, Фејсбук и Инстаграм ја злоупотребија оваа теорија, посочуваат официјалните лица. на САД.

Одговарајќи на овие наводи, руското Министерство за надворешни работи вчера ги отфрли како „лажни“.

„Ова е намерно лажна приказна“, изјави портпаролката на руското Министерство за надворешни работи, Марија Захарова, за руската новинска агенција Тасс.

Претходно, високиот функционер на американскиот Стејт департмент, Филип Рикер, изјави дека „малигните“ руски актери се обидувале да сеат дезинформации за потеклото на коронавирусот. Една теорија на заговор, циркулирајќи на Интернет на неколку јазици, тврди дека вирусот е обид за водење „економска војна против Кина“.

„Со ширење дезинформации за коронавирусот, руските „малигни“ актери повторно избираат да ја загрозат јавната безбедност со тоа што ќе го одвлечат вниманието од глобалниот здравствен одговор“, рече Филип Рикер, в.д. заменик државен секретар за Европа и Евроазија, за новинската агенција АФП.

Објавите исто така го обвинија и ко-основачот на Мајкрософт, Бил Гејтс за вмешаност во епидемијата.

Владата на Јапонија дозволила да се симнат 23 патници од крузерот „Дајмонд принцес“ без повторно тестирање на коронавирус по истекот на двонеделниот карантин.

Јапонскиот министер за здравство, Кацунобу Като се извини за пропустот.

„Длабоко жалам поради нашата грешка. Ќе направиме се да не ја повториме истата грешка“ рекол министерот пред новинарите.
Истовремено било откриено дека една патничка-Јапонка, по напуштањето на бродот била позитивна на коронавирусот. Таа се симнала од бродот, кој е усидрен кај Јокохама по двонеделниот карантин, но на новиот тест во префектурата Точига било утврдено дека е позитивна на коронавирусот.

Министерството за здравство соопштило дека повторно ќе ги тестира 23 патници, кои се симнале од бродот во средата и четвртокот. Тие последен пат биле тестирани пред 5 февруари и јапонското министерство се обидува да стапи во контакт со нив за повторно да бидат тестирани.

Крузерот со 3700 патници и членови на екипаж беше во карантин од 3 февруари.