Свет
Трамп: Приоритет е решение на војната во Украина
Новоизбраниот претседател на САД, Доналд Трамп, во интервју за весникот „Пари мач“ изјави дека негов приоритет меѓу многуте кризи со кои се соочува светот денеска ќе биде решавање на проблемот на Украина со Русија.
„Тие две земји трпат неверојатни човечки загуби. Стотици илјади војници се убиени“, рече Трамп во интервјуто објавено денеска во парискиот неделник.
Трамп изјави дека Блискиот Исток е исто така висок приоритет, но оцени дека ситуацијата таму не е толку тешка за решавање како што е случајот со Украина и Русија. Новоизбраниот американски претседател истакна дека во моментот има голем број кризи во светот, а дека од пред неколку дена има уште една – во Сирија.
„Тие ќе мора да се справат сами бидејќи ние не сме вклучени таму, а не е ниту Франција“, рече тој.
Во истото интервју Трамп, меѓу другото, посочи дека Франција е пријател и сојузник на Соединетите Американски Држави нагласувајќи ја важноста на трговијата и одбраната во односите меѓу двете земји, пренесува „Танјуг“.
Трамп ова интервју го даде минатиот викенд кога беше во Париз по повод отворањето на реновираната катедрала „Нотр Дам“, а „Пари мач“ забележува дека ова е единственото интервју на кое Трамп се согласил за време на престојот во Франција.
Трамп, кој ќе ја преземе функцијата на 20 јануари, долго време тврди дека кога ќе дојде на власт, за 24 часа ќе го реши конфликтот меѓу Украина и Русија, кој трае речиси три години.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Канадскиот премиер: Во Америка речиси ништо не е нормално
Канадскиот премиер, Марк Карни, во Парламентот во Отава даде остар одговор на прашањето на пратениците за тоа дали има „пристојни преговори“ со Вашингтон за трговски и економски прашања.
„Вашингтон се промени. Речиси ништо повеќе не е нормално во Соединетите Држави. Тоа е вистината“, им рече Карни на пратениците, додавајќи дека Канада продолжува да води тековни разговори со американските лидери, вклучително и телефонски разговор со претседателот Доналд Трамп во кој се осврна на трговските прашања.
Тензиите меѓу Канада и САД дополнително ескалираа во вториот мандат на Доналд Трамп кога Трамп објави закани за воведување високи царини за канадски производи – вклучувајќи челик, автомобили и други индустриски стоки – ако Отава се стреми кон трговски договори со други партнери како што е Кина.
Ваквите закани го натераа Карни да предупреди дека традиционално блиските економски односи меѓу двете земји се „скоро завршени“ и дека Канада треба да ги диверзифицира своите трговски односи надвор од Соединетите Држави.
фото/Depositphotos
Европа
(Видео) Изгоре луксузен хотел на француските Алпи
Десетици луѓе беа евакуирани откако синоќа пожар го зафати хотелот со пет ѕвездички во скијачкиот центар Куршевел на француските Алпи.
Никој не е повреден во пожарот што избувна на таванот на хотелот „Hotel des Grandes Alpes“ околу 19 часот, соопшти префектурата на регионот Савоја на својата веб-страница.
🔥 Courchevel : incendie en cours dans un hôtel de luxe
▶️ Le feu serait parti des combles. 261 personnes ont dû être évacuées, aucune n’a été blessée
🚒 Les pompiers, toujours sur place, font face à un risque important de propagation pic.twitter.com/BoeIJcDjnQ
— LCI (@LCI) January 28, 2026
Службениците соопштија дека повеќе од 90 лица биле евакуирани од хотелот синоќа, додека блискиот хотел „Le Lana“, кој има речиси 200 гости, исто така бил евакуиран утрово поради ризик бидејќи пожарот продолжувал. Персоналот и гостите се засолниле во други хотели.
131 пожарникар беа распоредени на местото на настанот. Безбедносните мерки во регионот се под лупа откако пожар во бар во швајцарското одморалиште Кран-Монтана на новогодишната ноќ уби 40 лица, а повреди повеќе од 100, од кои многумина тинејџери.
Свет
Берлин под притисок: се бара дијалог меѓу Мерц и Путин
Германскиот канцелар Фридрих Мерц треба директно да разговара со рускиот претседател Владимир Путин, изјави Адис Ахметовиќ, експерт за надворешна политика на фракцијата на Социјалдемократската партија на Германија во Бундестагот, во интервју за „Зидојче Цајтунг“.
Ахметовиќ оцени дека фактот што Берлин ги препушта преговорите на двајца американски претприемачи за недвижности – Стив Виткоф и Џаред Кушнер – предизвикува значителна недоверба. Тој го изјави ова коментирајќи го трилатералниот состанок одржан во Абу Даби.
Според него, шефот на германската влада мора да покаже храброст и да преземе поактивна улога во процесот на решавање на конфликтот.
Пред состанокот, портпаролот на Кремљ, Дмитриј Песков, изјави дека Москва позитивно ги оценила преговорите на делегациите на Русија, Соединетите Американски Држави и Украина во Абу Даби.

