Свет

Трамп: Се покажа дека моите ставови за вирусот се точни

Објавено пред

2 недели

- 5 јуни, 2021

Од

Поранешниот американски претседател, Доналд Трамп, бара Кина да плати десет милијарди долари поради нејзината улога во пандемијата на коронавирусот.

Тој го повика главниот американски имунолог Ентони Фаучи (80), точно да објасни колку информации знаел за работите што се спроведуваат во Институтот за вирологија во Вухан.

Во својата изјава, Трамп го исмеја својот научен советник за пандемијата, тврдејќи дека спасил стотици илјади животи, спротивставувајќи се на упатствата на Фаучи во речиси секоја сфера, од затворањето на границите, до развојот на вакцините и носењето маски.

„Сега сите, дури и таканаречените ‘непријатели’, ќе почнат да зборуваат дека претседателот Трамп бил во право за кинескиот вирус, дека потекнува од лабораторија“, додава тој.

„Кореспонденцијата меѓу Фаучи и Кина прегласно зборува сама за себе и некој не може да ја игнорира. Кина треба да плати 10 милијарди долари на Америка и на светот за смртта и уништувањето што ги предизвика“, посочи тој.

Републиканците тврдат дека електронските пораки докажуваат оти Фаучи знаел дека во лабораторијата во Вухан се вршат експерименти со генетски модифициран коронавирус.

Според нив, пораките исто така покажуваат дека тој бил предупреден за можноста вирусот „да избега“ од лабораторијата, иако во јавноста посотојано инсистираше на тоа дека пандемијата настанала природно, со пренесување на вирусот од животно на човек.

Докторката Ли-Менг Јанг, која меѓу првите зборуваше за теоријата дека вирусот потекнува од лабораторија, по објавувањето на електронските пораки на Фаучи, рече дека Ковид-19 е неограничено био-оружје и дека кинеската влада и одредени странски организации, како и некои научници прикриваат сè.

Ли-Менг Јанг обвини и дека Фаучи знаел за кинеското истражување дури и пред пандемијата.

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:

Следно

Од 8 јуни пратениците се враќаат во главната сала за седници

Претходно

ЕУ потврди дека Словенија предложила промена на границите на Западен Балкан

Регион

(Видео) Тројца работници повредени во експлозијата во фабриката во Чачак

Објавено пред

38 минути

- 20 јуни, 2021

Од

Макфакс

Тројца работници се полесно повредени, а еден е задржан на одделение за интензивна нега на лекување, по вчерашните низа експлозии во фабриката „Слобода“ во Чачак, пренесуваат српските медиуми.

Евакуирани се околу 350 лица кои живеат во близина на фабриката. Во текот на ноќта беше изгаснат пожарот, по што дел од евакуираните се вратија во своите домови.

Explosions rocked the plant of Serbian ammunition manufacturer Sloboda in the city of Cacak. pic.twitter.com/ocniJcfipy
— Никола Миковић / Nikola Mikovic (@nikola_mikovic) June 19, 2021

Според првите податоци, синоќешната детонација предизвикала пожар надвор од кругот на фабриката на две места.

Детонацијата ги искрши прозорците во еден погон на фабриката, при што тројца работници се здобиле со исеченици.

Ноќта мина без нови детонации и инциденти, а беспилотни летала го надлетуваа кругот на фабриката.

Прикажи повеќе...

Свет

(Видео) Незапаметени поплави на Крим, еден загинат и 24 повредени

Објавено пред

55 минути

- 20 јуни, 2021

Од

Макфакс

Едно лице загина, две се исчезнати, а 24 се повредени по поплавите предизвикани од поројните дождови во близина на Јалта на Крим.

Невреме проследено со обилни врнежи од дожд, силен северозападен ветер, го погоди Крим во четвртокот.

Повеќе од 22.000 домаќинства останаа без електрична енергија, а локалните власти прогласија вонредна состојба, пренесува Тасс.

Според властите, такво невреме не е забележано на Крим од 1922 година.

Стотици куќи во Крим се оштетени, 13 хотели во Јалта се поплавени, а издадена е и наредба за евакуација.

Во тек се активности за расчистување на последиците од оваа природна катастрофа.

Прикажи повеќе...

Свет

(Видео) Пукање на роденденска забава во Торонто, повредени три деца и еден маж

Објавено пред

1 час

- 20 јуни, 2021

Од

Макфакс

Три деца и еден маж се повредени во пукање на роденденска забава на отворено, што се случи во западниот дел на Торонто, објави канадската полиција.

Официјалниот претставник на полицијата во Торонто, Кели Скинер, изјави дека едногодишно момче, петгодишно девојче и 11 годишно момче се повредени, објави АП.

Таа не прецизираше во каква состојба се повредените деца, но лекарите претходно соопштија дека едното дете е во опасност, додека другото е во тешка состојба. Третото дете се здобило со полесни повреди.

Во пукањето е ранет и 23-годишен маж.

Скинер изјави дека децата не биле цел на нападот, како и дека полицијата трага по повеќе осомничени, но информациите за нив сè уште не се објавени.

Прикажи повеќе...