Контакт

Свет

Турција заинтересирана за производство на руската вакцина „спутник V“

Објавено пред

Турција е заинтересирана за производство на првата руска вакцина за коронавирус „спутник V“, соопшти руското Министерство за здравство по телефонскиот разговор меѓу министрите за здравство на двете земји.

Русија веќе тестира две вакцини против вирусот и е на пат да регистрира трета. Москва најави употреба на „спутник V“ за домашна употреба иако последните фази на тестирање сè уште не се завршени.

„Шефот на турското Министерство за здравство изрази интерес за организирање производство на вакцината ‘спутник V’ во турските фармацевтски производствени капацитети по спроведените токсиколошки студии, како што бара локалното законодавство“, се вели во соопштението на Министерството за здравство.

Рускиот министер за здравство, Михаил Мураско, го увери својот турски колега за подготвеноста да организира вакви тестови, се вели во соопштението.

Турското Министерство за здравство одби да ги потврди обвинувањата, но министерот Фахретин Коца преку твит објавен во вторникот вечерта потврди дека двајцата службеници оствариле телефонски разговор.

„Разменивме мислења за прашања во здравствениот сектор во кои соработуваме, имено за напорите за производство на вакцина против Ковид-19 и за меѓународните напори во кои учествуваме“, рече Коца.

Турција пријави речиси 400.000 инфекции со коронавирус, со повеќе од 11.000 мртви од март досега. Владата ја смени својата методологија во јули за да известува само за бројот на симптоматски случаи, потег што според критичарите го крие вистинскиот обем на епидемијата во земјата, пренесува „Ројтерс“.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет

Поранешен претседател уапсен на аеродром, имал куфер полн со непријавени пари

Објавено пред

Поранешниот претседател на Хондурас, Мануел Зелаја бил уапсен на аеродромот Тегусигалпа затоа што имал торба во која имало непријавено 18.000 долари.

Тој тврдел дека парите не се негови.

Зелаја на „Твитер“ напиша дека бил неправедно приведен додека се подготвувал да отпатува за Мексико, каде требало да учествува на семинар.

„Причината: торба со 18.000 долари што не ми припаѓа мене“, напиша Зелаја.

Кога цариниците го прегледале куферот со рентген, виделе дека внатре има уште една торба со непријавени пари, пишуваат локалните медиуми.

Според законот, сите патници мора да пријават износ над 10.000 долари. Ако не го сторат тоа, може да добијат парична казна во висина од една третина од непријавените пари.

Прикажи повеќе...

Свет

Дете загина во Канада откако полицијата пукала за да спречи негово киднапирање

Објавено пред

Во инцидент во кој канадската полиција отворила оган кон камионет на човек осомничен за киднапирање, убиено е едногодишно дете.

Сè уште не е потврдено дали момчето било убиено од куршуми испукани од полицијата.

„Прерано е да се знае зошто точно полицијата пукала во возилото и што точно се случило после тоа“, изјави портпаролката на полицијата, Моника Худон, а пренесе „Гардијан“.

Во четвртокот наутро, полициска станица во Онтарио, добила пријава за можно семејно насилство и сомневање дека татко го киднапирал своето дете.

Локален жител за „Глобал њуз“ изјавил дека жена, нејзиниот син и терапевт му тропнале на вратата, барајќи засолниште.

„Некои луѓе дојдоа во куќата и побараа засолниште. Тие зборуваа нешто дека таткото побегнал со детето“, изјавил Том Дечичио.

Полицијата наскоро го лоцирала возилото на таткото. Откако се обидела да го запре, дошло до судир меѓу полициски автомобил, камионетот и друго возило. За време на тој инцидент, камионетот удрил и повредил полицаец кој стоел во близина на полициско возило.

Во тој момент, според агенцијата која ја спроведува истрагата, тројца полицајци пукале кон возилото. За време на пукањето, детето седело на задното седиште во камионетот.

Полициските службеници пукале во 33-годишниот татко на детето и тој бил пренесен во болница во сериозна состојба.
Полицискиот службеник удрен од камионетот се опоравува во болница во Торонто.

Прикажи повеќе...

Европа

Англија бесплатно ќе дели витамин Д како превентивна мерка против Ковид-19

Објавено пред

Англиските власти објавија дека ќе понудат бесплатна испорака на витамин Д за околу 2,7 милиони граѓани кои припаѓаат на ризичните групи.

Витаминот Д е неопходен за правилно функционирање на имунолошкиот систем, поради што многу експерти веруваат дека веројатно ќе помогне во намалување на ризикот од инфекција или развој на потешки симптоми на Ковид-19.

Властите денес објавија дека автоматски ќе испраќаат витамин Д во сите домови за стари лица низ Англија. Покрај тоа, тие ќе им го понудат овој витамин бесплатно на ризичните групи на луѓе кои потоа ќе одлучат дали сакаат да го користат.

Испораките на четиримесечните залихи со витамин Д ќе започнат во јануари, пишува „Скај Њуз“.

Сепак, ескпертите наласуваат и дека прекумерното внесување на витамин Д може да има штетни ефекти врз организмот и затоа е важно луѓето да се придржуваат до препорачаните дози.

Прикажи повеќе...

Најново

Македонија3 часа

Во Тетово, Куманово и Кавадарци стапуваат на сила мерки за заштита поради загадениот воздух

Во Тетово, Куманово и Кавадарци стапуваат на сила препораките и мерките во случај на неколкудневен надминат праг на ПМ10 честички...

Свет4 часа

Во Хонгконг запленети дијаманти со вредност од 700.000 евра

Царината во Хонгконг заплени повеќе од 160 дијаманти во вредност од околу 700.000 евра. Дијамантите се запленети од камион на...

Свет5 часа

Фаучи: Вакцинирајте се дури и ако сте се оправиле од Ковид-19

Водечкиот американски експерт за инфективни болести Ентони Фаучи ги советуваше Американците кои веќе имале коронавирус, или претпоставуваат дека го имале,...

Македонија5 часа

Охридскиот градоначалник со осуда за оштетувањето на споменикот во чест на загинатите бугарски туристи

Градоначалникот на Охрид, Константин Георгиески упати јавна осуда поради оштетувањето на споменикот поставен во спомен на бугарските туристи кои ги...

Македонија17 часа

Регистрирани 1.093 новозаразени, починаа 28 лица

Денеска се регистрирани 1.093 нови случаи на Ковид 19. Оздравеле 819 пациенти, а починаа 28 лица. Министерството за здравство информира дека...

Свет17 часа

СЗО: До 70 отсто од светската популација треба да биде вакцинирана за да се запре коронавирусот

Околу 60-70 проценти од светската популација треба да бидат вакцинирани или да стекнат имунитет, за да се спречи ширењето на...

Македонија19 часа

(Видео) ВМРО-ДПМНЕ на протести во повеќе градови: „Време е Заев да поднесе оставка“

Опозициската ВМРО-ДПМНЕ вечерва со автомобили одржа протести во неколку градови во државата поради ставовите на премиерот Зоран Заев, изнесени во...

Македонија20 часа

(Видео) Димитров: Не отстапуваме од македонскиот јазик и идентитет

Бугарија поради македонскиот јазик и македонската историја одлучи да ги блокира преговорите на Македонија со ЕУ. Во интервју за сараевската...

Македонија22 часа

ДСЗИ наложи итно санирање на руинираните простории во битолската болница

Државниот санитарен и здравствен инспекторат (ДСЗИ) и надложи на директорката на битолската болница итно да бидат санирани руинираните простории, како...

Македонија23 часа

Радев: Согласност за Македонија откако ќе се признаат историските факти и искорени омразата

Бугарија треба да даде согласност за почеток на преговорите за Северна Македонија, откако ќе се признаат објективните историски факти и...

Македонија24 часа

Заев: Груевски беше организаторот на „27-ми април“, а не Јанакиески, Ристовски и Вељаноски

Никола Груевски е главен организатор на 27-ми април, а екс-функционерите Трајко Вељаноски, Спиро Ристовски, Миле Јанакиески се изманипулирани од него,...

Економија1 ден

Поради стравот кај јавноста, АЕК распиша тендер за изработка на студија за влијанието на 4Г и 5Г-мрежите

Агенцијата за електронски комуникации (АЕК) распиша меѓународен тендер за изработка научна студија за влијанието на зрачењата од 4Г и 5Г-мрежите...

Македонија1 ден

Филипче: Охрабрува бројот на оздравени

„Епидемијата го достигна пикот минатата недела, сега бројките се стабилизираат, а Р-факторот на преносливост е 1“, вели министерот за здравство,...

Свет1 ден

Трамп: Испораката на вакцина против коронавирусот почнува следната недела

Американскиот претседател, Доналд Трамп, објави дека испораката на вакцина против коронавирусот ќе почне следната недела, пренесува „Ројтерс“. Во разговор со...

Свет1 ден

Истражување: тестирањето на антитела покажува помал број лица заразени со коронавирус

Тестирањето на антитела во крвта за да се утврди инфекцијата со коронавирус дава помал број во споредба со реалната состојба...

Свет1 ден

СЗО: Вакцината ќе ни даде контрола над вирусот

Еден од главните експерти на Светската здравствена организација (СЗО), Мајк Рајан, рече дека почетокот на употребата на вакцината против коронавирусот...

Свет1 ден

Болсонаро: Не сакам да се вакцинирам

Бразилскиот претседател, Жаир Болсонаро, изјави дека нема да прими вакцина против коронавирусот. Тој во видеообјава преку социјалните мрежи вели дека...

Спорт1 ден

Погребан Диего Армандо Марадона

Легендарниот аргентински фудбалер, Диего Армандо Марадона, кој почина во средата е погребан во Буенос Аирес. Илјадници навивачи низ улиците на...

Свет1 ден

За еден ден потврдени повеќе од 577.000 нови случаи на Ковид- 19

Повеќе од 577.000 нови случаи на Ковид-19 се потврдени за еден ден во светот, објави Светската здравствена организација (СЗО), со...

Свет1 ден

(Видео) Трамп: Ќе ја напуштам Белата куќа

Американскиот претседател Доналд Трамп изјави дека ќе ја напушти Белата куќа доколку Изборниот колеџ ја потврди победата на демократскиот кандидат...

Досие