Во Грција во последните 24 часа регистрирани се 2.056 нови случаи на коронавирус, а починале шест лица, соопшти националната Организација за јавно здравје.

Од почетокот на пандемијата пријавени се 39.251 случај на зараза од кои над 4.000 во врска со пристигнување од странство, пренесе АНА.

Досега починале вкупно 626 луѓе.

Велика Британија влегува во втора блокада на земјата која ќе започне во четврток ( 05 ноември) и ќе трае еден месец.

Според новите мерки, кои вечерва ги објави британскиот премиер Борис Џонсон, луѓето ќе можат да излезат од своите домови само за да одат на работа, училиште и во продавница.

Еден месец нема да работат рестораните и несуштинските продавници, а ќе останат отворени училиштата и факултетите.

Предвидено е и ограничување за патувања, кое ќе стапи на сила во четврток и ќе трае до 2 декември.

Џонсон објасни кога граѓаните ќе можат да ги напуштат своите домови – вежбање и рекреација на отворено, лекарски потреби, купување основни намирници и друго. Тој истакна дека Божиќ оваа година ќе биде поразличен о вообичаено.

Францускиот претседател Емануел Макрон изјави дека ги разбира чувствата на муслиманите кон навредливите карикатури од пророкот Мухамед, но нагласи дека неговата влада не стои зад тие карикатури и дека не прифаќа оправдување на насилството.

„Можам да го разберам шкот поради карикатурата на Мухамед, но нема никогаш да прифатам да се оправдува насилство. Наша должност е да ги заштитиме слободата и правата“ рекол Макрон во интервју за Ал Џезира.

Тој појасни дека во Франција постои слобода на изразување која овозможува објава на такви карикатури.

„ Карикатурите не се државен проект, тие се производ на слободни и независни медиуми кои не се поврзани со владата“ рекол Макрон.

„ Реакциите во муслиманскиот свет се последица на еден куп лаги и фактот дека луѓето веруваа дека јас самиот ги одобрував овие карикатури (…) Јас се залагам за слобода на пишување, размислување и цртање во мојата земја затоа што сметам дека е важно, дека е исправно, дека се тоа наши слободи “, рече францускиот претседател.

„Тоа не значи дека јас лично поддржувам сè што е кажано и нацртано“, нагласи тој.

Макрон вели дека сака „смирување“ на ситуацијата, нагласувајќи дека во Франција нема стигматизација на муслиманите. Францускиот претседател тврди дека најголемите жртви на радикалниот ислам биле самите муслимани.