Свет
Уапсени 56 члена на мафијашката организација Ндрангета

Италијанската полиција уапси 56 лица осомничени дека се дел од мафијашката организација Ндрангета, а се товарат за многубројни кривични дела, па покрај насилството, има и корупција, изнуда, измама, киднапирање…
Во акцијата учествувала и специјалната полициска единица на градот Катанзаро, а окружниот судија од тој град ги донел казнените мерки, пренесе АНСА.
Акцијата беше спроведена во Калабрија, пред сè, во Вибо Валентиа, Катанзаро и Реџо Калабрија, но и во целата земја – во Парма, Милано, Палермо, Беневенто, Авелино…
Според директорот на државната полиција за борба против криминалот, Франческо Месина, „голема полициска операција овозможи да се разбие моќна криминална група, која може да ѝ се припише на мафијашката организација Ндрангета“.
Ндрангета е криминална организација, која ја држи Калабрија и се смета за една од трите најсилни мафии во Италија, заедно со Камора (Неапол) и Коза Ностра (Сицилија).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Вучиќ: Секој ден може да дојде до ескалација, Курти нема да престане

Секој ден може да дојде до ескалација, Курти нема да престане, рече српскиот претседател, Александар Вучиќ, во емисија на ТВ Прва.
„Мило ми е што луѓето во Србија се задоволни што понекогаш може да се видат резултатите од одговорната политика. Но, не сум оптимист. Пред ова емисија пет советници ми рекоа да не бидам пргав, не биди песимист, но јас ги гледам работите поинаку“, рече Вучиќ.
Конфликтот го почна полицијата на таканареченото Косово, а не НАТО, рече српскиот претседател.
„Сите знаат дека Курти е виновен и тоа не е спорно, нема што да кријам, тој знае дека што и да направи Американците ќе бидат за зачувување на таканаречената независност на Косово. И кога ќе прашате што се случува со Заедницата на српските општини (ЗСО), тие велат дека треба да се направи, нема што да се направи. Тоа е потпишано. Секој ден може да ескалира. Затоа што Курти фантазира за војна и сонува да биде Зеленски. Сакаат НАТО да влезе во конфликт со Србија и не е во наш интерес да војуваме“, рече тој.
Вучиќ кажа дека разговорот со Шолц и Макрон бил многу тежок и дека бил многу остар.
„Не сум оптимист, ни претстојат тешки денови. Подготвени сме да разговараме и да деескалираме“, изјави Вучиќ.
Свет
(Видео) Пожар проголта висококатница во Италија: едно лице загина, има повредени

Најмалку едно лице загина, а неколку се повредени во голем пожар што избувна денеска во повеќекатница во Рим, јавија локалните медиуми. Пожарникарите пронашле мртов маж на скалите од станбена зграда, јави новинскaта агенции АНСА.
Пожарот избувна попладнево во зграда во квартот Коли Агниене на североистокот од главниот град на Италија, соопшти противпожарната служба.
Un altro scoppio dopo l esplosione.. #esplosione #collianiene #esplosionepalazzo pic.twitter.com/4SS95Eh7vG
— Chiara (@chiaraguerraa) June 2, 2023
Според медиумите, неколку лица се повредени и пренесени во болница со изгореници и отежнато дишење.
Пожарот зафатил седум од осум ката на зградата, која беше во фаза на реконструкција.
🔵#Roma Una vittima e almeno 12 feriti, 5 intossicati e 7 ustionati, per un incendio divampato in una palazzina di 7 piani in ristrutturazione nella zona di Colli Aniene, periferia est della Capitale. Una ventina gli sfollati. Le fiamme sarebbero partite da un’auto parcheggiata. pic.twitter.com/cVd4i909C3
— Rai Radio1 (@Radio1Rai) June 2, 2023
Пожарот наводно избувнал на скелето пред зградата. Фотографиите и видеата од пожарникарите покажуваат густ црн чад кој се издигнува на небото.
Регион
Жена падна во провалија длабока 20 метри во Црна Гора и преживеа само со гребаници, лекарите зачудени

Руска државјанка, чиј идентитет не се соопштува, се здобила со лесни повреди кога паднала во провалија длабока дваесет метри.
Според информациите на црногорските медиуми, Русинката со својата пријателка се возела со такси од правец на Будва и во градот Обзовица го замолила возачот да застане покрај патот. Не долго потоа, таа паднала во бездната.
Припадниците на цетинската спасувачка служба веднаш излегле на местото на настанот. Ја извадиле повредената и ја предале на итната помош која ја однела во болницата во Цетиње.
Началникот на Центарот за заштита и спасување, Милош Ќечановиќ изјави за Радио Цетиње дека повредената се жалела на болки во главата и вратот и дека имала неколку гребаници.
Лекарите биле зачудени, пишува „Блиц“.