Свет
Уапсен сопственик на болница во Бангладеш поради издавање лажни тестови за коронавирус
Сопственик на приватна болница во Бангладеш е уапсен поради вмешаност во фалсификување на резултатите од илјадници тестови на Ковид-19 спроведени во неговата здравствена установа во Дака, објави полицијата.
Полицискиот полковник Ешик Билах изјави дека припадниците на Специјалната полициска единица (РАБ) го уапсиле Мохамед Шадед, директор на болницата „Регент“, сместена во југозападниот дел на земјата во граничната област со Индија.
Шадед е уапсен кога се обидел да замине во Индија преку слабо контролираната граница. Тој бил во бегство со денови по затворањето на неговата болница.
Деветмина вработени во болницата биле уапсени порано како дел од истрагата во која се откриени фалсификувани резултати од најмалку шест илјади тестови на коронавирус.
Властите ја повлекле дозволата на болницата да спроведува тестови откако се открило дека некои од спроведените тестови покажале лажно-позитивни или лажно-негативни резултати од тестот.
Исто така е откриено дека на пациентите им се наплаќал паричен надоместок со што се кршел договорот со властите за бесплатно лекување на пациентите со коронавирус.
Уапсена е и лекарка во јавна болница под обвинение за вмешаност во издавање лажни резултати од тестот за коронавирус во приватна клиника.
Досега во Бангладеш се регистрирани повеќе од 190.000 случаи на инфекција со коронавирус, а откако е направена првата дијагностика на 8 март, починале 2.424 лица.
Оваа јужноазиска земја се најде под жестоки критики откако се покажа дека голем број на патници кои патувале од Бангладеш за Италија по тестирањето биле позитивни, и покрај носењето сертификати дека се негативни за коронавирусот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Лукашенко се судри со играч за време на натпревар во хокеј: снимката од неговото паѓање стана вирална
71-годишниот белоруски претседател Александар Лукашенко падна на мразот за време на натпревар во хокеј. Снимката од инцидентот стана вирална на социјалните мрежи.
Снимката покажува како хокеар со број 68 случајно го удира Лукашенко, кој го носеше дресот со број 01, во грбот. По судирот, Лукашенко ја изгуби рамнотежата и падна на мразот, удирајќи ја главата на лизгалиштето.
Во тимот на Лукашенко, дресот со број 68 го носеше Јарослав Чуприс, поранешен играч на белоруската репрезентација. По падот, натпреварот беше накратко прекинат, а Чуприс побрза да му помогне на Лукашенко да стане. Неколку играчи од тимот, исто така, дојдоа до него.
Lukashenko spectacular fall on the ice — like a sack of potatoes 🤣
The ageing hockey player lost his balance, dropped his stick, fell on his back and managed to get up only with the help of another player — who had a unique chance to give Belarusians a perfect New Year’s gift. pic.twitter.com/d9oeuZdseA
— NEXTA (@nexta_tv) December 28, 2025
„Типична работна ситуација: мора да ги зајакнете сопствените редови за другите да размислат двапати. Сè е во ред. Се чувствувам добро, освен истегнатиот мускул на грбот. Се подготвувам за следниот натпревар“, рече Лукашенко по натпреварот.
Канцеларијата за односи со јавноста на Лукашенко објави дека натпреварот завршил нерешено 5-5 и дека синот на Лукашенко, Николај, го израмнил резултатот со гол триесет секунди пред крајот.
Регион
(Видео) Курти убедливо победи на предвремените избори
Партијата на премиерот Албин Курти победи на парламентарните избори во Косово во недела, а прелиминарните официјални резултати сугерираат дека освоила близу 50 проценти од гласовите, потенцијално ставајќи крај на политичкиот ќорсокак што ја парализираше земјата.
Централната изборна комисија соопшти дека партијата Самоопределување освоила 49,79 проценти од гласовите откако беа пребројани гласачките ливчиња на околу 95 проценти од гласачките места. Демократската партија на Косово и Демократската лига на Косово се на второто и третото место со 21,18 проценти и 13,77 проценти, соодветно, додаде комисијата.
„Мора да дејствуваме што е можно побрзо за да воспоставиме институции“, рече Курти откако беа објавени прелиминарните резултати.
Тој ги повика опозициските партии да соработуваат во парламентот „во интерес на граѓаните и народот“ на Косово.
Свет
(Видео) Воз со 250 патници излета од шините во Мексико, 13 мртви
Мексиканските власти вчера соопштија дека најмалку 13 лица загинале во железничка несреќа во државата Оахака.
Речиси 100 лица се повредени
Мексиканската морнарица соопшти дека возот со 250 лица излетал од шините во близина на градот Низанда. Речиси 100 лица се повредени, а 36 се однесени во болница.
Me informa la Secretaría de Marina que en el accidente del Tren Interoceánico lamentablemente fallecieron 13 personas; 98 están lesionadas, cinco de ellas de gravedad. Los heridos se encuentran en hospitales del IMSS en Matías Romero y Salina Cruz, así como de IMSS-Bienestar en…
— Claudia Sheinbaum Pardo (@Claudiashein) December 29, 2025
Претседателката Клаудија Шајнбаум изјави на Икс дека петмина од повредените се во критична состојба.
Отворена е истрага за несреќата.

