Свет
„Фајзер“ ќе им дозволи на земјите во развој да го произведуваат неговиот лек против Ковид-19
Американската компанија за лекови „Фајзер“ склучи договор со кој дозволува нејзината експериментална таблета за лекување од Ковид-19 да се произведува и продава во 95 земји во развој.
Договорот со непрофитната организација „Медисинс патент пул“ поддржана од ОН може да го направи лекот достапен за 53% од светската популација. Но во него нема неколку земји што имаат големи жаришта на Ковид-19, меѓу кои е и Бразил.
Од компанијата велат дека пилулата го намалува ризикот од тешка болест кај ранливите возрасни лица.
Како што се наведува, договорот ќе им овозможи на локалните производители на лекови да ја произведуваат таблетата со цел да се олесни поголем пристап до светското население.
„Фајзер“ нема да наплаќа авторски права за продажба во земјите со пониски приходи и рече дека ќе се откаже од тантиемите во сите нации вклучени во договорот сѐ додека Светската здравствена организација го означува ковидот како алармантна јавноздравствена состојба.
Во почетокот на ноември „Фајзер“ соопшти дека според клиничките испитувања, нејзината пилула против Ковид-19, паксловид, го намалува ризикот од прием во болница или смрт за 89% кај возрасните пациенти со висок ризик.
Чарлс Гор, директор на непрофитната организација, во изјавата рече дека лиценцата е важна бидејќи овој орален лек е особено добро приспособен за земјите со низок и среден приход и може да игра клучна улога во спасувањето животи.
Повеќето од вклучените земји се во Африка или Азија. Сепак, нациите како Бразил, Кина, Русија, Аргентина и Тајланд, кои имаат големи жаришта, не се дел од договорот, наведува Би-би-си.
Некои експерти велат дека ова не е доволно за да се решат нееднаквостите во пристапот до третманите и вакцините за ковид-19.
„Фајзер“ и другите фармацевтски компании, исто така, се спротивставија на повиците за укинување на патентите за нивните вакцини против ковид.
Организацијата Лекари без граници во изјава за Асошиејтед прес порача дека е „обесхрабрена“ што со договорот таблетите на Фајзер против ковид-19 не се достапни насекаде во светот.
„Светот сега веќе знае дека пристапот до медицинските алатки против ковид-19 треба да се загарантирани за секого, секаде, доколку навистина сакаме да ја контролираме оваа пандемија“, рече советникот за правна политика на групата Јуанчионг Ху.
Во октомври, друг производител на лекови, Мерк, објави сличен договор со Медицинс патент пул за да им овозможи на производителите да произведуваат сопствена таблета против ковид-19, молнупиравир.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Франција е единствената во ЕУ со нуклеарно оружје, Макрон најави важен говор за тоа
Францускиот претседател, Емануел Макрон, ќе го одржи долгоочекуваниот говор за пет дена за придонесот на француското нуклеарно одвраќање кон безбедноста на европскиот континент, како дел од борбата против глобалните геополитички превирања, објави денес Елисејската палата.
Тој ќе зборува во церемонијална поставка на полуостровот Ил Лонг во Бретања, каде што се наоѓаат четири подморници со нуклеарен погон со балистички ракети, кои го претставуваат поморскиот елемент на француското нуклеарно одвраќање, заедно со стратешките воздухопловни сили.
„Ова ќе биде важен момент во неговиот мандат. Несомнено ќе има некои значајни случувања“, рече извор близок до претседателот, кој не сакаше да открие повеќе детали.
Говорот ќе биде еден вид продолжение на неговото јавно обраќање од 7 февруари 2020 година, кога им предложи на Европејците „стратешки дијалог“ во врска со „улогата на француското нуклеарно одвраќање“ во колективната безбедност на Европа и заедничките вежби во оваа многу чувствителна област на националниот суверенитет.
Франција е единствената членка на Европската Унија што поседува нуклеарно оружје, а покрај неа, само Велика Британија има нуклеарно оружје на Стариот континент. Сите други европски земји се заштитени од проширеното американско одвраќање што функционира во рамките на НАТО.
Ваквите говори се обврска на секој француски претседател, кој е и врховен командант на вооружените сили и конечен донесувач на одлуки во врска со нуклеарното оружје, а Франција ги смета за крајна гаранција за своите витални интереси. Претседателот Макрон е должен да одржи еден таков говор како дел од секој од неговите два петгодишни мандати.
фото/Depositphotos
Свет
Фотографија од Стивен Хокинг од Девствените Острови се појави во досиејата на Епстин
Нова серија документи поврзани со Џефри Епстин, објавени од Министерството за правда на САД, вклучува фотографија од покојниот британски физичар Стивен Хокинг. На сликата, Хокинг е прикажан како се релаксира на лежалка со две жени во бикини. Познатиот научник, кој страдаше од екстремно прогресивна невромоторна болест – амиотрофична латерална склероза (АЛС) и беше врзан за инвалидска количка повеќе од 50 години, почина во 2018 година на 76-годишна возраст.
Иако не е точно познато каде е направена фотографијата, познато е дека Хокинг учествувал на научна конференција организирана од Епстин во 2006 година, пишува The Times. Настанот се случил пет месеци пред финансиерот да биде обвинет за проституција со малолетници. Хокинг беше еден од 21 научник кои го посетија Сент Томас на Девствените Острови и приватниот остров на Епстин, Малиот Сент Џејмс.
На блогот на Фондацијата Џефри Епстин VI се вели дека гостите се собрале за да „разговараат, да се релаксираат на плажа и да патуваат до блиското приватно островско одморалиште на научниот филантроп Џефри Епстин, кој го финансираше настанот“. Конференцијата се одржа во хотелот со пет ѕвезди „Риц-Карлтон“ на Сент Томас, каде што ноќевање наводно чинело 1.600 долари. Се чини дека гостите престојувале и на Сент Томас и на Малиот Сент Џејмс, каде што Епстин лично ги угостил.
Хокинг претходно се појави на фотографии поврзани со Епстин. Една, објавена во 2015 година, го покажува на отворено со неколку други гости, додека друга го покажува на подморничка турнеја низ водите околу Малиот Сент Џејмс.
Епстин наводно го адаптирал возилото за да може и Хокинг да го користи. Во повеќе од 3,5 милиони документи, Хокинг се споменува најмалку 250 пати, но важно е да се напомене дека самото споменување во документите поврзани со Епстин не се смета за доказ за извршување на кривично дело.
фото/US Justice Department
Свет
Зеленски: Нашите преговарачи утре ќе имаат средба со американскиот тим
Претседателот на Украина, Володимир Зеленски, објави дека украинските преговарачи утре ќе се сретнат со американската делегација, пренесува Sky News.
Според него, тимот предводен од главниот преговарач Рустем Умеров ќе се сретне со специјалниот претставник на Доналд Трамп, Стив Виткоф, неговиот зет Џаред Кушнер и други американски претставници.
Темите на дискусија ќе бидат „пакетот за просперитет“ и економската соработка.
Зеленски додаде и дека се во тек подготовки за нов трилатерален состанок со Русија, за кој Киев се надева дека ќе се одржи на почетокот на март.
фото/ Depositphotos
Заев поднесе тужби против Бране Петрушевски и Жан Митрев
Поранешниот премиер и лидер на СДСМ, Зоран Заев поднел тужби против Бране Петрушевски и Жан Митрев за како што вели,...
Стојаноски за платите на функционерите: се намалуваат за над 10.000 денари, законското решение е согласно Устав
„Поднесовме предлог на измена на шест закони, со овој пакет на закони се опфаќаат Законот за пратениците, Законот за плата...
Политичарите да се воздржат од коментирање на одлуката за притворот на Груби, апелира Здружението на јавните обвинители
Здружението на јавните обвинители апелира до сите политички партии и функционери да го почитуваат и да не го загрозуваат начелото...
(Видео) „Обвинителството се заплетка со притворот за Груби, се покажа дилот, сè е договорено“, вели Кузеска
„Политичкиот дил ВМРО-ДУИ со Груби веќе на сите им è јасен, граѓаните знаат што се случува. Разоткриенo е секое делче...
Обвинителите бараат итно да се повлече од дневен ред точката за намалување на нивните плати: Се загрозува независноста со економски притисок
Здружението на јавните обвинители утрово испрати итка рекација до Собранието во која бараат да биде повлечена од дневен ред на...
Претседателот на Албанија во тридневна посета на Македонија, посебен режим на сообраќајот во Скопје
В четврток, петок и сабота, во официјална посета на Република Северна Македонија ќе престојува Бајрам Бегај, претседател на Република Албанија....
Вчера за првпат откако функциниора „Безбеден град“ не е регистрирано ниту едно минување на црвено светло
Првпат откако функциниора системот „Безбеден град“, на 24.02.2026 не е регистриран ниту еден прекршок за минување на затворен семафор –...
Утре без струја неколку скопски населби
Поради реализација на инвестициски зафат, а со цел подобрување на квалитетот во снабдувањето со електрична енергија, во четврток 26.02.2026 година,...
Отворени се 22 нови рути кои ја поврзуваат Македонија со цела Европа, објави Николоски
Вицепремиерот Николоски на својот фејсбук профил објави мапа со воспоставени 22 нови авио дестинации кон Европа од двата домашни аеродроми....
Додека Артан Груби гледа телевизија дома, во ДУИ преовладува паничен напад од прв до последен, велат од „Вреди“
Артан Груби е црната кутија на ДУИ. Не е обичен поранешен функционер во куќен притвор, туку човекот што ги знае...
Британската влада ќе објави доверливи документи за назначувањето на поранешниот принц Ендру
Британската влада ќе објави доверливи документи за назначувањето на поранешниот принц Ендру за трговски претставник, што е резултат на жестока...
(Видео) Во своето обраќање до нацијата, Трамп го спомена и убиството на Украинката: „Ќе обезбедиме правда“
Американскиот претседател Доналд Трамп во своето обраќање пред Конгресот ја спомена 23-годишната Украинка Ирина Заруцка, која беше брутално убиена во...
Трамп за Венецуела: Добивме 80 милиони барели нафта од нашиот нов партнер
Американскиот претседател Доналд Трамп ја опиша Венецуела како „сојузник“ на САД во своето обраќање за состојбата на нацијата во вторник,...
(Фото) Откриена најголемата колонија на корали во светот во близина на Австралија
Тим од мајка и ќерка, и двете научници, ја откри најголемата позната корална колонија во светот покрај брегот на Австралија....
(Видео) Расте бројот на жртви по обилни дождови во Бразил
Бројот на жртви од обилните дождови што ја погодија југоисточната бразилска држава Минас Жераис се искачи на најмалку 25, а...
(Видео) Трамп: „Победуваме толку многу што веќе не знаеме што да правиме со тоа“
Американскиот претседател Доналд Трамп прогласи „златно доба“ за Америка во своето обраќање за состојбата на нацијата во вторник. „Нашата нација...
ДУИ обвинува за притисок врз судството: Изјавите на Филков за куќниот притвор се директно мешање во постапката
Демократската унија за интеграција (ДУИ) изрази длабоко незадоволство поради, како што наведуваат, заканите упатени кон судии и обвинители од страна...
Одземени лиценците за канабис на шест фирми: не им работеле камерите, немале обезбедување, едно имале на хартија друго во магацин
На шест од досега провери 13 компании им се одземени лицентие за одгледување канабис за медицински цели. Министерот за здравство,...
Битолчанец пријавен за обид за убиство на своите деца и напад врз полицајци
СВР Битола поднесе кривична пријава против В.Ф. (42) од Битола поради постоење основи на сомнение за сторени кривични дела „убиство“...
Ми се гади од лицемерието, Артан Груби во куќен притвор, јас 28 месеци во притвор: Јане Ченто за правосудните аршини
По одлуката на надлежните институции, поранешниот прв вицепремиер Артан Груби да биде ставен во куќен притвор со 24-часовен надзор, по...
