Судот во Јордан денеска осуди пет високи здравствени службеници за предизвикување смрт на 10 пациенти со Ковид 19 поради недостаток на кислород во државната болница, објавија државните медиуми.

Судот ги прогласи за виновни поранешниот директор на државната болница во Салта, западно од главниот град, и четворица негови помошници.

Пациентите кои се лекуваа во оваа установа починаа во март, кога персоналот не реагираше на недостатокот на кислород речиси еден час.

Катастрофата предизвика големи антивладини протести во многу градови. Политичарите и локалните активисти тврдеа дека овој настан укажува на сериозна негрижа во државниот здравствен систем.

Министерот за здравство Натир Обеидат поднесе оставка неколку часа по настанот, а премиерот Бишер ал-Касавене јавно се извини.

Сенегал го регистрира првиот случај на сојот омикрон, со што стана трета западноафриканска земја каде е потврден новиот сој, по Нигерија и Гана.

Соопштението за првиот случај го објави Институтот за здравствени истражувања, епидемиолошки надзор и обука (ИРЕШЕФ), кој е една од лабораториите на кои Сенегал одобри тестирање за ковид-19, пренесе АП.

Случајот е откриен во петокот кај 58-годишен маж кој со авион од земјата во подрегионот пристигнал во Сенегал на 22 ноември, соопшти Институтот.

Тој бил вакциниран во април со вакцината Астра Зенека, а во јуни со вакцината Фајзер.

Според Институтот, пациентот престојувал во хотелот во главниот град Дакар и учествувал на демонстрации на кои присуствувале близу 300 луѓе.

Тој е изолиран и не покажува симптоми од неделата, се наведува понатаму.

Институтот Пастер во Дакар објави дека неколку часа подоцна биле откриени уште два случаи на омикрон, меѓу патниците што го напуштале Дакар.

Станува збор за 28-годишен маж кој бил позитивен на 23 ноември и 29-годишна жена која престојувала во хотел во Дакар и која била позитивна на 1 декември.

Рускиот претседател Владимир Путин ја повика директорката на Федерацијата на Црвениот крст и Црвената полумесечина, Франческа Рока, да внимава на однесувањето на Полска во ситуацијата со мигрантите на границата, каде, како што тврди, додаваат хербициди во водата која ја пијат мигрантите.

„Треба правилно и внимателно да следите што се случува на границата и што прават властите на соседната земја, во овој случај Република Полска“, посочи тој, пренесе РИА Новости.

„Па, не можете да ги поплавите луѓето, не само со вода, туку и да ставате хербициди и пестициди во водата, за да предизвикате изгореници и други сериозни повреди на мигрантите, вклучително и жени и мали деца“, рече Путин за време на разговорот со Рок.

Путин нагласи дека тоа воопшто не се вклопува во принципите на хуман третман на мигрантите.

„Колку луѓе веќе загинаа на границата. Таму се закопани.Тоа е катастрофа и треба да обрнете внимание на тоа“, нагласи Путин.