Ветровите проследени со дожд во Велика Британија дуваа со брзина до 100 километри на час и превртеа камион на автопатот А1, кој потоа удри во полициски автомобил.

Несреќата се случила во Шкотска кога полициско возило го насочувало сообраќајот од надворешната лента. Ветрот веќе оддувал еден камион од патот до тогаш. Друг камион тогаш само се превртел кон полицискиот автомобил и го смачкал. Полицаецот кој пристигнал на местото на настанот е полесно повреден.

Sgt Easton, the driver, was as cool-as-a-cucumber when he broadcast on INTOP1: “We need to close the A1 now: a lorry has just toppled onto my patrol car. And I just polished it yesterday!” I nearly spilt my mug of tea but was quickly reassured when told the BMW was a ‘64 plate! pic.twitter.com/eX6lDJGUXy

— CS Stewart Carle (@ChSuptRoads) December 10, 2019

„Мораме да го затвориме А1 веднаш. Камионот само што се преврте на моето патролно возило. А го исполирав вчера“, објави на твит началникот на полицијата Стјуарт Карл.

#A1 UPDATE AS OF 3.30PM

The road will remain closed between #Haddington & #Dunbar until at least 10pm tonight (10, December) and will reopen only once the recovery of HGVs involved in earlier crashes has taken place.

Please travel with care.

Read more: https://t.co/uNex3bfVUU pic.twitter.com/9UpLfBzWrz

— Road Policing Scotland (@polscotrpu) December 10, 2019

Метеоролозите издадоа жолто предупредување за подрачјето на Англија и Шкотска бидејќи силните ветрови веројатно ќе предизвикаат доцнење во железничкиот и патниот сообраќај.

Изборната трка во Велика Британија станува сè понеизвесна, а конзервативците на премиерот Борис Џонсон треба на изборите в четврток да победат со мало мнозинство. Ова го покажуваат најновите испитувања на јавното мислење.

Агенцијата YouGov предвидува дека конзервативците ќе обезбедат мнозинство од 28 пратенички места, што е значително помалку од 68-те мандати колку што им предвидуваше анкетата од пред две недели. Предноста на конзервативците е многу намалена во последните две недели и сега поради маргината од грешка во анкетата, веќе не е ни сигурно дека премиерот Борис Џонсон ќе победи на изборите, а во тој случај брегзитот повторно може да биде одложен.

На премиерот на Етиопија, Абиџ Ахмед, денеска во Осло му беше врачена Нобеловата награда за мир. Тој се заложи за единство и помирување изјавувајќи дека ние и тие не постојат.

Ахмед (43) е награден за помирувањето и договорот постигнат со Еритреја, со кој се стави крај на 20-годишниот конфликт меѓу двете држави.

„Нема ние и тие, туку само ние затоа што сите сме поврзани со заедничката судбина на љубовта, простувањето и помирувањето“, рече премиерот на Етиопија.

Нобеловата награда се состои од златен медал, диплома и чек на девет милиони круни (околу милион евра). Паричниот износ на наградата се дели ако има повеќе лауреати во една дисциплина.