Европа
Финска ја затвора границата за руските туристи
Финска одлучи да ги затвори своите граници за руските туристи бидејќи воведува построг процес за виза што треба да стапи во сила на полноќ, објави во четвртокот тамошниот министер за надворешни работи придружувајќи им се на балтичките земји и на Полска.
Финскиот министер за надворешни работи, Пека Хаависто, рече дека владата дејствувала побргу по експлозијата на гасоводот „Северен тек“, за што се верува дека е резултат на саботажа, и плановите на Москва да анектира четири украински региони по нелегалните референдуми.
Исклучоци важат за Русите што доаѓаат во Финска за да се сретнат со членовите на семејството, за работа или за медицинска нега.
Главната промена е што Русите повеќе нема да може да влегуваат во Финска како туристи или да патуваат понатаму во други земји од шенген-зоната од туристички причини.
Овој чекор се очекува да го намали бројот на Руси што ја преминуваат границата за 30 до 50 отсто, според финската новинска агенција СТТ.
Финска има исклучително долга граница со Русија, дури 1.340 километри.
Министерот за надворешни работи на Естонија, Урмас Реинсалу, ја поздрави одлуката на Финска посочувајќи дека Хелсинки ја усвоил оваа мерка во тесна соработка со Естонија, Латвија, Литванија и Полска и дека ќе ја подобри безбедноста во целиот регион.
На 19 септември Естонија, Летонија, Литванија и Полска веќе го ограничија влезот на Русите во земјата.
Потоа забранија влез на руски државјани со шенген-визи од туристички и деловни причини и поради спортски и културни настани, пренесуваат медиумите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Лавров: Западот мора да разбере дека Русија има стратешка иницијатива во Украина
Рускиот министер за надворешни работи Сергеј Лавров во интервју објавено вчера вечер изјави дека Западот мора да разбере дека Русија има стратешка иницијатива во Украина, додека разговорите за можно решение за ставање крај на војната продолжуваат.
Лавров за новинската агенција РИА изјави дека Западот мора да се помири со реалноста на теренот речиси четири години по почетокот на руската инвазија на Украина, која ја опиша како „Специјална воена операција“.
Тој рече дека Соединетите Американски Држави сега ја поддржуваат идејата, која им стана јасна на сите, дека се потребни нови избори со истекот на мандатот на украинскиот претседател Володимир Зеленски.
Лавров, исто така, повтори дека решението бара крај на секоја идеја за присуство на НАТО во Украина и дека земјата мора да прифати неутрален, неврзанички статус.
Европа
Медведев: Зеленски ќе мора да се крие до крајот на животот
По нападот со беспилотни летала врз резиденцијата на рускиот претседател Владимир Путин во регионот Новгород, Володимир Зеленски ќе мора да се крие до крајот на животот, напиша Дмитриј Медведев, заменик-претседател на Рускиот совет за безбедност.
„Овој смрдлив киевски гад се обидува да го саботира решавањето на конфликтот“, напиша Медведев во објавата.
The stinking Kiev bastard is trying to derail the settlement of the conflict. He wants war. Well, now at least he’ll have to stay in hiding for the rest of his worthless life.
— Dmitry Medvedev (@MedvedevRussiaE) December 29, 2025
Медведев, исто така, напиша дека Зеленски „сака војна“ и дека сега ќе мора да се крие „до крајот на својот безвреден живот“.
Европа
(Видео) Лукашенко се судри со играч за време на натпревар во хокеј: снимката од неговото паѓање стана вирална
71-годишниот белоруски претседател Александар Лукашенко падна на мразот за време на натпревар во хокеј. Снимката од инцидентот стана вирална на социјалните мрежи.
Снимката покажува како хокеар со број 68 случајно го удира Лукашенко, кој го носеше дресот со број 01, во грбот. По судирот, Лукашенко ја изгуби рамнотежата и падна на мразот, удирајќи ја главата на лизгалиштето.
Во тимот на Лукашенко, дресот со број 68 го носеше Јарослав Чуприс, поранешен играч на белоруската репрезентација. По падот, натпреварот беше накратко прекинат, а Чуприс побрза да му помогне на Лукашенко да стане. Неколку играчи од тимот, исто така, дојдоа до него.
Lukashenko spectacular fall on the ice — like a sack of potatoes 🤣
The ageing hockey player lost his balance, dropped his stick, fell on his back and managed to get up only with the help of another player — who had a unique chance to give Belarusians a perfect New Year’s gift. pic.twitter.com/d9oeuZdseA
— NEXTA (@nexta_tv) December 28, 2025
„Типична работна ситуација: мора да ги зајакнете сопствените редови за другите да размислат двапати. Сè е во ред. Се чувствувам добро, освен истегнатиот мускул на грбот. Се подготвувам за следниот натпревар“, рече Лукашенко по натпреварот.
Канцеларијата за односи со јавноста на Лукашенко објави дека натпреварот завршил нерешено 5-5 и дека синот на Лукашенко, Николај, го израмнил резултатот со гол триесет секунди пред крајот.

