Свет
Фон дер Лајен: Трамп сака мир, но Путин не сака да седне на преговарачката маса
Европа прецизно испланира како да испрати војници во Украина, изјави синоќа претседателката на Европската комисија, Урсула фон дер Лајен.
„Безбедносните гаранции се поважни од сè. Тие се апсолутно клучни“, изјави фон дер Лајен, објави „Фајненшл тајмс“.
Таа изјави дека постои план за безбедносни гаранции, за кој европските лидери се согласиле во Белата куќа.
„(Американскиот претседател Доналд) Трамп нè увери дека и американските војници ќе учествуваат во поддршката на Украина, што е потврдено неколку пати“, рече фон дер Лајен.
Таа додаде дека Трамп сака мир, но дека рускиот претседател Владимир Путин не сака да седне на преговарачката маса.
„Путин не го прави она што вели дека ќе го направи“, смета фон дер Лајен.
Таа изјави дека ЕК ќе истражи нови канали што можат да помогнат во одржливото финансирање на украинската армија и дека постојните канали за помош, вклучително и буџетската поддршка, треба да продолжат да функционираат во мирно време.
Претседателот на САД, Доналд Трамп, завчера изјави дека средбата меѓу рускиот претседател Владимир Путин и неговиот украински колега, Володимир Зеленски, е малку веројатна и дека можеби ќе бидат потребни американски авиони за да ѝ помогнат на Европа да ја заврши војната.
„Трилатерална средба ќе се случи, билатерална – не знам. Понекогаш луѓето не се подготвени за тоа. Користам аналогија. Имате дете, а друго дете е на игралиштето. Тие се мразат меѓусебно и почнуваат да се тепаат. Сакате да престанат, но тие продолжуваат. По некое време сакаат да престанат. Понекогаш мора да се борат малку пред да можете да ги натерате да престанат. Но, тоа се случува веќе долго време. Многу луѓе загинаа“, рече Трамп во интервју за американскиот весник „Дејли Колер“.
Тој додаде дека е подготвен да помогне со безбедносни гаранции, дури и ако тоа вклучува воздушна поддршка од САД, за да се запре војната.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Се бараат оставки поради трагедијата во Домот за пензионери
Голем број граѓани на Тузла денеска излегоа на улиците на градот и одржаа протест, изразувајќи го своето незадоволство поради трагедиите и скандалите што го погодија Тузланскиот кантон.
Пожарот што избувна во вторникот во Домот за пензионери во Тузла однесе 13 животи, а 12 пациенти сè уште се наоѓаат во болница. Како што беше утврдено, жртвите починале од труење со јаглерод моноксид.
Една седмица претходно, Тузланскиот кантон го потресе случајот со подведување малолетнички, за што се осомничени полициски службеник и еден професор. Нивното подведување траело неколку месеци во текот на минатата и оваа година.
Присутните граѓани од Тузла, но и оние кои допатуваа од други градови на Босна и Херцеговина, денеска побараа оставки од надлежните.
Свет
Три девојки планирале терористички напад во Париз
Девојки на возраст од 18, 19 и 21 година, беа уапсени и обвинети за терористичка завера и планирање напад во Париз, соопштија денеска истражните органи.
Како што е наведено, тие неколку недели планирале насилен терористички напад врз кафуле или концертна сала во Париз, јави РТЛ.
Апсењето и обвинението против трите жени е резултат на истрагата на Националното обвинителство за борба против тероризмот, која беше успешно завршена пред 10-годишнината од смртоносниот терористички напад на 13 ноември 2015 година во Париз.
Свет
Се запали магацин за парфеми во Турција, загинаа шест лица
Најмалку шест лица загинаа, а две се повредени во пожар што утрово избувна во магацин за парфеми во градот Диловаси, во северозападниот дел на Турција.
Според снимките што ги емитуваше турскиот канал НТВ, изгореле два ката од зградата во која се наоѓале магацинот и работилницата за производство на парфеми.
Засега нема информации за тоа што го предизвикало пожарот.

