Свет
ФСБ: ЦИА хакирала „ајфони“ на дипломати во Русија
![](https://makfax.com.mk/wp-content/uploads/2023/06/ЦИА-ајфон.jpg)
ЦИА инсталирала малициозен софтвер на илјадници телефони на „Епл“ што ги користат руски државјани и странски дипломати кои работат во земјата, тврди руската Федерална служба за безбедност (ФСБ), пренесува РТ.
ФСБ соопшти денеска дека заедничката операција со Федералната гарда (ФСО) открила операција за набљудување на американските разузнавачки агенции, изведена со употреба на мобилните уреди на „Епл“.
Проценката на руската телекомуникациска инфраструктура открила „аномалии“ во работењето на ајфоните, предизвикани од дотогаш непозна злонамерна програма која користи софтверски пропусти „обезбедени од производителот“, се вели во соопштението на ФСБ.
„Неколку илјади телефони направени од „Епл“ се заразени со малициозен софтвер. Мета не биле само руски државјани, туку и странски телефонски броеви и претплатници кои користат СИМ-картички регистрирани во дипломатските претставништва и амбасади во Русија, вклучително и земји од НАТО и постсоветскиот простор, како и од Израел, Сирија и Кина,“ тврди ФСБ.
Претходно, во март, Кремљ ги забрани ајфоните поради стравување дека тие би можеле да бидат хакирани од шпиони на ЦИА и GCHQ. Извор на московскиот весник „Комерсант“ изјави во тоа време: „Сè е готово за ајфон. Или фрлете го или дајте им го на децата“.
Руските службеници имаа рок до 1 април да ги заменат своите американски телефони со телефони кои го користат рускиот софтвер „Аурора“ или оперативниот систем Андроид. Изворот од Кремљ истакна дека ајфоните биле „поподложни на хакирање и шпионажа од западни експерти во споредба со другите паметни телефони“.
„Паметните телефони не треба да се користат за службена работа,“ посочи во тоа време портпаролот на Путин, Дмитриј Песков, кој предупреди дека секој паметен телефон има „транспарентен механизам“, сугерирајќи дека може да биде хакиран.
Заменик-шефот на кабинетот на Путин, Сергеј Кириенко, издаде забрана за користење ајфон на политичките службеници кои ќе работат на руските избори догодина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
(Видео) Олимписки игри во Париз 2024: церемонијата на отворање започна со пловење по Сена
![](https://makfax.com.mk/wp-content/uploads/2024/07/Screenshot-2024-07-26-213525-1.jpg)
Олимписките игри во Париз беа свечено отворени со свечена церемонија која се разликува од сите досегашни, бидејќи парадата на најдобрите спортисти на планетата првпат не беше организирана на стадионот.
Овие, 33. Олимписки игри, беа отворени со пловење по реката Сена, каде што повеќе од 10.000 спортисти од светот во чамци им мавтаа на стотици илјади гледачи на брегот на познатата река што тече низ главниот град на Франција.
Со димни сигнали во боите на француското знаме, настапот на Лејди Гага, американската пејачка и стотици танчерки на бреговите и мостовите, првите натпреварувачи беа од Грција што испловија по Сена, што е обичај во најголемиот светски спортски настан, кој потекнува од таа европска земја.
Дожувувањето на стотици илјади гледачи низ Париз донекаде го расипа дождот, кој паѓаше цел ден во француската престолнина.
Регион
(Видео) Тешка сообраќајка во Грција: бебе меѓу загинатите
![](https://makfax.com.mk/wp-content/uploads/2024/07/Screenshot-2024-07-26-204400.jpg)
Тешка трагедија се случи во петокот попладне на автопатот Пиргос – Кипарисија, во близина на Месинија во Грција, кога четири лица, меѓу кои 12-месечно бебе и 13-годишно девојче, кои се наоѓале во два автомобили, загинаа во сообраќајма несреќа, пишува „Protothema“.
До несреќата дошло кога 39-годишниот камионџија, кој возел во правец на Кипарисија, од засега непозната причина изгубил контрола, излетал во спротивен правец и налетал на три возила, предизвикувајќи трагични последици.
Според написите, камионот всушност буквално ги стопил двете возила кои учествувале во несреќата. Противпожарната служба со 12 пожарникари ги извлекла настраданите.
Според информациите, во првиот патнички автомобил кој се судрил со камионот било семејство кое живее во странство и отпатувало за Нафплио за да се види со роднините и на одмор на Пелопонез. Во него се пронајдени мртви 38-годишен татко и 12-месечна ќерка, а повредени се 38-годишна мајка и нивниот шестгодишен син, кои се пренесени во болницата во Патра.
Од второто возило кое било заглавено под камионот извлечени се маж (50), девојка (13) и жена (60), кои се здобиле со тешки телесни повреди.
Повредени се и 25-годишен маж кој бил интубиран во Каламата, 39-годишен камионџија и 61-годишен маж, и двајцата се на лекување во болницата Кипарисија.
Затворен е магистралниот пат Пиргос – Кипарисија, а сообраќајот се пренасочува по заобиколен пат.
Свет
(Видео) Во Русија гори облакодер, има загинати меѓу кои и двегодишно дете
![](https://makfax.com.mk/wp-content/uploads/2024/07/Screenshot-2024-07-26-195828.jpg)
Пожар избувна во облакодер во градот Уљановск, соопшти прес-службата на регионалното Министерство за вонредни состојби.
„Според првичните информации, пожарот првично зафатил три стана на третиот кат“, се вели во соопштението. Загинаа двегодишно дете и уште едно лице, а три лица се повредени.
A powerful explosion took place in a high-rise building in the Russian city of Ulyanovsk
Three apartments in a residential building caught fire at once. Residents of the upper floors are waving their hands and asking for help from rescuers. An evacuation is underway.
According… pic.twitter.com/NNmcy6scfu
— NEXTA (@nexta_tv) July 26, 2024
Сите расположливи служби за итни случаи излегоа на терен и помагаат во евакуацијата. Со пожарот се борат вкупно 68 пожарникари со 22 возила. Повеќето од луѓето кои живеат во облакодерот се евакуирани.
🇷🇺 A high-rise building is on fire in Ulyanovsk.
A fire broke out on the third floor of a building on Korunkova Street. According to the Base, three apartments are on fire. The entrance was heavily smoky and all residents were evacuated from the house. pic.twitter.com/7JzpTz1sg5
— * (@V141NGs) July 26, 2024
Гувернерот на регионот Уљановск им нареди на раководството на Министерството за здравство и Министерството за социјален развој веднаш да излезат на местото на настанот за да ја координираат медицинската помош на жртвите и да ги решат прашањата за финансиска помош за жртвите.
Градските власти соопштија дека пожарот настанал по експлозија на плинска боца. „Некста“, канал на Х, пишува дека жителите од горните катови мавтале со рацете и побарале помош од спасувачите.