Германските земјоделци ги преплавија градските улици со илјадници трактори во знак на протест против новите регулативи за животната средина. Тие ја обвинуваат владата дека ги малтретира додека ја води својата борба за зелена економија, пренесува РТ.

Речиси 4.000 трактори пристигнаа во Хамбург во четвртокот, каде што се одржуваше состанок на регионалните министри за животна средина. Километарските конвои, кои се протегаа на прометните улици во градот, предизвикаа проблеми во сообраќајот во центарот на градот. Демонстрантите исто така одржаа митинг на градскиот плоштад Генсенмаркт.

На протестите можеа да се видат паролите „Соработка наместо забрани“ и „Нема фарми, нема храна, нема иднина“,  „Само кажи ‘благодарам’“.

4.000 Landwirte protestieren heute in #Hamburg bei der #umkhh2019. Die #Treckerdemo sorgt für erhebliche Verkehrsbehinderungen. pic.twitter.com/rz3iIY3Cd0

— ZDF Hamburg (@ZDFhamburg) November 14, 2019

Министерството за животна средина неодамна предложи сет прописи со кои ќе се ограничи употребата на одредени видови пестициди и ѓубрива против плевелот за да се заштитат птиците, инсектите и подземните води. Земјоделците стравуваат дека ова ќе ги запре деловните активности и ќе го загрози нивниот начин на живеење.

„Правилата што доаѓаат од германската влада се толку тешки за нас што не можеме да работиме на нашите фарми. Не можеме да произведеме добри култури. Не можеме да имаме добра храна за млечните крави“, изјави Клаус-Питер Лухт, потпретседател на регионалното здружение на земјоделците, за РТ.

Авионот „фалкон“, во кој бил бугарскиот премиер Бојко Борисов, одвај слетал на аеродромот во Софија, јави бугарската агенција „Бгнес“.

Според првичните информации, при првиот обид да слета на авионот на бугарската влада му пукнала гумата на тркалото за слетување, па пилотот морал да направи уште еден обид да слета и за тоа да примени процедура наменета за итни случаи, односно мануелно да го приземји авионот.

Во инцидентот никој не е повреден, па Борисов продолжил со своите активности.

Нивото на водата во Венеција повторно расте кога пред три дена беше забележано највисоко ниво на поплави во последните 50 години.

Се предвидува водата денеска да се искачи на 160 сантиметри, што е многу над нормалната граница.

На плоштадот Свети Марко водата сега им достига до колената на минувачите.

Италијанската влада прогласи вонредна состојба во Венеција кога нивото на водата се искачи на 187 сантиметри.

Поплавите во Венеција се предизвикани од обилните дождови, полната Месечина, високата плима и ветерот.

Градоначалникот Луиџи Бруњаро предупреди за сериозни штети.

„Ситуацијата е драматична. Ќе побараме од владата да ни помогне зашто цената ќе биде висока“, напиша Бруњаро на „Твитер“.