Свет
Хјуман рајтс воч: Израел ги изгладнува Палестинците, ја блокира испораката на помош за Газа
![](https://makfax.com.mk/wp-content/uploads/2024/02/11973870-1000x560.jpg)
Владата на Израел не ја исполнила наредбата на највисокиот суд на Обединетите нации за обезбедување на испорака на потребната помош за луѓето од Појасот Газа, соопшти денеска Хјуман рајтс воч (ХРВ).
Меѓународниот суд на правдата во својата одлука во јануари му наложи на Израел да спроведе шест привремени мерки, меѓу кои „итно и ефективно обезбедување основни основни услуги и хуманитарна помош со цел да се одговори на неповолните животни услови со кои се соочуваат Палестинците во Појасот Газа“.
ХРВ објави дека Израел не ја почитува наредбата на судот за давање помош, а како докази наведуваат дека просечниот број на камиони кои превезуваат помош во Газа е намален за 30 отсто од одлуката на судот.
Организацијата процени дека Израел не дозволува испорака на доволно гориво и ја блокира испораката на помош на северот на Појасот Газа.
Светската програма за храна на Обединетите нации (WFP) минатата недела објави дека била принудена да ја прекине помошта во регионот бидејќи конвоите се соочиле со целосен хаос и насилство.
„Владата на Израел изгладнува 2,3 милиони Палестинци, што ги става во уште поголема опасност отколку што беа пред обврзувачкиот налог на Светскиот суд“, рече директорот на ХРВ за Израел и Палестина, Омар Шакир.
Тој на социјалната мрежа Икс (Х) напиша дека израелската влада ја игнорирала одлуката на судот и „на некој начин ја зголемила репресијата“ и дека продолжуваат да ја блокираат испораката на спасувачка помош.
Израел негира дека го ограничува протокот на помош и наместо тоа ги обвинува хуманитарните организации кои работат во Газа, тврдејќи дека стотици камиони со помош се паркирани на палестинската страна на главниот граничен премин.
Од ОН велат дека не можат секогаш да стигнат до камионите на преминот, бидејќи областа понекогаш е премногу опасна.
Кабинетот на премиерот Нетанјаху објави дека е одобрен план за безбедно доставување хуманитарна помош во Газа на начин што ќе спречи кражба, но не беа наведени детали.
Таа одлука ја донел воениот кабинет, пренесуваат агенциите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
(Видео) Олимписки игри во Париз 2024: церемонијата на отворање започна со пловење по Сена
![](https://makfax.com.mk/wp-content/uploads/2024/07/Screenshot-2024-07-26-213525-1.jpg)
Олимписките игри во Париз беа свечено отворени со свечена церемонија која се разликува од сите досегашни, бидејќи парадата на најдобрите спортисти на планетата првпат не беше организирана на стадионот.
Овие, 33. Олимписки игри, беа отворени со пловење по реката Сена, каде што повеќе од 10.000 спортисти од светот во чамци им мавтаа на стотици илјади гледачи на брегот на познатата река што тече низ главниот град на Франција.
Со димни сигнали во боите на француското знаме, настапот на Лејди Гага, американската пејачка и стотици танчерки на бреговите и мостовите, првите натпреварувачи беа од Грција што испловија по Сена, што е обичај во најголемиот светски спортски настан, кој потекнува од таа европска земја.
Дожувувањето на стотици илјади гледачи низ Париз донекаде го расипа дождот, кој паѓаше цел ден во француската престолнина.
Регион
(Видео) Тешка сообраќајка во Грција: бебе меѓу загинатите
![](https://makfax.com.mk/wp-content/uploads/2024/07/Screenshot-2024-07-26-204400.jpg)
Тешка трагедија се случи во петокот попладне на автопатот Пиргос – Кипарисија, во близина на Месинија во Грција, кога четири лица, меѓу кои 12-месечно бебе и 13-годишно девојче, кои се наоѓале во два автомобили, загинаа во сообраќајма несреќа, пишува „Protothema“.
До несреќата дошло кога 39-годишниот камионџија, кој возел во правец на Кипарисија, од засега непозната причина изгубил контрола, излетал во спротивен правец и налетал на три возила, предизвикувајќи трагични последици.
Според написите, камионот всушност буквално ги стопил двете возила кои учествувале во несреќата. Противпожарната служба со 12 пожарникари ги извлекла настраданите.
Според информациите, во првиот патнички автомобил кој се судрил со камионот било семејство кое живее во странство и отпатувало за Нафплио за да се види со роднините и на одмор на Пелопонез. Во него се пронајдени мртви 38-годишен татко и 12-месечна ќерка, а повредени се 38-годишна мајка и нивниот шестгодишен син, кои се пренесени во болницата во Патра.
Од второто возило кое било заглавено под камионот извлечени се маж (50), девојка (13) и жена (60), кои се здобиле со тешки телесни повреди.
Повредени се и 25-годишен маж кој бил интубиран во Каламата, 39-годишен камионџија и 61-годишен маж, и двајцата се на лекување во болницата Кипарисија.
Затворен е магистралниот пат Пиргос – Кипарисија, а сообраќајот се пренасочува по заобиколен пат.
Свет
(Видео) Во Русија гори облакодер, има загинати меѓу кои и двегодишно дете
![](https://makfax.com.mk/wp-content/uploads/2024/07/Screenshot-2024-07-26-195828.jpg)
Пожар избувна во облакодер во градот Уљановск, соопшти прес-службата на регионалното Министерство за вонредни состојби.
„Според првичните информации, пожарот првично зафатил три стана на третиот кат“, се вели во соопштението. Загинаа двегодишно дете и уште едно лице, а три лица се повредени.
A powerful explosion took place in a high-rise building in the Russian city of Ulyanovsk
Three apartments in a residential building caught fire at once. Residents of the upper floors are waving their hands and asking for help from rescuers. An evacuation is underway.
According… pic.twitter.com/NNmcy6scfu
— NEXTA (@nexta_tv) July 26, 2024
Сите расположливи служби за итни случаи излегоа на терен и помагаат во евакуацијата. Со пожарот се борат вкупно 68 пожарникари со 22 возила. Повеќето од луѓето кои живеат во облакодерот се евакуирани.
🇷🇺 A high-rise building is on fire in Ulyanovsk.
A fire broke out on the third floor of a building on Korunkova Street. According to the Base, three apartments are on fire. The entrance was heavily smoky and all residents were evacuated from the house. pic.twitter.com/7JzpTz1sg5
— * (@V141NGs) July 26, 2024
Гувернерот на регионот Уљановск им нареди на раководството на Министерството за здравство и Министерството за социјален развој веднаш да излезат на местото на настанот за да ја координираат медицинската помош на жртвите и да ги решат прашањата за финансиска помош за жртвите.
Градските власти соопштија дека пожарот настанал по експлозија на плинска боца. „Некста“, канал на Х, пишува дека жителите од горните катови мавтале со рацете и побарале помош од спасувачите.