Свет
Шаленберг: Западен Балкан од големо значење за ЕУ и САД
Западен Балкан е регион од геостратешки интерес за ЕУ и САД, подвлече министерот за надворешни работи на Австрија, Александар Шаленберг, во телефонскиот разговор со министерот за надворешни работи на САД, Ентони Блинкен.
Шаленберг и Блинкен, како што е наведено во Виена, се согласиле за поблиска соработка во приближувањето на земјите од Западен Балкан кон ЕУ.
„Не смееме да го оставиме тоа поле на други. Иднината на земјите од Западен Балкан е во ЕУ и во тоа нема сомнеж. ЕУ и САД мора да се повлечат од иста страна на јажето, а Австрија може да биде централен фактор за поврзување“, објасни тој.
Шаленберг ја подвлече трансатлантската посветеност на владата во Виена.
„Знаеме каде стоиме, рамо до рамо, наместо да се враќаме назад со Соединетите Држави“, нагласи тој.
Првиот билатерален разговор се одвиваше во пријателска и отворена атмосфера, објавен е во Виена.
„Правиме сè за да го направиме Атлантскиот Океан помал“, изјави Шаленберг за Бликен.
Тој рече дека стратешкото партнерство со САД фиксирано во владината програма треба да биде исполнето со живот, не само во областа на политиката и економијата, туку пред сè во рамките на поширокиот дијалог со граѓанското општество.
Шаленберг го поздрави враќањето на САД на мултилатералната сцена и новата, јасно ориентирана кон партнерство политика на администрацијата на Бајден.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Русија потврди дека извршила напад врз украински воени и енергетски објекти
Руското Министерство за одбрана соопшти денеска дека Москва синоќа извршила напад врз украинските воено-индустриски и енергетски објекти како одговор на тоа што го нарече „терористички напади“, објавија светските агенции.
„Како одговор на терористичките напади на Украина врз цивилни објекти на руска територија, синоќа вооружените сили на Руската Федерација извршија напад со високопрецизно оружје и беспилотни летала врз претпријатија од воено-индустрискиот комплекс на Украина и енергетски објекти кои го обезбедуваат нивното работење. Целите на нападот се исполнети. Сите целни објекти се погодени“, се вели во соопштението на министерството.
Во меѓувреме, Каспискиот козорциум за гасовод (КТК) денеска соопшти дека ги прекинал своите операции откако неговото пристаниште во Русија на брегот на Црното Море било сериозно оштетено во напад од украински воени беспилотни летала.
Свет
162 лица загинаа во поплавите во јужен Тајланд
Портпаролот на тајландската Влада, Сирипонг Ангкасакулкиат денеска изјави дека 162 лица го загубиле животот во поплавите во јужен Тајланд, пренесуваат агенциите.
Околу еден милион домаќинства и повеќе од три милиони луѓе се погодени во поплавите во 12 провинции во јужен Тајланд предизвикани од обилните дождови во последните неколку дена.
Тајландскиот премиер Анутин Чарнвиракул претходно прогласи вонредна состојба во провинцијата Сонгкла. Поплавите го погодија и најголемиот град во јужен Тајланд, Хат Јаи.
Свет
Без струја останаа повеќе од 600.000 луѓе по руските напади во Украина
Повеќе од 600.000 луѓе останаа без електрична енергија во Украина по руските напади со ракети и беспилотни летала, соопшти украинското Министерство за енергетика.
„Како резултат на нападите, повеќе од 500.000 потрошувачи во Киев и повеќе од 100.000 потрошувачи во неговиот регион останаа утринава без електрична енергија“, наведе Министерството.
Како што беше додадено, речиси 8.000 луѓе во регионот на Харков останаа без електрична енергија. Нападите започнаа синоќа и продолжија утрово.

