Тригодишно дете во Рим, Италија, излегло од станот, тропнало на вратата на соседите и раскажало како неговиот татко, кој се вратил пијан дома, ја тепал неговата мајка, пишува весникот „Монца тудеј“.

Соседите повикале полиција, а за неколку минути карабинерите го пронашле пијаниот маж кој ја гризел, ја удирал со нозе и со тупаници сопругата, нанесувајќи ѝ повреди. Таткото, кој и пред овој случај имал други прекршоци, е фатен на дело и веднаш е испратен во затвор.

Мајката на тригодишно момче завршила во болница. Таа ѝ изјавила на полицијата дека ова не е прв случај на малтретирање на семејството.

Според италијанските закони, лице кое злоупотребува членови на семејството ризикува затворска казна од три до седум години, а казната се удвојува доколку делото насилство било сторено во присуство на малолетници.

Доколку член на семејство злоупотреби малолетник (дете), законот предвидува поголема казна, од четири до девет години затвор, а ако последица на агресија е повреда на малолетник, казната е од седум до единаесет години.

Во Чешка последниве денови нагло се зголемува бројот на луѓе заболени од Ковид-19 со потешки симптоми за кои е потребна хоспитализација, како и бројот на смртни случаи.

Според последните податоци, бројот на хоспитализирани лица е зголемен петпати од почетокот на септември и изнесува 802, а бројот на пациенти на кои им е потребна интензивна нега или респиратор е речиси петкратно зголемен и изнесува 181.

Во последните 24 часа има 1.305 нови позитивни на коронавирус во земјата, што е трето најголемо дневно зголемување за неработен ден, во недела и за викенди, кога се тестираат сè помалку случаи, покажуваат најновите податоци на чешкото Министерство за здравство.

Светлана Тихановскаја го повика францускиот претседател Емануел Макрон да биде посредник кој им е многу потребен за решавање на кризата во Белорусија.

„Очајно ни треба посредник за да спречиме понатамошно крвопролевање. Макрон би можел да биде тој посредник и да влијае на рускиот претседател Владимир Путин со кого има добри односи“, изјави Тихановскаја за агенцијата „Франс прес“.

Тихановскаја побара средба со Макрон, кој денес и утре престојува во Вилнус.

Главната противкандидатка на Лукашенко на изборите, Светлана Тихановскаја, замина во Литванија веднаш по гласањето.

Белорусија е погодена од политичка криза уште од претседателските избори кога почнаа масовни антивладини протести во целата земја, иницирани од официјалните резултати од гласањето според кои Лукашенко освои повеќе од 80 проценти од гласовите.