Контакт

Свет

Швеѓанец се „бранел“ со рамазанскиот пост по нападот врз сопругата и децата

Објавено пред

Шведски муслиман бил прогласен за виновен за физичка злоупотреба на својата сопруга и деца, но се обиде да ги оправда своите постапки со гладот поради рамазанскиот пост, пренесува шведското „Сверигес радио“.

Неидентификуваниот маж, кој живее во југозападната шведска провинција Далсленд, бил осуден на шест месеци затвор поради пет одделни точки за напад.

Човекот негираше дека е виновен, тврдејќи дека поради интензивниот глад по постот за време на исламскиот свет месец Рамазан не можел да ги контролира сопствените постапки.

Одбраната со рамазанскиот бес беше искористена од друг муслиман во Франција, како дел од случајот во кој тој бил обвинет дека минатата година до смрт ја тресел својата петгодишна ќерка. Францускиот муслиман рекол дека бил бесен поради плачењето на детето, па двапати го фрлил на хотелскиот кревет, по што детето отскокнало од креветот паднало на подот директно врз главата. Детето подоцна било однесено во болница со фрактура на черепот и починало.

Претходно годинава француските сопственици на бизниси во Монпелје побараа владата да им обезбеди дополнителна сигурност за нивните бизниси пред Рамазан, тврдејќи дека забележале зголемување на насилството за време на светиот месец во последните четири години.

„Рамазанскиот гнев” не е ограничен само на Европа. Во првите три недели од Рамазан оваа година, 20 земји забележале повеќе од 100 џихадистички напади во кои загинале 531 лице, а повредени биле 556 лица. Исламска држава и авганистанските талибанци учествувале со околу 30 отсто од вкупниот број смртни случаи во тринеделниот период.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет

Половина век од првото слетување на Месечината

Објавено пред

Во Америка со низа манифестации денеска се одбележува 50-годишнината од слетувањето на Месечината на американските астронаути, Нил Армстронг и Баз Олдрин.

Прв човек кој зачекорил на Месечината на 20 јули 1969 година, е Нил Армстронг кој во таа прилика ја кажал познатата реченица, што звучи моќно и после половина век: „Ова е мал чекор за еден човек, но голем скок за човештвото“.

По него, на Месечината зачекорил и Баз Олдрин додека третиот член на екипажот, Мајкл Колинс, останл во командниот модул, во орбитата на Месечината.

Олдрин заедно со синот на Армстронг, Рик, и американскиот потпретседател, Мајк Пенс, денеска отпатуваа во Флорида за да ја посетат лансирната рампа од каде започнала мисијата „Аполо 11“.

Агенцијата АП известува дека денес, во пресрет на отворањето на вселенскиот центар „Кенеди“ на НАСА, се направила километарска колона од автомобили, а во родниот град на Нил Армстронг Вакапонета во Охајо, речиси 2.000 натпреварувачи учествувале на трката насловена „Трка до Месечината“.

Еден од учесниците во трката, Роберт Роко, изјавил дека луѓето денеска се собираат за да го одбележат, според него, најзначајниот историски настан – слегувањето на Месечината.

„Шеесеттите години беа многу турбулентни времиња, но еден момент беше величенствен“, рекол тој.

Американскиот претседател Доналд Трамп во порака по повод Денот на вселенските истражувања, изјави дека мисијата „Аполо 11“ е еден од најважните моменти во историјата на Америка.

Тој потврди дека во денешно време целта е да се испраќаат астронаути на Месечината во наредните пет години, а потоа следниот голем чекор е испраќање Американци на Марс.

Прикажи повеќе...

Регион

Весели: Вонредни избори се неизбежни по оставката на Харадинај

Објавено пред

Лидерот на Демократска партија на Косово (ПДК) и претседател на косовското Собрание, Кадри Весели, изјави дека вонредните избори во земјата се неизбежни и дека неговата партија е подготвена за нив, кога и да бидат закажани, пренесе Б92.

Весели на прес-конференција, по враќањето од Соединетите Американски Држави, рече дека политичките партии треба да разговараат за терминот на изборите.

Додаде дека оставката на Харадинај од премиерската функција е лична одлука и дека за истата не биле претходно известени.

„Одлуката на поранешниот премиер да поднесе оставка е лично решение и како таква ја прифативме, без оглед на тоа што претходно немавме никаква најава, ниту пак бевме консултирани. Предвремените избори се неминовни. ПДК е подготвена за нив, кога и да бидат закажани. Сега само ни останува да разговараме за терминот на нивното одржување“, изјави Весели.

Лидерот на ПДК во обраќањето рече дека граѓаните имаат целосна доверба дека државата, суверенитетот и интегритетот се недопирливи.

Прикажи повеќе...

Свет

Путин: Го симпатизирав Трамп на изборите во 2016, што има тука лошо?

Објавено пред

Рускиот претседател, Владимир Путин, изјави дека го „симпатизирал“ Доналд Трамп како кандидат на претседателските избори во 2016 година, бидејќи Трамп сакал повторно да воспостави нормални односи со Русија.

Во разговор со американскиот режисер, Оливер Стоун, кој во петокот беше објавен од страна на Кремљ, Путин рекол дека никогаш не бил, ниту пак ќе биде вмешан во избори во САД.

Односите меѓу Москва и Вашингтон долго време се затегнати поради откритието на американските разузнавачки служби дека Русија се обидела да влијае врз резултатите од претседателските избори во 2016 година, на кои Трамп дојде на власт.

Американските агенции велат дека Русија користела дезинформации и други тактики со цел да ја поддржи кампањата Трамп. Путин упорно го негира ова.

„Ако некој од нашите блогери, а јас не можам да знам кој се е на интернет, на еден или друг начин изразил став за политичката ситуација во САД, тоа сигурно не би можело да одигра одлучувачка улога во исходот на изборите. Таквите тврдења се бесмислени“, вели Путин.

„Но, го симпатизиравме него (Трамп), бидејќи пораката му беше дека сака повторно да воспостави нормални односи со Русија. Зарем тука има нешто лошо? Се разбира, не можевме, а де не ги поздравиме таквите негови позиции“, додаде рускиот претседател.

Во 2017 година американскиот режисер, Оливер Стоун, издаде мини документарен серијал насловен „Интервјуа со Путин“, а неодамна повторно седна лице в лице со рускиот претседател за да го интервјуира за наговиот најнов филм „Разоткривање – Украина“.

Прикажи повеќе...

Најново

Свет3 часа

Половина век од првото слетување на Месечината

Во Америка со низа манифестации денеска се одбележува 50-годишнината од слетувањето на Месечината на американските астронаути, Нил Армстронг и Баз...

Свет4 часа

Путин: Го симпатизирав Трамп на изборите во 2016, што има тука лошо?

Рускиот претседател, Владимир Путин, изјави дека го „симпатизирал“ Доналд Трамп како кандидат на претседателските избори во 2016 година, бидејќи Трамп...

Македонија5 часа

На преминот „Богородица“ за излез од државата се чека и по еден час

Интензитетот на сообраќај на патните правци надвор од градските средини е зголемен, велат од Авто-мото сојузот на Македонија (АМСМ) во...

Свет6 часа

Расте напнатоста поради запленетиот танкер, британски министер го предупреди Иран

Британскиот министер за надворешни работи, Џереми Хант, денеска изјави дека инцидентот со нафтениот танкер во Ормускиот проток може да биде...

Македонија9 часа

Заев го промени телефонскиот број, дел од неговите соработници ќе бидат отпуштени

Премиерот Зоран Заев и неговиот Кабинет воведуваат мерки за зголемување на безбедноста и ефикасноста во спроведувањето на агендата и комуникациите....

Македонија10 часа

За ВМРО е прифатливо припојувањето на СЈО и ЈО, но не се согласуваат со предлогот за Русковска

Портпаролот на ВМРО-ДПМНЕ, Димче Арсовски изјави дека спојувањето на СЈО во ЈО во едно обвинителство, на некој начин е практично прифатливо...

Македонија13 часа

Охрид нема да ги враќа ингеренциите, туку проблемот со дивоградбите ќе гo решава заедно со Владата

Општина Охрид соопшти дека досега нема испратено официјално барање до Владата во врска со изземање или отстапување на ингеренции во...

Македонија14 часа

Возило со 34 лица од Авганистан се превртело кај Демир Капија

Товарно возило во кое имало 34 лица од Авганистан, се превртело вчера на патниот правец Демир Капија – Неготино, кај место викано...

Македонија14 часа

Подметната бомба во кафуле во Прилеп за време на „Пивофест“

Во кафе барот „Кафе Ин“ синоќа околу 23.30 часот била подметната бомба. Од Јавното обвинителство соопштија дека во присуство на...

Регион14 часа

Мета: Горд сум на Харадинај и убеден во неговата невиност

Aлбанскиот претседател Илир Мета, по неотповикливата оставка на косовскиот премиер Рамуш Харадинај нагласи дека не постоeел притисок кој може да го скрши,...

Македонија15 часа

Објавен новиот предлог-закон: СЈО и ОЈО за организиран криминал ќе се спојат во ново јавно обвинителство

Министерството за правда подготви нов Предлог-закон за Јавно обвинителство во кој се здружуваат постојните капацитети на СЈО и Основното јавно...

Македонија1 ден

Мицкоски на состанок со Беса: „Ја договоривме заедничката борба против актуелната власт“

Претседателот на ВМРО-ДПМНЕ, Христијан Мицкоски, заедно со генералниот секретар Игор Јанушев оствари средба со претседателот на Движењето Беса, Биљал Касами,...

Македонија1 ден

(Видео) За премиерот Заев, Кики и Фрики не постојат

Кики и Фрики за мене не постојат, објавете ги со име за да може да ве тужат, рече премиерот Заев...

Македонија1 ден

Власта предлага СЈО да се интегрира во Обвинителството за гонење организиран криминал и да го води Русковска

Владата ќе достави нов предлог-закон за Јавното обвинителство според кој специјалното јавно обвинителство ќе се интегрира во Обвинителството за гонење...

Македонија1 ден

(Видео) Просветниот инспекторат има 7 дена да одлучи за дисциплинската мерка за инспекторот Илиевски

Дисциплинската комисија му предложи на директорот на Држaвниот просветен инспекторат да одлучи во рок од 7 дена дали ќе го...

Македонија2 дена

Градоначалникот на Струга се откажа од ингеренциите за издавање дозволи за градба

Градоначалникот на општина Струга, Рамиз Мерко, ѝ ги отстапи на Владата ингеренциите во делот на издавање дозволи за градба, легализација...

Македонија2 дена

Владата: Откажана лидерската средба, не прифаќаме ултиматуми од Мицкоски

Лидерската средба што беше планирана за денеска, дефинитивно, нема да се одржи. Од Владата велат дека причината за откажување на...

Македонија2 дена

Новинарите избркани од зградата на Државниот просветен инспекторат

Половина час по почнувањето на седницата на дисциплинската комисија во Државниот просветен инспекторат, на која се расправа за постапката на...

Македонија2 дена

Северна Македонија и Јужна Кореја воспоставија дипломатски односи

Јужна Кореја официјално воспостави дипломатски односи со Северна Македонија, објави Министерството за надворешни работи во Сеул, пренесе новинската агенција „Јонхап“....

Свет2 дена

Осомничениот го запалил студиото за анимација во Кјото зашто му украле идеја

Четириесет и едногодишниот маж, кој е осомничен дека го подметнал пожарот во студиото за анимација во Кјото, Јапонија, во кој...

Досие