Контакт

Свет

Шестчасовни разговори меѓу руските и американските воени челници

Објавено пред

Највисоките американски и руски воени претставници вчера одржаа шестчасовни разговори во Хелсинки, што беше нивна прва директна средба од 2019 година, во момент кога двете земји се прилагодуваат на повлекувањето на САД од Авганистан и доаѓањето на талибанците на власт.

Генералот Марк Мили, началник на Здружениот штаб на армијата на САД, и Валериј Герасимов, началник на Генералштабот на руската армија, обично не откриваат детали за нивните разговори, а изјавите на двете страни беа исклучително кратки.

Во соопштението на американската војска, во која е наведена должината, но не и конкретните точки на разговорите, се вели дека тие се однесувале на намалување на ризикот и оперативна координација за да се елиминира опасноста од инциденти меѓу страните.

Руската новинска агенција РИА објави дека разговорите биле посветени на намалување на ризикот.

САД и Русија честопати имаат конкурентни воени интереси во светот, на пример во Сирија каде што американските и руските војници дејствуваа многу блиску едени до други. Следните чекори на Вашингтон и Москва во Авганистан сè уште не се познати.

Американската војска е под притисок на Конгресот да ја зајакне својата антитерористичка стратегија за да одговори на опасностите од Авганистан по повлекувањето на САД и доаѓањето на талибанците на власт во август.

Администрацијата на претседателот Џо Бајден соопшти дека ќе се потпира на операции од далечина, на пример од воени бази во други земји во регионот, за напад на групи како Ал каеда и Исламска држава во Авганистан.

Но, без војска на терен, не е јасно колку САД се способни да ги откријат и запрат терористичките планови. По 20 години војна, американските воени претставници немаат јасна слика за талибанците и предупредуваат за нивните врски со Ал каеда.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет

Состојбата на чешкиот претседател Милош Земан е малку подобрена, соопштија лекарите

Објавено пред

Здравјето на чешкиот претседател Милош Земан „малку се подобри“, рекоа денеска неговите лекари.

„ Има причини за внимателен оптимизам“, изјави портпаролката на воената болница во Прага и додаде дека стручен тим ќе продолжи да го лекува 77-годишниот претседател, пренесоа чешките медиуми.

Земан беше префрлен на одделот за интензивна нега на 10 октомври и хоспитализиран поради компликации на една од неговите хронични болести, но деталите за дијагнозата не се познати.

Земан има клучна обврска да го додели мандатот за формирање влада по парламентарните избори на почетокот на октомври, на кои либерално-конзервативните опозициски партии освоија мнозинство места во Претставничкиот дом.

Уставната комисија на чешкиот Сенат во вторникот го прогласи претседателот Земан за неспособен да ги извршува своите должности. Таа одлука мора да биде потврдена од двата дома на чешкиот парламент, а претседателските должности потоа ќе бидат префрлени на премиерот и на претседателите на парламентарните домови.

Прикажи повеќе...

Свет

Русија се соочува со рекорден број починати и заболени со коронавирус – Путин донесе построги мерки

Објавено пред

Во Русија, петти ден по ред, е поставен нов рекорд, 1.075 починати од Ковид-19 и 37.678 нови инфекции во изминатите 24 часа, покажуваат официјалните податоци.

Од јуни Русија се соочува со нов бран на епидемијата, за кој се обвинуваат мутираните поагресивни соеви на коронавирусот, непочитување на мерката за носење маска и големи тешкотии со кои се соочуваат здравствените власти во кампањата за вакцинација, пренесува АФП.

Бројот на починати сега достигна 229.528, што ја прави Русија земја со најмногу смртни случаи од Ковид во Европа.

Но, статистичката агенција „Росстат“ смета дека податоците се многу потценети бидејќи компанијата броела повеќе од 400.000 мртви само до крајот на август.

Само една третина од Русите се вакцинирани откако првата национална вакцина, „спутник В“, се појави во декември 2020 година. Експертите сметаат дека ваквиот неуспех на кампањата за вакцинација може да се објасни со традиционалната недоверба на населението кон властите.

Рускиот претседател Владимир Путин во средата конечно го одобри владиниот предлог за неработна недела, за да се намали можноста за ширење на инфекцијата. Компаниите нема да работат од 30 октомври до 7 ноември, за да се спречи ширењето на вирусот.

Путин појасни дека неработните денови, кои ќе им се исплаќаат на вработените во некои региони, ќе почнат порано, а во некои може да се продолжат. „Епидемиолошката ситуација е различна во различни делови на земјата, поради што нивните лидери имаат право да воведат дополнителни мерки“, рече Путин.

Делумно заклучување ќе биде воведено и во главниот град Москва на 28 октомври, што значи дека ќе бидат отворени само продавниците во кои жителите ќе можат да се снабдуваат со намирници и средства за хигиена и аптеки.

Прикажи повеќе...

Свет

Австрија ги заострува мерките – воведува „локдаун“ за невакцинираните

Објавено пред

Во Австрија од 1 ноември вработените ќе можат да доаѓаат на работа само доколку се вакцинирани, ако прележале коронавирус или со негативен ПЦР тест.

Новиот австриски канцелар Александар Шаленберг и министерот за здравство Волфганг Мукштајн по договорот со лидерите на девет австриски провинции, презентираа ново заострување на мерките за заштита од коронавирус.

„Едногласно се согласивме да воведеме две дополнителни нивоа во постоечкиот план за коронавирус (со три нивоа) мерки за заштита од пандемијата. Пандемијата сè уште не е видлива во ретровизорот, иако имаме доволно вакцини. Без никаква потреба, се најдовме во четвртиот бран на невакцинираните“, рече Шаленберг.

Австрискиот канцелар посебно нагласи дека новите мерки и ограничувања „не се однесуваат на вакцинирани и болни луѓе“, туку само на невакцинирани лица. Тој повторно апелираше до невакцинираните да се вакцинираат, бидејќи мора да бидат свесни за „големата одговорност“ што ќе ја имаат доколку не се вакцинираат.

Деталите за новите мерки ги претстави министерот за здравство Мукштајн.

Главниот параметар за премин од една фаза во друга е оптеретувањето на единиците за интензивна нега со обемот на пациентите. Австрија моментално е на 1 степен со 224 пациенти на интензивна нега.

Второто ниво ќе се воведе кога единиците за интензивна нега ќе се полнат со 300 пациенти, а третото со 400 пациенти.

Со новововеденото четврто ниво и 500 кревети за интензивна нега, што значи оптоварување за интензивната нега од 25 проценти, сегашните мерки се заоструваат. Само оние кои се вакцинирани и оние кои прележале коронавирус можат да одат во ресторани, кафулиња и други угостителски објекти, како и хотели или настани и посети на болници и домови за стари лица. Покрај вакцинираните и болните, на своето работно место можат да дојдат и тестирани со ПЦР тест.

Со петтиот степен на заштитни мерки и зафатеноста на 600 кревети на интензивна нега, односно 30 отсто од преоптовареноста на капацитетите на одделенијата за интензивна нега, стапува на сила досега најстрогиот режим за невакцинираните.

За невакцинираните се вовдедува „локдаун“ и тие ќе можат да излезат од дома, само во исклучителни ситуации – кога одат на работа, да купат нешто неопходно или ако се грижат за блиско лице.

Прикажи повеќе...

Најново

Македонија46 минути

(Видео) Заев најави дека во вториот круг СДСМ ќе ги поддржи кандидатите на своите коалициски партнери

Премиерот Зоран Заев кажа дека во вториот круг од локалните избори СДСМ ќе ги поддржи кандидатите на своите коалициски партнери....

Свет2 часа

Русија се соочува со рекорден број починати и заболени со коронавирус – Путин донесе построги мерки

Во Русија, петти ден по ред, е поставен нов рекорд, 1.075 починати од Ковид-19 и 37.678 нови инфекции во изминатите...

Македонија2 часа

Две дози вакцина примиле 46 отсто од полнолетните граѓани, а 4.720 примиле трета доза

Во текот на вчерашниот ден аплицирани се вкупно 6.830 дози вакцини, од кои 638 се аплицирани како прва доза, 1.472...

Свет4 часа

Австрија ги заострува мерките – воведува „локдаун“ за невакцинираните

Во Австрија од 1 ноември вработените ќе можат да доаѓаат на работа само доколку се вакцинирани, ако прележале коронавирус или...

Регион5 часа

Хрватските граѓани од денеска во САД можат да патуваат без визи

Од денеска на хрватските граѓани им е овозможено да патуваат во САД без виза, објави Американската амбасада во Загреб. Оваа...

Свет6 часа

Нови детали: На снимањето на филмот имало и други проблеми и инциденти

Пиштолот од кој актерот Алек Болдвин пукаше на снимањето на филм и ја уби директорката на фотографија, му го дал...

Македонија21 час

Ангел Димитров: Сè потешко ми е да информирам за работата на заедничката комисија за историски прашања

Сè потешко ми е да ве информирам за работата на нашата комисија. Не сме во позиција бидејќи не се постигнати...

Македонија22 часа

Регистрирани 411 нови случаи на Ковид-19, пријавени се 4 починати лица

Министерството за здравство информира, во согласност со податоците од Институтот за јавно здравје, дека во последните 24 часа биле направени...

Свет23 часа

Вакцината на „Фајзер“ со ефикасност од 90,7 отсто кај децата на возраст меѓу 5 и 11 години

Неодамнешните истражувања покажаа дека вакцината на „Фајзер“ против коронавирусот е 90,7 проценти ефикасна во спречувањето симптоматски инфекции кај деца на...

Свет1 ден

(Видео) Емотивно во Брисел на последниот самит на Меркел – канцеларката испратена со овации

Лидерите на ЕУ собрани на самитот во Брисел со внатрешна церемонија се простија од Ангела Меркел, за која ова беше...

Економија1 ден

Лидерите на ЕУ бараат итни мерки против поскапувањето на горивата и струјата

Денеска, на самит во Брисел, лидерите на Европската Унија се согласија за серија мерки што на краток рок треба да...

Македонија1 ден

260 луѓе целосно вакцинирани починале од Ковид-19 од август до сега

Министерството за здравство ја објави анализата на вакцинирани, од позитивни случаи со Ковид-19, во период од 6 август заклучно со...

Топ1 ден

Скопјанец фатен со 45 килограми марихуана во Прилеп

Основното јавно обвинителство Прилеп отвори истрага против едно лице од Скопје, на возраст од 31 година, за неовластено производство и...

Свет1 ден

Алек Болдвин усмрти камерманка на снимање на филм со куршум од реквизит

Актерот Алек Болдвин (68) со куршум од реквизит ја застрела камерманката Халина Хачинс (42) и го повреди режисерот Џоел Соуз...

Регион2 дена

Во Србија над 7.000 новозаболени и рекордни 59 починати

Во последните 24 часа во Србија починаа 59 лица, а потврдени се 7.327 нови случаи на коронавирус. Според локалните медиуми,...

Македонија2 дена

Во Македонија потврдени 490 нови случаи на коронавирус, починаа 11 лица

Во последните 24 часа во Македонија се потврдени 490 нови случаи на коронавирус, а 11 лица починаа, информира Министерството за...

Топ2 дена

Жена загина во сообраќајна несреќа на патот Скопје – Тетово

Четириесет и петгодишна жена загина во сообраќајна несреќа што се случила утринава на патот Скопје – Тетово. Според информациите на...

Македонија2 дена

35 Авганистанци ја напуштија земјава и заминаа за Грција каде што ќе добијат траен престој

35-мина граѓани на Авганистан кои привремено престојуваа во Северна Македонија денеска заминаа за Грција, која им обезбеди трајно прибежиште, информираа...

Македонија2 дена

Единствениот лек против Ковид-19 ќе биде достапен и во Македонија

Министерството за здравство ја информира јавноста дека ќе го набави лекот „молнупиравир“, единствен лек против Ковид-19. Министерството стапило во контакт...

Европа2 дена

(Видео) Силно невреме ја парализира Западна Европа – 250.000 луѓе во Франција останаа без струја

Околу 250.000 француски домови останаа без струја, а поради силните ветрови сообраќајот е во прекин во делови од северна Франција,...

Досие