Контакт

Европа

Шпанија воведе карантин за уште 70.000 лица

Објавено пред

Официјални лица во северозападниот шпански регион Галиција повторно воведоа ограничувања за речиси 70.000 луѓе по избувнувањето на заразата.

Излегувањето и влегувањето во крајбрежната област А Марина е дозволено само за оние што одат на работа од недела на полноќ до петок, јавува Би-би-си.

Овој потег се случи само еден ден откако регионот Сегрија во Каталонија воведе слична блокада.

Во целата земја епидемијата на коронавирусот е ставена под контрола.

Шпанија забележа повеќе од четвртина милион случаи и најмалку 28.385 смртни случаи.

Во последните три недели земјата бележи едноцифрени бројки на смртни случаи.

Шпанија ги отвори своите граници кон другите земји од ЕУ, како и со Велика Британија.

Регионалните службеници за здравство соопштија дека патувањето до и од округот А Марина ќе биде строго ограничено на пет дена – иако луѓето останаа слободни да се движат во областа.

Собирите се ограничени на 10 лица, а носењето заштитни маски е задолжително надвор.

Официјални лица ги поврзаа епидемиите со баровите во регионот. Капацитетите во баровите и рестораните сега се ограничени на 50 проценти.

Во Галиција во моментот има 258 случаи на коронавирус, вклучувајќи 117 во провинцијата Луго, каде што се наоѓа Марина, соопштија официјалните лица.

Европа

(Видео) Во штала за коњи откриена најголемата лабораторија за кокаин во Холандија

Објавено пред

Најмалку 17 лица се во притвор, откако полицијата изврши рација во поранешна штала за јавање во Холандија.

Шталата била претворена во најголемата лабораторија за производство на кокаин во земјата, пренесоа тамошните медиуми. Лабораторијата имала капацитет за производство до 200 килограми кокаин на ден.

Тринаесет уапсени се колумбиски државјани, тројца се Холанѓани, вклучувајќи го и 64-годишниот сопственик, а еден од осомничените е од Турција, соопшти полицијата.

Запленети се десетици илјади литри хемикалии, заедно со опрема како буриња, плински боци, пластични цевки и пет мешалки за цемент кои се користат за извлекување на кокаинот од таканаречената база.

„Со оглед на бројот на луѓе кои работеле таму, големината, распоредот и опремата, проценуваме дека производниот капацитет бил од 150 до 200 килограми кокаин на ден, што е количина на дрога со улична вредност од 4,5 до 6 милиони евра“, рече шефот на полицијата, Андри ван Рин.

Полицијата при рацијата пронашла 100 килограми кокаин и просторија за спиење за работниците. По претресот на магацините во блиските градови Апелдурн и Елшут, запленети биле и околу 120 тони материјал.

Осомничените треба да се појават на суд оваа недела, а можно е да бидат приведени и други лица, објави полицијата.

Прикажи повеќе...

Европа

Во Германија веќе се размислува за божиќни панаѓури во услови на коронавирус

Објавено пред

Неколку германски градови уште сега размислуваат за концепти за одржување на божиќните панаѓури, во согласност со мерките за борба против ширењето на коронавирусот, објави германската новинска агенција ДПА.

„Најголем предизвик ќе биде насочувањето на реките посетители и спречувањето на метежот пред штандовите“, рече Михаел Фраас, економски референт на градот Нирнберг, во кој се одржува еден од најпознатите божиќни панаѓури во Германија.

Наместо традицијата посетителите да се задржуваат на самите штандови на кои може да се јаде и пие, организаторите размислуваат да продаваат храна и пијалоци за консумација во движење.

Во Аугсбург, планирано е саемот да се прошири низ целиот центар на градот, со цел да се избегне метеж пред штандовите и групирање на луѓе на мал простор.

Во сојузната покраина Саксонија, која исто така може да се пофали со богата традиција на божиќни панаѓури, во тек е работа за изнаоѓање на концепти за нивно непречено одржување, а за откажување воопшто не се размислува.

„Секако дека прославите ќе се одржуваат под различни услови во споредба со претходните години, но сепак треба да обезбедат пријатна атмосфера и предбожиќно расположение“, смета министерката за култура и туризам во Саксонија, Барбара Клепш.

Во Мајнц, град на Рајна, се размислува за контроли за носење заштитни маски и ограничување на бројот на посетители, иако од градската управа се свесни дека ваквите мерки може да ја расипат атмосферата.

Градската администрација во Келн засега е песимистична во врска со одржувањето на годинашниот божиќен панаѓур.

Прикажи повеќе...

Европа

СЗО сака дополнително да ја проверува ефикасноста на руската вакцина против Ковид-19

Објавено пред

Светската здравствена организација (СЗО) и руските власти разговараат за процес на евентуално тестирање на безбедноста и ефикасноста за нова вакцина против Ковид-19, одобрена од Русија, соопшти денеска портпаролот на СЗО.

Рускиот претседател Владимир Путин денеска соопшти дека Русија е прва земја во светот што дала регулаторно одобрение за вакцина против Ковид-19, по помалку од два месеца минати во тестирања врз луѓе, што во Москва беше поздравено како доказ за вештината на руските научници.

Русија првата одобрена вакцина против Ковид-19 ја нарече „Спутник V“ за странските пазари, што е референца на првиот светски сателит и она што Москва го смета за свој успех бидејќи е прва земја која одобри вакцина против новиот вирус, изјави денеска висок официјален претставник.

„Ние сме во близок контакт со руските здравствени власти и во тек се разговори за евентуална проверка на безбедноста и ефикасноста на вакцината во рамки на СЗО, но ваквиот процес вклучува ригорозен преглед и проценка на сите потребни податоци за безбедност и ефикасност“, рече портпаролот на СЗО, Тарик Јашаревиќ на брифинг во Женева, осврнувајќи се на клиничките испитувања.

Регулаторите низ целиот свет тврдат дека напорите да се добие вакцина против Ковид-19 што е можно побрзо нема да бидат на штета на безбедноста на вакцините.

На руските здравствени работници ќе им биде понудено доброволно да се вакцинираат.

Повеќе од 100 можни вакцини се развиваат низ целиот свет за да се запре пандемијата на Ковид-19. Најмалку четири се во последната, трета фаза на човечки испитувања.

Прикажи повеќе...

Најново

Македонија4 часа

Комисијата за заразни болести предлага наставата да се одвива онлајн, освен во првите одделенија

Ставот на комисијата за заразни болести е наставата да почне да се одвива онлајн, освен во првите одделенија во коишто...

Европа4 часа

СЗО сака дополнително да ја проверува ефикасноста на руската вакцина против Ковид-19

Светската здравствена организација (СЗО) и руските власти разговараат за процес на евентуално тестирање на безбедноста и ефикасноста за нова вакцина...

Македонија4 часа

(Видео) Костадинов: Заев е мандатар, преговараме за Влада со полн четиригодишен мандат

Во тек се разговорите и консултациите за парламентарно мнозинство и владина коалиција за четиригодишен стабилен мандат, изјави портпаролот на СДСМ...

Македонија5 часа

Филипче: Ќе разговараме за воведување ПЦР-тест за патниците што транзитираат од соседството

Ниту еден од патниците што бил тука во нашата земја со престој како двојно државјанство, финско и македонско, не е...

Македонија7 часа

Нови 141 заболен и еден починат од Ковид-19 во земјата

Министерството за здравство информира дека во последните 24 часа се направени 1.885 тестирања, а регистрирани се 141 нов случај на...

Македонија7 часа

Мицкоски: Ахмети ми рече дека ќе преговара со СДСМ

Лидерот на ВМРО-ДПМНЕ, Христијан Мицкоски, една недела по средбата со Али Ахмети, изјави дека тие воопшто не ни преговорaле за...

Македонија7 часа

Лукаревска веќе не е директорка на УЈП, ќе биде пратеник

По верификувањето на мандатот за пратеник, Сања Лукаревска ја напушти функцијата директор на Упрвата за јавни приходи, а на нејзино...

Македонија8 часа

Ниту еден патник од авионот за Финска го нема во македонската база на позитивни случаи на Ковид-19

Министерството за здравство информира дека веќе се извршени проверки за сите патници од авионот за Финска, кои, според финските власти,...

Свет9 часа

Русија ја регистрира првата вакцина против Ковид-19; Путин: Вакцината ја прими и мојата ќерка

Претседателот на Русија, Владимир Путин, тврди дека Русите ја регистрирале првата светска вакцина против короната. Според руската новинска агенција ТАСС,...

Македонија9 часа

Повеќето патници со коронавирус што слетале во Финска биле иселеници со косовски пасоши

Во однос на информациите за летот од Скопје до Турку, Финска, каде што според финските власти од авион со 157...

Топ10 часа

Се удави рибар во водите на Вардар

Педесет и шестгодишен маж од гевгелиското село Миравци се удави во реката Вардар. Несреќата се случила вчера во 15.40 часот...

Свет11 час

Над 250.000 новозаболени од Ковид-19 во светот

Бројот на потврдени случаи на коронавирус во светот надмина 20 милиони, а само во последните 24 часа пријавени се повеќе...

Свет11 час

(Видео) Експлозија разнесе три куќи во САД – плач на заробени деца се слуша под урнатините

Експлозија раснесе три куќи во САД, а неколку лица се заробени под урнатините, меѓу кои има и деца, соопштија пожарникарите...

Свет12 часа

Русија подготвена да ја лансира првата вакцина против коронавирусот

Русија е подготвена да ја лансира првата вакцина против коронавирус, пишува Ентертејмент Тајмс. Рускиот кандидат за вакцината е вирусна векторска...

Свет12 часа

(Видео) Пукање во близина на Белата куќа – Трамп веднаш е евакуиран

Членовите на тајната служба ја прекинале конференцијата на американскиот претседател Доналд Трамп и го извадиле од просторијата за брифинг. На...

Свет12 часа

(Видео) Хаос во Белорусија – одекнуваа експлозии во Минск, едно лице загина

Во Минск синоќа повторно се одржаа протести против претседателот на Белорусија, Александар Лукашенко. Експлозии одекнуваа во центарот на градот, запален...

Европа12 часа

Финска воведува задолжителни тестови и карантин по слетувањето на авион со 24 позитивни патници од Скопје

Финска ќе воведе задолжителни тестови за коронавирус и карантин за патниците од одредени високоризични земји, откако 24 од 157 патници...

Свет23 часа

Германија размислува за задолжително носење маски во училниците

Претседателот на Здружението на германски наставници, Хајнц Питер Мејдингер побара носењето маски да биде задолжително во училниците како заштита од...

Свет1 ден

Катастрофа во Индискиот океан: од брод кој заринка истекоа 1.000 тони нафта

На бродот кој на 25 јули заринка во корален гребен во Индискиот океан кај Маурициус се појавиле пукнатини, кои претставуваат...

Македонија1 ден

Нема договор меѓу Заев и Ахмети

Лидерот на СДСМ, Зоран Заев и лидерот на ДУИ, Али Ахмети не постигнаа договор за коалиција во новата Влада ниту...

Досие