Свет

Што претставуваат ковид-пасошите и дали ќе создадат повеќе проблеми отколку што ќе решат?

Објавено пред

3 недели

- 4 февруари, 2021

Од

Владите во светот сè повеќе ја разгледуваат потенцијалната улога на ковид-пасошите, кои би им биле дадени на вакцинираните против коронавирусот кога зборуваат за повторно отворање на своите економии на начин на кој може да ги идентификуваат луѓето што се заштитени, пишува „Ројтерс“.

Но, оние што развиваат такви технологии предупредуваат дека алатки како електронскиот пасош исто така имаат последици, како што се исклучување цели групи луѓе од социјални настани и повикување на законодавците сериозно да размислат како да ги користат плодовите од работата на програмерите и инженерите во развој.

Индустријата за туризам и забава е особено заинтересирана за ковид-пасошите.

„Треба да се обидеме да се вратиме во нормала“, вели Саша Лорд, коосновач на музичкиот фестивал „Парклајф“. Тој посочува дека концертите или настаните на кои мора да се спроведат мерки за физички простор, едноставно не се финансиски исплатливи.

„ Свирка не е свирка, фестивал не е фестивал ако не стоиш рамо до рамо со твоите пријатели“, вели Лорд.

Тој сепак смета дека пасошите за вакцинираните треба да бидат избор, а не принуда, и дека оние што ги одбиваат треба да може да направат брз тест на коронавирус на влезот кога присуствуваат на социјални настани, како што се концерти.

Меѓу оние што развиваат ковид-пасоши, се и биометриската компанија „Ајпрув“ (iProov) и компанијата за сајбер-безбедност „Мвине“, а тие компании добија и финансиска помош од британската влада.

Основачот и извршен директор на „Ајпрув“, Ендру Бад, смета дека ваквите пропусници или пасоши треба да содржат само две информации: фотографија на лицето и потврда дека тоа лице е вакцинирано.

„Сè што треба да направите е да го поврзете лицето со статусот на вакцинација, идентитетот на лицето не мора да се знае“, рече Бад.

Во САД, додава тој, веќе има такви пропусници издадени од приватно здравствено осигурување за посетители на спортски или други настани.

Тој, сепак, предупредува дека може да има дискриминација, привилегии за одредени групи и исклучување млади луѓе, кои се последни во редот за вакцинирање. Тој се надева дека британската влада ќе го земе предвид сето ова и дека внимателно ќе размисли за сите последици од идната одлука.

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:

Следно

(Видео) Мексикански падобранци извеле луд скок директно над египетските пирамиди

Претходно

Дашак: Имаме нови информации, и понатаму да се истражуваат лилјаците

Свет

(Видео) Израел повторно ја гранатира Сирија

Објавено пред

3 часа

- 28 февруари, 2021

Од

Макфакс

Израел повторно ја гранатира Сирија, соопшти сириската државна агенција.

Израел ги гранатира иранските позиции во близина на Дамаск. Како што пренесе АФП, сириските сили успеваат да ги пресретнат ракетите.

🇸🇾 : Les défenses anti-aériennes syriennes protègent Damas contre les récentes frappes aériennes israéliennes.@Syria_Protector pic.twitter.com/f5QcDigKjE
— MENActualité (@MENA_frcais) February 28, 2021

Израелските медиуми првично јавуваат дека гранатирањето на Сирија е одговор на нападот на израелскиот број од страна на Иран во Оманскиот залив.

Засега нема информации дали има жртви.

Израел често извршува напади на територијата на Сирија. Повеќето негови цели се складишта со оружје и позициите на либанското движење Хезболах, како и проиранските сили кои се борат на страната на Башар Асад.

ok now Seriously lets go back to business even that i m high #israel is gonna bomb the shit of #iran after that ship attack
Location is ,,,,, best runner up … #Syria
Prepare booose chips … a roller coaster about to begin
— ܡܐܪܝܘ 🇱🇧🇬🇧 (@MarioLeb79) February 28, 2021

Прикажи повеќе...

Регион

Карантин за Подгорица и уште неколку градови во Црна Гора

Објавено пред

4 часа

- 28 февруари, 2021

Од

Макфакс

Комисијата за заштита на населението од Ковид-19 на предлог на Институтот за јавно здравје, денеска донесе нови мерки.

Според нив, неколку градови во Црна Гора ќе бидат во карантин, вклучувајќи ги Подгорица, Цетиње и Херцег Нови.

Како што беше соопштено, забраната ќе стапи на сила во вторник, на 2 март, а покрај мерките што продолжуваат да важат во општините Будва и Тиват, на граѓаните ќе им биде забрането да ги напуштаат и териториите на Подгорица, Цетиње, Улцињ, Херцег Нови, Никшиќ и Плужине, пренесува „Вијести“. Целосно забранета ќе биде работата на угостителските објекти.

Овие мерки ги ослободуваат оние граѓани кои го напуштаат градот поради редовни работни задачи и врз основа на потврда на работодавачот, понатаму лицата кои одат на преглед со медицинска документација или се грижат за лица кои не можат да се грижат за себе поради болест или повреда.

Ослободени се и студентите кои патуваат од своето место на живеење до седиштето на високообразовната установа, врз основа на потврда на таа институција, односно уредно пополнетиот и заверен индекс.

Прикажи повеќе...

Европа

Потврдено присуството на бразилскиот вид на коронавирус во Велика Британија

Објавено пред

5 часа

- 28 февруари, 2021

Од

Макфакс

Агенцијата за јавно здравје на Англија објави дека е потврдено присуство на бразилскиот сој на коронавирус, кај шест пациенти во Велика Британија, пренесува „Гардијан“.

Весникот наведува дека три случаи на зараза со новиот вид биле откриени во Англија и три во Шкотска.

Повеќе од 20 милиони луѓе во Велика Британија примиле барем една доза вакцина против коронавирусот, објави денеска министерот за здравство, Мет Ханкок.

„Ова е величествено достигнување за нашата земја. Вакцината е нашиот излез. Кога ќе добиете покана, вакцинирајте се“, напиша Ханкок на „Твитер“.

Прикажи повеќе...