На официјалниот профил на „Инстаграм“ на британското кралско семејство е објавена порака по повод смртта на принцот Филип, сопругот на кралицата Елизабета Втора.

Во него се цитира изјавата на кралицата од 1997 година на прославата на годишнината од нивниот брак.

„Тој едноставно беше моја сила и прибежиште сиве овие години, и јас, и целото негово семејство, и оваа и многу други земји, му должиме повеќе отколку што некогаш би барал или што некогаш ќе дознаеме“, рече кралицата во таа прилика, а денеска беше реобјавено како порака на Елизабета по повод смртта на нејзиниот сопруг .

 

View this post on Instagram

 

A post shared by The Royal Family (@theroyalfamily)

Објавата на социјалните мрежи вклучува и заедничка фотографија од кралицата Елизабета Втора и принцот Филип.

Војводата од Единбург помина скоро седум децении со кралицата, а во соопштението се додава: „На крунисувањето на кралицата Елизабета Втора во 1953 година, принцот Филип се заколна дека ќе биде „поданик и поддршка на нејзиното височество“.

Сопругот на британската кралица Елизабета Втора, принцот Филип, почина вчера на 99-годишна возраст.

Со почесна стрелба беше оддадена почит на покојниот принц Филип, војводата од Единбург, на многу места низ цела Велика Британија.

Во Лондон, Единбург, Кардиф и Белфаст се стрелаат 41 плотун секоја минута од пладне (по британско време). Плотуни се истрелани и од бродови на Кралската морнарица во чест на Војводата од Единбург, кој служел како поморски офицер за време на Втората светска војна.

Сопругот на кралицата Елизабета почина вчера на 99-годишна возраст.

Претседателот на Европскиот совет, Шарл Мишел чувствува непријатност поради инцидентот поврзан со распоредот за седење на состанокот одржан во Анкара оваа недела, пишува германскиот весник, „Ханделсблат“.

Урсула Вон дер Лајен, првата жена претседателка на Европската комисија, беше изненадена од состанокот кога сфати дека Мишел го зазеде единственото слободно место покрај турскиот претседател, Реџеп Тајип Ердоган, а таа остана на каучот.

На видеото се гледа како претседателката седи на каучот и е далеку од своите машки колеги. Нејзиното незадоволство можеше и да се види и чуе, а Шарл Мишел не реагираше, туку седна со Ердоган на едно од двете подготвени столчиња.

„Оттогаш не спијам добро, тие сцени постојано ми се вртат во главата“, рече Мишел и додаде дека би ја поправил ситуацијата кога би можел да го врати времето.