Свет
Авганистан: жените протестираат поради затворањето на фризерските и козметичките салони по наредба на талибанците

Жените во Авганистан одржаа протест, што ретко се случува во оваа земја, поради одлуката на талибанските власти да ги затворат салоните за убавина.
Собраните Авганистанки извикуваа „Работа, леб и правда“ за време на собирот во главниот град Кабул во средата.
Талибанската полиција употреби водни топови за да ја растера толпата, а неколку жени рекоа дека полицајците користеле и пиштоли за шок.
Околу 50 жени протестираа во Кабул, пренесува новинската агенција „Франс прес“.
Правата на жените сѐ повеќе се загрозени откога талибанците се вратија на власт во Авганистан во 2021 година.
На 2 јули 2023 година талибанската влада постави рок од еден месец да затвори илјадници козметички и фризерски салони во целата земја.
Фризерството и кубењето веѓи, според разбирањето на верата на талибанците, се спротивни на исламските вредности и родителите непотребно трошат пари на овие услуги кога ги организираат венчавките на своите ќерки, велат властите.
На Авганистанките веќе им е забрането да влегуваат во училници, спортски сали и да одат во паркови.
Неодамна, талибанците им забранија на жените да работат во Обединетите нации.
Ќе бидат затворени околу 60.000 работни места, соопшти авганистанската Стопанска комора.
Последен пат козметичките и фризерските салони во Авганистан беа затворени за време на талибанското владеење помеѓу 1996 и 2001 година.
И покрај противењето на меѓународната заедница, талибанците продолжија да ги ограничуваат правата на жените, вклучително и строгите правила за облекување и укинувањето на движењето без машка придружба.
Сите спорадични протести против мерките воведени од талибанците во последните две години се задушени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Зеленски вели дека украинската армија ги продолжува операциите во рускиот регион Курск

Претседателот на Украина, Володимир Зеленски денеска изјави дека украинската армија ги продолжува операциите во рускиот регион Курск.
– Нашите сили ги продолжуваат активните одбранбени операции во одредени подрачја на (руските) области Курск и Белгородск, истакна Зеленски.
Рускиот претседател Владимир Путин вчера изјави Курск е целосно ослободен.
Русија повторно воспостави контрола над Курск. Авантурата на режимот на Киев целосно пропадна, изјави вчера Путин.
Претставници на украинската армија вчера ги демантираа тврдењата на Путин и на Генералштабот на руската армија дека Курск е ослободен.
Свет
Русија лансираше 97 беспилотни летала во неколку региони низ Украина

Во текот на ноќта, Русија лансираше 97 беспилотни летала во неколку региони низ Украина, соопштија Воздухопловните сили на вооружените сили на Украина.
Воздухопловните сили објавија на Телеграм дека украинските сили собориле 66 руски беспилотни летала во текот на ноќта.
Во голем број украински региони е прогласена воздушна опасност поради лансирање руски беспилотни летала, вклучувајќи ги Полтавската и Харковската област, Одеса, Киев, Суми, Чернигов, Днепропетровск и Запорожје
Свет
Од денеска за верниците се отвора гробницата на папата Франциско во базиликата Санта Марија Маџоре во Рим

Од денеска гробницата на папата Франциско во базиликата Санта Марија Маџоре во Рим ќе биде отворена за верниците, соопшти Ватикан.
Папата, кој почина на 88-годишна возраст на 21 април од мозочен удар, беше погребан вчера во гробница одвоена помеѓу две капели во римската базилика, по церемонија на жалост одржана во Ватикан. Церемонијата на поставување на ковчегот траеше околу половина час.
На погребот во базиликата Санта Марија Маџоре присуствуваа само најблиските, а едноставниот, дрвен ковчег на папата беше пречекан со ѕвона.
На мисата во Ватикан, според официјалните податоци од Ватикан, присуствуваа околу 250.000 луѓе, како и 170 странски делегации. Меѓу нив имаше шефови на држави и влади, монарси, поранешни државници, политичари од Италија и други земји, интелектуалци, уметници. Подоцна, италијанскиот министер за внатрешни работи Матео Пјантедози изјави дека најмалку 400.000 луѓе присуствувале на погребот на папата Франциск, собрани на плоштадот „Свети Петар“ и по улиците на Рим.
Целиот настан го следеа околу 2.700 акредитирани новинари.