Свет
„Цесна“ падна на вулкан на Филипините, загинаа сите патници

Сите четири лица, кои летале во лесен авион, што се урна на Филипините за време на викендот, се потврдени за мртви, соопштија властите во оваа југоисточна азиска земја, по мисијата за пребарување немирен вулкан.
Телата на пилотот Рафин Џејмс Крисостом Јуниор, членот на екипажот – Џоел Мартин и австралиските технички консултанти – Сајмон Чиперфилд и Карти Сантанам се пронајдени на вулканот Маунт Мајон, а тим работел на нивно пронаоѓање, објави Си-ен-ен на Филипините цитирајќи го градоначалникот на Камалиго, Карлос Ирвин Балдо.
4 dead after Cessna plane crash on Philippine volcano | CNN https://t.co/kV2KFSESys
— Aftab baloch (@khakisarnews) February 23, 2023
Сите четири лица биле вработени во „Енерџи девелопмент корп.“, геотермална компанија со седиште во Манила, изјавил Ричард Тантоко, нејзин претседател и главен оперативен директор.
„Цесна 340“ со шест седишта се движеше кон главниот град Манила кога изгуби контакт со контролата на летање по напуштањето на меѓународниот аеродром „Бикол“ во провинцијата Албај во саботата, соопшти Управата за цивилно воздухопловство на Филипините (CAAP).
Авионот се наоѓал на надморска височина од речиси 1.823 метри во неделата. Но, врнежливите услови, ризиците од лизгање на земјиштето и умерените нивоа на вулкански немири ги комплицираа напорите за пребарување, објавија од CAAP.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Противниците на Трамп денеска на масовни протести низ САД

Околу 1.200 демонстрации се планирани денеска ширум САД, а организаторите очекуваат тоа да биде најголемиот ден на протести против американскиот претседател Доналд Трамп и неговиот сојузник Илон Маск, објави Ројтерс.
Протестите наречени „Одземени раце“ ќе им дадат можност на противниците на Трамп да го изразат своето незадоволство од надворешната и внатрешната политика на Трамп на САД, наведува агенцијата.
„Ова е масовен протест кој испраќа многу јасна порака до Маск, Трамп, републиканските конгресмени и сите сојузници на движењето Направете ја Америка повторно голема (MAGA) дека не сакаме нивните раце во нашата демократија, заедници, училишта, пријатели и соседи“, рече Езра Левин, ко-основач на Indivisible, една од групите што ги организираа настаните овој викенд.
Според податоците од веб-страницата на настанот, околу 150 активистички групи се пријавени за учество.
Планирани се протести во сите 50 држави, како и во Канада, Британија, Франција, Германија, Мексико и Португалија.
Најголемите собири се очекуваат на Националниот плоштад во Вашингтон.
Групите кои се противат на обновената воена акција на Израел во Газа и акциите на администрацијата на Трамп против протестите во кампусите ќе учествуваат и на протестите во Вашингтон, објавија организаторите, пренесува Танјуг.
Свет
Во Мјанмар се регистрирани 81 последователен потрес, од кои најсилниот бил со јачина од 7,5 степени

Според податоците на Министерството за метеорологија и хидрологија на Мјанмар, од разорниот земјотрес на 28 март до денес, во таа земја се регистрирани 81 последователен потрес, со јачина од 2,8 до 7,5 степени според Рихтеровата скала, јави Ксинхуа.
Тие потреси следеа по земјотресот со јачина од 7,7 степени што го погоди Мјанмар на 28 март во 12:51 часот. локално време.
Бројот на загинатите во земјотресот се искачи на 3.354, додека 4.850 лица се повредени, а 220 се водат како исчезнати, јавија утринава локалните медиуми.
Свет
Најмалку 47 лица повредени во судир на два туристички автобуси во Токио

Најмалку 47 лица, претежно странски државјани, се повредени денеска во судир на два туристички автобуси на автопатот во западниот дел на Токио.
Никој од повредените не е во животна опасност, а судирот се случил околу 10.15 часот во близина на влезот во тунелот Коботоке на автопатот, јави Кјодо.
Автобусите претходно тргнале од железничката станица во Токио и патувале до езерото Кавагучи во соседната префектура Јаманаши.
Според полицијата, автобусите кои биле под управа на истата компанија постојано забрзувале и намалувале поради гужвата на патот, а несреќата се случила кога возачот на последниот автобус не забележал дека првиот автобус закочил.