Силно невреме што ги погоди Минесота, Висконсин, Илиноис и Мичиген предизвика можност за торнада, соборени дрвја и далноводи, а обилните врнежи од дожд го прекинаа концертот на пејачката Бијонсе во Чикаго.

Иако не се пријавени смртни случаи или сериозни повреди, бурата предизвика проблеми во неколку држави, пишува NBC News.

Tornado of the event today in New Richmond, Wisconsin just east of Minneapolis pic.twitter.com/ZFOiUZpQyW

— Reed Timmer, PhD (@ReedTimmerUSA) May 16, 2025

Во Чикаго, концертот на отворено, кој се одржа на стадионот „Солдер Филд“, мораше да биде одложен за неколку часа поради временските проблеми.

Lightning ⚡️ storm over Lake Michigan here in Chicago while planes fly inbound to O’Hare. Pretty cool stuff. pic.twitter.com/16IyBPCDi6

— Tim 🍷 (@uptowntim88) May 16, 2025

Националната метеоролошка служба предупреди на можноста за налети на ветер до 130 километри на час.

Во четвртокот, речиси 400.000 домаќинства и бизниси останаа без струја во Висконсин, Илиноис, Индијана и Мичиген.

Имаше 12 пријави за потенцијални торнада во регионот, претежно во Висконсин, пренесува медиумот.

Во областа Медисон во Висконсин, пријавени се врнежи о град со големина на јајце.

Метеоролозите предвидуваат дека дополнителни бури би можеле да го зафатат регионот ова попладне, вклучувајќи ги Мисисипи, Тенеси и Охајо.

Се очекуваат силни ветрови, град, штети во инфраструктурата и можни торнада.

Претседателката на Европската комисија, Урсула фон дер Лајен, изјави во Тирана дека фактот што состанокот на Европската политичка заедница (ЕПЗ) се одржува за прв пат во Западен Балкан е „моќен симбол“ дека европското семејство на вредности се протега далеку надвор од границите на Европската Унија.

„Во Тирана на состанокот на Европската политичка заедница. Тоа е првиот на Западен Балкан. Каков моќен симбол. Нашето европско семејство на вредности се протега далеку надвор од границите на Европската Унија. Делиме континент. И заедничка иднина“, напиша фон дер Лајен на својот профил на X.

Таа објави и фотографија со неколку лидери на земјите од ЕУ и Западен Балкан, вклучувајќи го и претседателот на Србија, Александар Вучиќ, кој ќе учествува на 6-тиот самит на Европската политичка заедница во Тирана.

На состанокот ќе се разговара за подобрување на политичкиот дијалог и соработка со цел зајакнување на безбедноста и стабилноста на европскиот континент. Шестиот самит на Европската политичка унија (ЕПУ) ќе ги собере во Тирана лидерите од цела Европа – 27 членки на ЕУ и 20 земји кои не се членки.

Тоа ќе биде првпат земја од Западен Балкан да биде домаќин на Самитот, а темата на состанокот е „Нова Европа во новиот свет: единство – соработка – заедничко дејствување“, пренесува Танјуг.

Во соопштението објавено на веб-страницата на Самитот во Тирана, се проценува дека одржувањето на самитот во Западен Балкан означува не само симболично признавање на местото на Југоисточна Европа во европската политика, туку и стратешка инвестиција во улогата на регионот во обликувањето на иднината на континентот.

Шпанскиот премиер Педро Санчез го нарече Израел „геноцидна држава“ во парламентот во среда и рече дека Шпанија „не соработува со таква земја“, што е неговата најостра изјава досега за војната во Газа.

„Сакам да разјаснам, господине Руфијан: ние не работиме со геноцидна држава, ние не соработуваме“, рече Санчез за време на неодамнешната утринска седница во шпанскиот парламент, одговарајќи на пратеникот Габриел Руфијан, кој го обвини дека одржува трговски односи со Израел и покрај војната во Газа.

Spanish Prime Minister Pedro Sánchez calls Israel a ‘genocidal state’ in Parliament today.

He also stated that the Spanish government will NOT trade with Israel. pic.twitter.com/OeE03wznut

— Leyla Hamed (@leylahamed) May 14, 2025

Санчез истакна дека претходно го објаснил својот став и додаде: „Мислам дека јасно објаснив од оваа говорница пред некој ден за што зборуваме кога се изнесуваат тврдења што не одговараат на вистината“.

Локалните медиуми објавија дека ова е првпат Санчез јавно да го употреби терминот „геноцидна држава“, термин што често го користи крајнолевичарскиот коалициски партнер во неговата влада, Сумар.

Израелското Министерство за надворешни работи веднаш реагираше и ја повика шпанската амбасадорка во Израел, Ана Саломон, на разговори.

„Поради тешките изјави дадени од шпанскиот премиер Педро Санчез, шпанскиот амбасадор во Израел е повикан утре во Министерството за надворешни работи во Ерусалим на разговори“, се вели во соопштението на израелското министерство.