Свет
Австралиските власти со предупредување до граѓаните – да се подготват за нови поплави
![](https://makfax.com.mk/wp-content/uploads/2022/08/w_57791441-920x560-1.jpg)
Австралиските власти издадоа предупредување до регионите во Нов Јужен Велс и Квинсленд, опустошени од поплави, да се подготват за полоши врнежи и бури во наредните месеци, пренесуваат тамошните медиуми.
Сојузниот министер за вонредни ситуации Мареј Ват и порачал на јавноста да биде подготвена за нови поплави, додека владата на премиерот Ентони Албанес работи на воведување реформи за исплата на помош на погодените од катастрофата.
Бирото за метеорологија соопшти дека се предвидува дека поплавите ќе претставуваат најголем ризик од природни катастрофи во наредните месеци, многу поголем од пожарите или топлотните бранови низ целата земја, пишува Гардијан.
Како што се наведува, особено во источните држави времето ќе биде многу влажно, со обилни врнежи од дожд и град.
Главниот климатолог на бирото, Грег Браунинг рекол дека има многу големи шанси за над просечни врнежи долж целиот источен брег.
Бидејќи многу од овие области веќе имаат големи количини на влага во почвата, предупредил тој, дополнителниот дожд нема да може да се апсорбира и наместо тоа ќе го зголеми водостојот во реките, предизвикувајќи нови поплави.
Според него, постои голема веројатност дека овогодинешната сезона на пожари ќе биде помалку опасна од претходните лета, но западот на Австралија и Тасманија би можеле да бидат исклучок во овој поглед, бидејќи се очекуваат топлотни бранови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Турист пронајден мртов во Грција
![](https://makfax.com.mk/wp-content/uploads/2023/08/grcija-plaza.jpg)
Американски турист (55) денес бил пронајден мртов на грчкиот остров Матраки.
Раниот топлотен бран се совпадна со бранот на исчезнувања и смртни случаи на туристи.
„Постои заедничко нешто. Туристите кои починаа планинареа на високи температури“, изјави за Ројтерс, Петрос Василакис, портпарол на полицијата во Јужното Егејско Море.
Телото на британскиот ТВ водител Мајкл Мозли беше пронајдено на 9 јуни на островот Сими по четиридневна операција за пребарување со помош на авиони и дронови. Мозли наводно одел сам на високите температури пред да исчезне.
Полицијата не го откри идентитетот на Американецот чие тело во неделата беше пронајдено во близина на плажата во Матраки.
– Телото е префрлено на Крф каде ќе биде извршена обдукција – изјави полициски претставник за Ројтерс.
Друг турист, Холанѓанец, кој имаше 74 години, беше пронајден мртов на островот Самос во саботата, додека двајца планинари беа пронајдени безживотни на Крит на 5 јуни.
Спасувачките екипи трагаат по две постари Французинки на Сикинос и по американски полицаец (59) на Аморгос.
– Во тек се две операции за пребарување на други острови. Распоредени се спасувачки екипи и доброволци кои со помош на дрон и куче спасувач трагаат по исчезнати лица – изјави Василакис.
Свет
Хаос на летот од Мароко до Лондон: Авионот принудно слета поради масовна тепачка меѓу патниците
![](https://makfax.com.mk/wp-content/uploads/2023/05/avion.jpg)
На летот на ирската нискобуџетна авиокомпанија „Рајанер“ од Агадир, Мароко до Лондон, избила масовна тепачка меѓу патниците, поради што пилотот принудно слетал, објави „Њујорк пост“.
Весникот наведува дека инцидентот кој се случил на 3 јули почнал уште пред полетувањето кога еден од патниците побарал да го смени седиштето.
Тепачката избила на летот за лондонскиот аеродром Станстед, а патниците врескале еден кон друг додека персоналот на авиокомпанијата давал се од себе за да ги смири.
„Беше толку стресно. Тоа беше како пекол. И се ескалира кога еден човек сакаше да го смени седиштето“, раскажа патник на летот.
Свет
Во Киев е прогласен ден на жалост
![](https://makfax.com.mk/wp-content/uploads/2024/07/Screenshot-2024-07-08-160716.jpg)
Градоначалникот на Киев, Виталиј Кличко, го прогласи 9 јули за ден на жалост по смртоносните напади на главниот град.
Сите знамиња ќе бидат спуштени на половина копје на институционалните згради низ градот, објави тој на Телеграм, а сите забавни настани се откажани.
Најмалку 20 луѓе загинаа во главниот град, вели Кличко, а речиси 100 се ранети.