Свет
Австралија чека спас, метеоролозите најавија обилни дождови
Според најновата метеоролошка прогноза, се очекува австралиските сојузни држави Нов Јужен Велс (НСВ) и Викторија да ги зафати пороен дожд оваа недела.
Австралискиот метеоролошки институт објави прогноза која предвидува големи врнежи од дожд во речиси цела НСВ во текот на следните седум дена.
„Ако оваа прогноза се оствари, ќе биде како да се оствариле сите наши желби за Божиќ, родендени, свршувачки, годишнини, свадби и матури. Да ги вкрстиме прстите”, напиша Државната противпожарна служба на „Твитер“.
If this @BOM_NSW rainfall forecast comes to fruition then this will be all of our Christmas, birthday, engagement, anniversary, wedding and graduation presents rolled into one. Fingers crossed. #NSWRFS #nswfires pic.twitter.com/R9VfD0bqu2
— NSW RFS (@NSWRFS) January 12, 2020
Денеска се очекува дожд на централниот и северниот брег на Австралија. Обилните врнежи се предвидени в четврток кога се очекуваат значителни врнежи од дожд во поголемиот дел од Нов Јужен Велс. Предвидено е до 25 мм дожд во некои области на јужниот брег, пренесува „Дејли мејл“.
Колку и да се охрабрувачки вестите, многу метеоролози предупредуваат дека обилните врнежи од дожд може да предизвикаат лизгање на земјиштето
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Германските компании се потешко добиваат заеми
Компаниите во Германија се потешко добиваат кредити од банките, е заклучокот од извештајот што денеска го објави Институтот за економски истражувања ИФО од Минхен.
Во септември, приближно 32,9 отсто од анкетираните компании во Германија изјавиле дека банките се повнимателни при одобрувањето заеми, додека во јуни овој процент бил 27,1 отсто.
Резултатот покажува дека компаниите во Германија сега имаат најмногу проблеми да добијат заеми од 2017 година.
На потешкотии при одобрување кредити особено се жалат компаниите од услужниот сектор, каде проблеми пријавиле 35,7 отсто од анкетираните компании, како и 34,3 отсто од компаниите од индустријата.
Недостатокот на нарачки во многу сектори ги тера банките повнимателно да ја проверуваат кредитната способност на компаниите, изјави експертот на ИФО, Клаус Волрабе.
За разлика од нив, германските компании во градежништвото, трговијата на големо и мало нешто полесно добиваат кредити, се заклучува во извештајот на веб-страницата на IFO.
Регион
Објавена фотографија од тинејџерката која почина по вадење заб во Сараево, следеле компликации по операцијата
Тинејџерка (16) од Сараево починала по стоматолошка операција во Сараево во Клиничкиот центар на Универзитетот во Сараево (КЦУС), а според досега познатите информации таа во придружба на родителите побарала стоматолошка помош поради интензивна забоболка.
По операцијата следеле компликации, поради што била примена на Одделот за интензивна нега. По вадењето на забот, ситуацијата брзо се влошила бидејќи гнојот од забот се проширил по вратот и предизвикал сериозна инфекција која резултирала со развој на сепса.
Обдукцијата ќе ја открие точната причина за смртта. За случајот е информирано Обвинителството на кантонот Сараево.
„Постапката е во тек, се вршат проверки, односно се преземаат дејствија за проверка и утврдување на сите околности на смртта. Со оглед на тоа дека се работи за малолетно лице, Обвинителството не може да даде повеќе информации“, изјавија од обвинителството.
Регион
Тинејџерка почина во Сараево по вадење заб
Шеснаесетгодишно девојче почина во Клиничкиот центар на Универзитетот во Сараево (КЦУС) по компликации по операцијата за вадење заб. Трагичната вест за Дневни аваз ја потврдил член на семејството на починатото девојче.
Според достапните информации, девојчето побарало лекарска помош поради проблем со забите.
Откако и го извадиле забот, нејзиното здравје брзо се влошило. Се развил воспалителен процес кој довел до сепса, поради што итно била пренесена во КЦУС.
Обвинителството е веќе известено за случајот и покрената е истрага за утврдување на околностите кои довеле до оваа трагедија.
„Постапуваме по случајот, се вршат проверки, односно се преземаат дејствија со цел да се проверат и да се утврдат сите околности на смртта“, изјави за Кликс Азра Бавчиќ, портпарол на Обвинителството.
Родителите на девојчето кои се во шок и болка бараат правда и одговорност за смртта на нивната ќерка. Вчера е извршена обдукција, а погребот на девојчето ќе биде извршен утре.
Повеќе информации за точната причина и околностите на смртта треба да се знаат подоцна.