Свет
Австралијците предупредени за можно арбитрарно притворање во Кина

Австралија апелира денеска до своите државјани, кои планираат да патуваат во Кина, повторно да размислат предупредувајќи ги дека може да се соочат со произволно притворање од страна на комунистичкиот режим, се вели на владината веб-страница „Смарт травелер“.
Австралиското Министерство за надворешни работи и трговија исто така рече дека кинеските власти и претходно апселе странци за наводно загрозување на националната безбедност.
Официјалниот совет за патувања за Кина не е променет, но сега го содржи предупредувањето дека Кина нема да се двоуми да апси странци и да ги држи како заложници за државни цели. Во него се вели:
„Кина нема да им дозволи на повеќето странци да влегуваат во Кина. Директните летови помеѓу Кина и Австралија значително се намалија. Ако и покрај нашите совети патувате во Кина, ќе подлежите на 14 дена задолжителен карантин. Барањата за карантин може за миг да се променат.
Ако веќе сте во Кина и сакате да се вратите во Австралија, препорачуваме да го сторите тоа што е можно побргу со комерцијални летови. Властите притвораат странци за наводно загрозување на националната безбедност. И Австралијците може да бидат изложени на ризик од произволно притворање. Ние не сме го промениле нашето ниво на совети. Не патувајте во Кина“.
Новиот совет доаѓа со зголемувањето на тензиите меѓу двете земји по притисокот од австралискиот премиер Скот Морисон за глобална истрага за справувањето со смртоносната пандемија на коронавирусот во Кина.
Повикот е реципроцитетни мерки со Кина, при што Пекинг ги повика своите граѓани да не патуваат во Австралија поради, како што рече, зголемениот расизам кон кинеските посетители.
Одлуката на Австралија да им се придружи на САД и да му забрани на „Хуавеј“ какво било учество во национална 5Г-мрежа, исто така останува болно прашање или трнлив проблем меѓу двете држави, потврди кинескиот амбасадор во февруари додавајќи дека во суштината на спорот лежи дискриминацијата против кинеска компанија.
Минатата недела Морисон исто така потврди дека владата активно размислува да им понуди безбедно прибежиште на жителите на Хонг Конг откако во поранешната британска колонија беа воведени контроверзни закони за национална безбедност.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Боинг со 250 патници принудно слета во Русија, имаше дефект на моторот

Авион на „Ер Чајна“ што леташе од лондонски Хитроу до Пекинг утрово изврши непланирано слетување во Русија по дефект на моторот. Авионот превезуваше повеќе од 250 патници и членови на екипажот, објави „Индипендент“.
🇬🇧🇨🇳🇷🇺 A Boeing airplane flying the London — Beijing route made an emergency landing in Nizhnevartovsk.
“The Air China flight from Beijing to London decided to land at a reserve airfield in Russia due to a malfunction of one of the engines” — Rosaviatsia, Russians aviation… pic.twitter.com/xjBc6a2llT
— Lord Bebo (@MyLordBebo) August 26, 2025
Боингот 777, кој полета од Лондон синоќа во 22:43 часот, беше принуден да слета на аеродромот Нижневартовск во регионот Ханти-Мансијск во Русија. Според „ФлајтАвер“, авионот слета околу 8:17 часот по локално време, околу пет и пол часа по почетокот на своето патување.
Руската агенција за цивилно воздухопловство, Росавијација, го потврди инцидентот. „За време на летот од Лондон до Пекинг, екипажот на авионот „Боинг 777-300“ на „Ер Чајна“ одлучи да слета на алтернативен аеродром во Русија“, се вели во соопштението. „Ројтерс“ објави дека прелиминарната причина е дефект на моторот.
Passengers on the London–Beijing flight that made an emergency landing in Nizhnevartovsk (Russia) have been sitting on the plane for more than three hours.
The Air China Boeing 777-39L(ER) landed in the Russian city after one of its engines failed. According to the outlet Baza,… pic.twitter.com/MM4aT4hCNX
— Russian Market (@runews) August 26, 2025
Агенцијата додаде дека „Ер Чајна“ ќе испрати резервен авион во Нижневартовск за да можат патниците да го продолжат своето патување до Пекинг подоцна во текот на денот. Летот CA856 помеѓу Обединетото Кралство и кинескиот главен град обично трае повеќе од девет часа.
Британското Министерство за надворешни работи моментално советува да не се патува во Русија поради ризиците поврзани со нејзината инвазија на Украина. Сè уште не е познато колку британски државјани биле на летот.
фото: принтскрин
Европа
(Фото) Украински дрон се урна во Естонија

Украински борбен дрон се урна во Естонија, соопштија властите денес, во инцидент за кој се верува дека се случил во недела наутро.
„Тоа беше украински дрон кој нападна руски цели. Нема докази дека станува збор за руски дрон“, изјави Марго Палосон, раководител на естонската Служба за внатрешна безбедност, за естонското радио ЕРР. Според извештаите, ова е прв ваков инцидент во Естонија.
A Ukrainian military drone veered off course and crashed in Estonia. Authorities say they have no claims against Ukraine.
Wreckage and a blast crater were found in Tartu County. According to officials, the drone was likely Ukrainian.
Margot Pallonen, head of the Internal… pic.twitter.com/YHvhI0bw3a
— NEXTA (@nexta_tv) August 26, 2025
Украина нападна руски терминал за нафта и гас во балтичкото пристаниште Уст-Луга, во близина на естонската граница, во саботата навечер. Во понеделник, земјоделец во округот Тарту во Естонија пронашол остатоци од борбен дрон на својата нива, рече Палосон. Исто така, бил видлив кратер од експлозија.
Не е јасно дали дронот дошол од латвискиот или рускиот воздушен простор. Употребата на дронови во војување може да претставува закана за соседните земји.
Во последните месеци, руски дронови влегоа во воздушниот простор на Полска, Литванија и Латвија преку Белорусија, руски сојузник. Слични инциденти се пријавени во Романија и Молдавија.
фото: принтскрин
Свет
Данска не ја исклучува можноста за признавање на Палестина

Данска не ја исклучува можноста за признавање на палестинска држава, под услов таа да биде демократска држава, изјави денес данската премиерка.
„Ние не велиме ‘не’ за признавање на Палестина како држава“, изјави Мете Фредериксен на прес-конференција.
„Долго време сме за ова. Тоа е она што го сакаме. Но, очигледно, мора да се осигураме дека тоа е демократска држава“, додаде таа.
Данската јавност бара признавање и крај на војната
Во неделата, повеќе од десет илјади Данци излегоа на улиците барајќи крај на војната во Газа и Данска да признае палестинска држава.
Во интервју за дневниот весник „Јиландс-Постен“ кон средината на август, Фредериксен рече дека „Нетанјаху сега е проблем сам по себе“, сметајќи дека неговата влада оди „предалеку“.
„Продолжувањето на екстремно насилната политика на Нетанјаху во Газа е неприфатливо“, напиша таа и на своите социјални мрежи, истакнувајќи дека од нападот на 7 октомври таа го поддржува правото на Израел да ја елиминира „заканата што ја претставува Хамас“.
фото: принтскрин