Европа
Австриските служби направиле огромни грешки пред нападот во Виена, покажува првичниот извештај
Австриските служби за уставност и контратероризам направиле огромни грешки во врска со терористот Кујтим Фејзулаи.
Вакви сознанија произлегуваат од првиот извештај на истражната комисија.
Албанецот по потекло од Македонија уби четири лица и рани повеќе од 20 во центарот на Виена на 2 ноември.
Фејзулаи, кој претходно бил осуден на 22 месеци затвор за терористичко здружување поради обиди да ѝ се приклучи на Исламската држава, бил ослободен на почетокот на декември 2019 година со условна казна.
Неколку дена по излегувањето од затвор на 17 декември, пред Комисијата за процена на опасноста тој се однесувал без волја за соработка, па затоа била побарана процена на ризик од виенската покраинска Служба за заштита на уставноста и борба против тероризмот (ЛВТ).
Ваквата процена ЛВТ ја направила дури на 11 септември 2020 година, а покрај тоа, требало да се менува двапати, па била конечна дури на 7 октомври.
Во својата процена ЛВТ го зголемила ризикот што произлегува од Фејзули од умерен ризик на висок ризик.
Истражната комисија сега критикува дека е неприфатливо првото оценување да трае речиси десет месеци.
ЛВТ ваквото одолжување го објаснува со недостигот од персонал и време.
Истражната комисија смета дека прифатлив рок за степенот на ризик би бил доколку тој се утврдел најдоцна во јули.
Иако германското разузнавање кон средината на јули ги информирало своите австриски колеги за состаноците на Фејзули со германски и швајцарски исламисти во Виена и било наложено да се изврши надзор, оперативната единица на ЛВТ не покажала свест за значењето на тие состаноци, се вели во извештајот.
Според истражната комисија, исламистите што се собрале претставувале терористичка ќелија подготвена за напади.
Само на еден член на ЛВТ веднаш му било јасно дека во Виена се одржал состанок на опасна терористичка ќелија, но федералната Служба за заштита на уставноста и борба против тероризмот (БВТ) го обврзала да не шири такви информации, истакнува комисијата, што БВТ го негира.
Истражната комисија смета дека надлежните служби постапиле лошо, дури и кога од словачките власти добиле јасна информација дека Фејзулаи се обидел да купи муниција за автоматско оружје на 21 јули 2020 година во Братислава.
На 27 јули БВТ добила фотографии од надзорна камера на една словачка продавница за оружје, но материјалот дури на 24 август бил доставен до ЛВТ Виена со барање за идентификација на лицето.
Еден ден подоцна, ЛВТ јас известила БВТ дека на сликта е Фејзулаи, кој им е познат на властите.
Според извештајот на истражната комисија, еден член на ЛВТ сфатил дека станува збор за загрижувачка информација, но неговиот предлог да се преземат мерки според Законот за заштита на државата бил отфрлен од страна на надредените.
Дури на 16 октомври БВТ јасно го идентификувала Фејзулаи како лицето што се обидело да купи муниција во Братислава.
Истражната комисија го критикува и фактот што Државното обвинителство не било информирано за тој случај затоа што во таква ситуација би можело да биде укинато неговото предвремено ослободување.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Макрон: За да бидеме слободни во овој свет, мора да бидеме страв и трепет
Францускиот претседател Емануел Макрон вчера најави дополнителни 6,5 милијарди евра воени трошоци во текот на следните две години, објави „Евроњуз“. Францускиот лидер ги изложи плановите во говор, во кој повика на зголемени напори за заштита на Европа и поддршка на Украина во услови на континуирана, тотална руска инвазија.
Според Макрон, Франција планира да троши 64 милијарди евра годишно за одбрана до 2027 година. Таа сума е двојно поголема од 32-те милијарди евра што земјата ги потроши за одбрана кога тој стана претседател во 2017 година.
„Од 1945 година слободата никогаш не била толку загрозена и тоа толку сериозно“, рече Макрон во традиционалниот претседателски говор до војската.
„За да бидеме слободни во овој свет, мора да бидеме страв и трепет. За да бидеме страв и трепет, мора да бидеме моќни“, порача тој.
Тој нагласи дека Франција може да си дозволи поголеми воени трошоци, дури и додека се стреми да го намали својот национален долг. Додека конзервативните и крајно десничарските партии во голема мера го поддржуваат неговиот притисок за поголеми трошоци за одбрана, левичарските партии ја обвинуваат владата дека ја занемарува социјалната помош во корист на војската.
Европа
(Видео) Авион од Пула слета во Лондон: кога повторно полета, се урна и се запали
Помал авион се урна и се запали на аеродромот во Лондон Саутенд вчера попладне. Сведоците ја опишаа експлозијата како „огнена топка“, а аеродромот беше затворен до понатамошно известување. Нема официјални информации за жртви.
Crazy footage from the golf course, on which the plane taking off from Southend London airport appeared to crash.pic.twitter.com/d79o8xff8O
— Phil (@phil_from_NG) July 13, 2025
Несреќата се случила кратко пред 16 часот по локално време, а првичните извештаи сугерираат дека авионот долг 12 метри се запалил кратко по обидот за полетување.
🚨 BREAKING NEWS: A devastating plane crash occurred at London Southend Airport, UK.
A Beechcraft Super King Air light aircraft crashed and exploded into a massive fireball shortly after takeoff, Eyewitnesses described a horrific scene of black smoke and flames, prompting a… pic.twitter.com/9KrHzfgkeg
— Breaking News (@TheNewsTrending) July 13, 2025
Холандската компанија „Zeusch Aviation потврди дека нејзиниот лет SUZ1 бил вклучен во несреќата во Саутенд. Авионот претходно во текот на денот летал од Атина до Пула, а потоа до Саутенд, од каде што требало да продолжи кон својата база во Лелистад, Холандија.
Компанијата соопшти дека соработува со властите во истрагата и изрази сочувство.
Европа
ЕУ блиску до договор за санкции против Русија, се чека официјална потврда
Претставниците на Европската Унија се блиску до договор за 18-тиот пакет санкции против Русија, со кој ќе се намали ограничувањето на цената на руската нафта, според извори.
Тие за Ројтерс изјавија дека сите елементи од новиот пакет се договорени, иако една земја остана воздржана во врска со новото ограничување на цените.
Изворите рекоа дека очекуваат договор да биде постигнат во понеделник, пред состанокот на европските министри за надворешни работи во Брисел еден ден подоцна, каде што тој ќе биде формално потврден.
Ројтерс објави дека е договорен механизам за динамично ограничување на цените. Европската комисија во петокот предложи променливо ограничување на цената на руската нафта на 15 проценти под просечната пазарна цена во претходните три месеци.
Еден од изворите рече дека почетното ограничување ќе биде 47 долари за барел, врз основа на просечната цена на руската нафта во последните 22 недели, намалена за 15 проценти. Цената ќе се ревидира на секои шест месеци.
Словачка, која бара гаранции од Европската комисија, загрижена поради планот за постепено прекинување на снабдувањето со руски гас, се согласи со новите мерки, велат изворите.
Усвојувањето на санкциите бара едногласна одлука од земјите-членки на ЕУ.
ДУИ за Коридорот 8: Тие што го саботираа, денес се фалат
Демократската Унија за Интеграција го поздравува ентузијазмот со кој актуелната Влада го промовира реализирањето на стратешките проекти во земјата, како...
Медведев за ултиматумот на Трамп: На Русија не ѝ е гајле
Најновите изјави на американскиот претседател Доналд Трамп за можното воведување 100% царини за стоки увезени од Русија претставуваат „театарски ултиматум“...
Зеленски: Имав многу добар разговор со Трамп, му се заблагодарив за неговата подготвеност да ја поддржи Украина
Украинскиот претседател Володимир Зеленски изјави дека имал многу добар разговор со американскиот претседател Доналд Трамп по неговата објава за испраќање...
Алијансата за Албанците: Политичката групација „Флен“ потоната во конфузија и зафатена од политичка апатија
Политичката групација „Флен“, потоната во конфузија и зафатена од политичка апатија, во понеделникот изјави дека нивната борба е за затворање...
(Видео) Њујорк под вода, поплави во метро-станиците, луѓето заглавени во вагоните
Повеќе од 50 милиони Американци низ североистокот се под притисок од поплави, а истите предизвикаа значителни застои во сообраќајот во...
Трамп за Би-би-си: Разочаран сум од Путин, но сè уште не сум се откажал од него
Американскиот претседател Доналд Трамп изјави дека е разочаран, но не и дека „завршил“ со Владимир Путин, во ексклузивно телефонско интервју...
Трамп ѝ постави ултиматум на Русија: Украина добива врвно оружје, вредно милијарди
Американскиот претседател Доналд Трамп го претстави новиот безбедносен план со кој ѝ се заканува на Русија со сериозни секундарни царини,...
Радев вели дека Македонија самaта си се блокира, хрватскиот претседател порача спорот е внатрешно прашање
За време на средбата со својот бугарски колега Румен Радев, хрватскиот претседател го критикуваше ставот кон земјите од Западен Балкан...
Блерим командува, Данела удира по Албанците: сценарио на ДУИ, велат од „Вреди“
Да расветлиме една од најболните приказни за злоупотреба на институциите против граѓаните, приказната за мрежата што ја создадоа Блерим Беџети...
(Видео) Филипче: Македонија не смее да остане жртва на странски дестабилизациски операции
Претседателот на СДСМ и претседавач со Националниот совет за евроинтеграции, Венко Филипче, на денешната седница на која се презентираше Програмата...
МВР со детали за пожарот во Злокуќани: опожарени шест куќи, малолетник е повреден, а неколкумина побарале лекарска помош поради вдишување чад
Вчера, во 20 часот, во СВР Скопје е пријавено дека на улицата Скупи во Скопје настанал пожар, во кој биле...
До крајот на август ќе бидат пуштени уште 18 километри од автопатот Кичево – Охрид, целосно во употреба во 2027 година
За речиси еден и пол месец, премиерот Христијан Мицкоски очекува во употреба да бидат пуштени уште 18 километри од автопатот...
Загина маж од Демирхисарско: со возилото излетал надвор од патот
Вчера во 17.21 часот во СВР Битола е пријавено дека на регионалниот пат Битола-Демир Хисар, пред крстосница за село Драгарино,...
„Пожарите беа цел на група лица што не ѝ мислат добро на Македонија, СДС, освен што е некрофилски, тој е и пиромански“, велат од ВМРО-ДПМНЕ
„Пожарите кои беа чести изминатава недела, беа организирани од група на лица кои не и мислат добро на Македонија, СДС...
Трамп: Путин зборува убаво, а потоа бомбардира сè навечер, испраќаме „Патриоти“
Американскиот претседател Доналд Трамп најави дека ќе испрати ракети за воздушна одбрана „Патриот“ во Украина, велејќи дека тие се потребни...
„Охридско лето без албанска култура, уште еден доказ за систематска исклученост“, велат од ДУИ
„Оваа година, државната манифестација „Охридско лето“, финансирана од јавните институции на земјата, се одвива без никакво претставување на албанската култура...
(Видео) Авион од Пула слета во Лондон: кога повторно полета, се урна и се запали
Помал авион се урна и се запали на аеродромот во Лондон Саутенд вчера попладне. Сведоците ја опишаа експлозијата како „огнена...
(Видео) Двајца мртви и повеќе повредени во пукање во Кентаки
Две лица беа убиени, а неколку други беа ранети во серија пукотници околу градот Лексингтон вчера, објави гувернерот на Кентаки,...
ЕУ блиску до договор за санкции против Русија, се чека официјална потврда
Претставниците на Европската Унија се блиску до договор за 18-тиот пакет санкции против Русија, со кој ќе се намали ограничувањето...
Пропустите на тајната служба довеле до обидот за атентат врз Трамп, утврди Сенатот
„Неприфатливи пропусти“ од страна на тајната служба довеле до обидот за атентат врз Доналд Трамп пред една година, утврди Комитетот...
