Европа
Австрија забранува посети од Велика Британија поради индискиот вид коронавирус

Австрија забранува директни летови и туристички посети од Велика Британија поради распространетоста на многу заразната варијанта на коронавирусот, која првпат беше откриена во Индија, соопшти австриското Министерство за здравство.
Велика Британија е додадена на австриската листа на земји со варијанти на коронавирусот и на тој начин им се придружи на Бразил, Индија и на Јужноафриканската Република, од кои пристигнувањата се дозволени само во ограничен број.
„Во суштина, само австриските државјани и луѓето што имаат постојан или вообичаен престој во Австрија може да влезат во земјата“, рече Министерството додавајќи дека влезот исто така ќе биде дозволен од хуманитарни причини или за посети од национален интерес.
Тие истакнаа дека иако правилата за имиграција стапуваат во сила, забраната за директни летови ќе стапи во сила на 1 јуни. Изјавата се повикува на Светската здравствена организација и на Јавното здравство на Англија, кои ја класифицираа варијантата Б.1.617.2, најнапред откриена во Индија, како причина за загриженост.
Бројот на заразени лица во Велика Британија расте, но вкупната инциденција е сè уште мала и бројот на заразени што се во болница минатата недела е најмал од септември. Жариштата на варијантата Б.1.617.2, сепак, рапидно растат.
Овој потег на Австрија следуваше по сличен потег на Германија, која во петокот рече дека ја прогласува Британија за регион на вирусни варијанти. Австрија има мал број случаи на индискиот вид, а од неодамна и мал број на заразени воопшто.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
(Видео) Фрлени „молотови коктели“ кај рускиот конзулат во Франција, се огласи Захарова

Рускиот конзулат во Марсеј, Франција, рано утринава бил нападнат со „молотов коктел“, а нема информации за жртви, јавува „Анадолија“.
Инцидентот се случил околу 8 часот по локално време на авенијата Амброаз-Паре, улица на која се наоѓаат многу странски конзулати, објави BFMTV.
‼️ ⚡️Une explosion a tonné à l’intérieur du consulat russe à Marseille — BFM TV
«Il y a environ 30 pompiers et policiers travaillant sur les lieux», rapportent les médias. pic.twitter.com/NgsR7Df3Jw
— Camille Moscow 🇷🇺 🌿 ☦️ (@camille_moscow) February 24, 2025
Два „молотови коктела“ биле фрлени во дворот на конзулатот, но, за среќа, не е забележана штета или повредени, јавуваат медиумите повикувајќи се на полициски извори.
Во тек е истрага за мотивите за нападот.
Портпаролката на руското Министерство за надворешни работи, Марија Захарова, потврди дека имало експлозија кај рускиот конзулат во Марсеј опишувајќи ја како потенцијален терористички напад.
Москва ја повикува Франција темелно да го истражи инцидентот и да ја зголеми безбедноста во руските дипломатски претставништва, рече таа.
Европа
Ватикан: Папата е во критична состојба, но имаше мирна ноќ

Папата Франциско, кој е во критична состојба и се бори со билатерална пневмонија, помина мирна ноќ во болница, спиејќи и одморајќи се, соопшти Ватикан.
88-годишниот папа беше примен во римската болница „Гемели“ на 14 февруари, откако неколку дена имаше проблеми со дишењето, а потоа му беше дијагностицирано воспаление на двете бели дробови.
Ватикан ја опиша неговата состојба како критична втор ден по ред во неделата и рече дека тој ден имал „почетни, благи знаци на откажување на бубрезите“.
Прогнозата за папата, кому во саботата му беше потребна трансфузија на две единици крв, откако доживеа „продолжена респираторна криза слична на астма“, останува неизвесна, покажуваат најновите медицински информации.
„Беше добра ноќ, папата спиеше и се одмара“, се вели во соопштението на Ватикан во една реченица објавено утрово, без дополнителни информации.
Европа
Експлозија кај рускиот конзулат во Марсеј

Експлозија утрово го потресе француски Марсеј во близина на рускиот конзулат. Пожарникарите потврдија дека имало експлозија во 8-миот арондисман.
„Експлозијата се случи во близина на рускиот конзулат во Марсеј околу 8 часот наутро“, соопштија пожарникарите.
На терен се околу 30 пожарникари и бројни полицајци. Засега не е позната причината за експлозијата, ниту пак дали има повредени.