Свет
Австрија испрати трупи на границата за воени вежби за справување со мигрантите

Неколку стотици австриски полицајци и војници изведоа вежба на јужната граница на земјата со Словенија за да симулираат различни реакции во случај да се повтори мигрантската криза од 2015 година, пишува австриски „Локал“.
Во вежбата учествувале околу 500 полицајци и 200 војници со воена опрема која вклучува оклопни возила, воени хеликоптери. Австриските безбедносни сили ги одржаа вежбите на граничниот премин „Шпилфелд“ кон Словенија, со која ги покажаа итните мерки за спречување на илегалната миграција, и покрај тоа што Словенија беше против.
„Државата што не може да ги заштити своите граници го губи кредибилитетот“, изјави министерот за внатрешни работи, Херберт Кикл, кој ги набљудуваше вежбите заедно со министерот за одбрана, Марио Кунасек,
Министерот Кикл и министерот Кунасек, и двајцата од крајнодесничарската Слободарска партија (ФПО), истакнаа дека со вежбите им упатуваат порака на домашното население и шверцерите, но и на мигрантите, додавајќи дека ништо не е погрешно доколку се спречи илегалната миграција.
„Во 2015 година имавме неконтролирани преминувања на границите и тоа никогаш не смее да се повтори. Желбата ни е да покажеме дека управувањето со границите и одбраната функционира, со цел никој да не помисли дека ќе има пропуштања”, порача Кикл додавајќи дека тоа всушност е и пораката на вежбата.
Тој смета дека мора да се подготват за можни сценарија бидејќи не постои гаранција дека настаните од 2015 нема да се повторат. Кикл посочи дека новата единица за заштита на границата, „Пума” која пред сè ќе се занимава со контрола и регистрирање на мигрантите, треба да биде оперативна и заедно со полицијата и војската да ги спречуваат странците илегално да ја поминуваат границата.
На граничниот премин „Шпилфелд“ се вежбани ситуации слични на оние кои се случиле во 2015 година, па населението можело да забележи луѓе кои бараат поминување преку границата и полиција опремена со оружје за расчистување на демонстрациите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Десетици повредени по руски напад врз железничка станица во Украина

Руските сили ја нападнаа железничката станица во Сумската област на северот од Украина, а во нападот беше погоден и патнички воз, при што беа повредени десетици патници, објави регионалниот гувернер, Олег Григоров.
– Непријателот целел цивилна инфраструктура, патнички воз на релација Шостка – Киев. Има повредени патници – изјави Григоров.
Тој рече дека во тек е спасувачка операција, во која се ангажирани спасувачи, лекари и сите служби за итни случаи.
A savage Russian drone strike on the railway station in Shostka, Sumy region. All emergency services are already on the scene and have begun helping people. All information about the injured is being established. So far, we know of at least 30 victims. Preliminary reports… pic.twitter.com/ZZoWfPmpL5
— Volodymyr Zelenskyy / Володимир Зеленський (@ZelenskyyUa) October 4, 2025
Според информациите, во нападот се повредени околу 30 лица.
‼️Russia attacked the railway station in the Shostka community of Sumy region.
The enemy deliberately struck civilian infrastructure – a passenger train operating on the Shostka-Kyiv route.
Passengers were injured. Rescuers, medics, and all emergency services are working at the… pic.twitter.com/ZpQDd4HFYe
— Anton Gerashchenko (@Gerashchenko_en) October 4, 2025
he moment a Russian Shahed drone struck a passenger train in the Ukrainian city of Shostka was captured on video pic.twitter.com/Cg8I5IOAgk
— NEXTA (@nexta_tv) October 4, 2025
Според вицепремиерот за обнова на Украина, Олексиј Кулеба, Русија двапати ја погодила станицата.
– Првиот удар ја погоди локомотивата на приградскиот воз Терешчинска-Новоград-Северски. Кога започна евакуацијата, непријателот повторно нападна – овој пат погоди ја локомотивата на возот Киев-Шостка – рече тој.
Украинските железници соопштија дека меѓу повредените се и еден благајник и тројца деца.
„Нашиот повреден вработен и патниците (вклучително и тројца деца) добиваат медицинска помош во болниците“, соопштија оттаму.
Свет
(Видео) Бурата Ејми предизвика бројни проблеми: илјадници без струја, откажани летови, затворени железнички линии

Сите осум кралски паркови во Лондон, вклучувајќи ги Хајд Парк и Ричмонд Парк, денеска се затворени поради силни ветрови предизвикани од бурата Ејми. Затворени се сите пешачки и велосипедски патеки, кафулиња и спортски објекти.
Бурата силно го погоди и островот Ирска, каде околу 100.000 домаќинства останаа без струја — 87.000 во Република Ирска и 22.000 во Северна Ирска. Компаниите за струја предупредуваат дека може да поминат неколку денови додека повторно не се нормализира снабдувањето.
И во Шкотска, илјадници луѓе останаа без струја, особено во северните области и на островите. Поправките се во тек, но ќе потраат.
На аеродромот во Даблин, поради бурата, беа откажани и одложени многу летови.
Yesterday sure was wild! Storm Amy and the Atlantic Ocean showing their power against the cliffs on Inis Meáin! 😲🌊💨
📸 IG/ grahambruton
📍 Inis Meáin, Aran Islands#StormAmy #Wild #Inishmaan #InisMeáin #AranIslands #Galway #Ireland #VisitGalway pic.twitter.com/OI75aCER6Q— Visit Galway (@visit_galway) October 4, 2025
Во Северна Ирска е забележан нов рекорд на ветер – до 148 километри на час. Таму е прогласен црвен аларм и луѓето се повикани да останат во засолништа.
Повеќе железнички линии се затворени, а некои училишта во Северна Ирска не работат.
Синоптичарите велат дека најлошите делови од бурата ќе завршат до утре, кога се очекува да се помести кон Скандинавија.
Регион
Трагедија во Хрватска: маж почина од убоди на стршлени додека сечел дрва за огрев

Додека сечел дрва во шума, 54-годишен маж бил нападнат од стршлени. И покрај брзата лекарска интервенција, починал на самото место.
Во Хрватска, во шумско подрачје близу Крижевци, 54-годишен маж бил смртно нападнат од стршлени, соопшти полицијата од Копривничко-крижевечката жупанија.
Вчера, додека сечел дрва за огрев, мажот бил нападнат од стршлени, по што му се слошило, јавува Хина.
И покрај тоа што брзо му била укажана лекарска помош, мажот починал на самото место