Свет
Агенти на ЦИА и МИ6 шверцувале тајни за руски авиони во кесички за чај
 
																								
												
												
											Агенти од МИ6, ЦИА и израелски Мосад со заеднички сили успеале да прошверцуваат тајни руски податоци во кесички за чај, и тоа за време на лет на суперсоничен бомбардер „блекџек“ на пат за Венецуела.
Британските медиуми ја опишуваат приказната за која многумина коментираат дека повеќе личи на некој шпионски роман отколку на вистинска известувачка операција.
Британските и американските шпиони сакале да добијат информација за најновата верзија на рускиот стратешки бомбардер „туполев# ту-60“. Тие стравувале дека овој авион би можел да стане неосвоива цел за нивните пресретнувачки авиони во случај на потенцијален конфликт.
Кога дошле до посакуваните информации, агентите на МИ6, наводно, ги скриле податоците во пакетчиња со руски чај. Кесичките од чај некако успеале да завршат во еден од двата aвиона „ту-160, кои Русија ги испратила во Каракас минатиот декември на вежби со венецуелските воздухопловни сили.

Рускиот екипаж наводно го користел тој чај за време на летот за Венецуела, а потоа кесичката била фрлена. Еден анонимен службеник тврди дека момче ја зело фрлената кесичка додека авионот полнел гориво на аеродром во близина на Каракас и ја предал на агент на ЦИА кој престојувал во блискиот хотел.
Иако немало официјални потврди за оваа операција од ниту една известувачка агенција, британски „Дејли мејл“ тврди дека западните воздухопловни сили користеле информации за да ги приспособат своите пресретнувачи за подобро да се справат со подобрите перформанси на руските авиони.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
 
																	
																															Свет
Европската Комисија: Новите тестови на оружје на Русија не се чекори во вистинската насока
 
														Тестирањето на ракетата „Буревестник“ и торпедото „Посејдон“ од страна на Русија не е чекор во вистинската насока, изјави портпаролката на Комисијата, Анита Хипер.
„Ако тие навистина се нуклеарни, тие би можеле да шират радиоактивни супстанции“, додаде таа.
„Ова уште еднаш покажува дека наместо да избере мир, Русија продолжува со ескалацијата со својата реторика и дејствија“, додаде Хипер.
На прашањето дали овие обиди се закана за Европа, таа одговори дека Русија воопшто е закана за европската безбедност.
На прашањето за најавената намера на американскиот претседател Доналд Трамп да продолжи со нуклеарните тестирања, што не е направено од 1990-тите, таа рече дека досега не е откриен таков обид од страна на САД и дека двете земји не треба да се изедначуваат.
Свет
„Фајненшл тајмс“: По напнат телефонски разговор бил одложен состанокот помеѓу Трамп и Путин
 
														САД го откажаа планираниот самит меѓу претседателот Доналд Трамп и рускиот лидер Владимир Путин поради цврстиот став на Москва за условите околу Украина, објави „Фајненшел тајмс“.
Одлуката уследила по напнат телефонски разговор меѓу американскиот државен секретар Марко Рубио и рускиот министер за надворешни работи Сергеј Лавров, по кој Рубио го информирал Трамп дека Русија не покажува подготвеност за преговори.
Самитот требаше да се одржи во Будимпешта, но Москва инсистирала на барања кои вклучуваат територијални отстапки од Украина, намалување на украинската војска и гаранции дека земјата никогаш нема да се приклучи на НАТО.
Украинскиот претседател Володимир Зеленски порача дека Киев е подготвен за мировни разговори, но нема да ги повлече трупите од дополнително ослободените територии, како што бара Москва
Европа
Автомобил експлодираше во Русија: загина офицер од единицата што го изврши масакрот во Буча
 
														Во експлозија на автомобил во регионот Кемерово во Русија загина рускиот полициски потполковник Венијамин Мажерин, член на единица поврзана со воени злосторства извршени во близина на Киев во 2022 година. Украинската служба за одбрана и разузнавање (ХУР) ја презеде одговорноста за неговото убиство, која објави и видео од запаленото возило.
Според соопштението на ХУР, Мажерин, роден во 1980 година, бил зад воланот кога експлодирало неговото возило. Тој служел во специјалната единица ОМОН „Оберег“, која е дел од Росгвардија (Национална гарда) на Русија за регионот Кемерово.
Разузнавачката агенција вели дека „Оберег“ е една од неколкуте единици на Росгвардија поврзани со злосторства извршени во регионот Киев за време на неуспешната офанзива на Русија врз украинскиот главен град во февруари и март 2022 година.
Во тој период, руските сили окупираа бројни градови и места, вклучувајќи ги Буча, Ирпин и Хостомел, оставајќи зад себе ужасни сцени по нивното повлекување.
Откако руските трупи се повлекоа кон крајот на март и почетокот на април 2022 година, украинските власти и меѓународните набљудувачи документираа докази за систематски воени злосторства против цивили. Според украинската национална полиција и Канцеларијата на високиот комесар на ОН за човекови права, повеќе од 1.000 цивилни тела се пронајдени во регионот на Киев, од кои околу 450 само во Буча.
Украинските и меѓународните истражители известија дека многу од жртвите имале знаци на егзекуции по кратка постапка, тортура и убивање. Телата биле пронајдени со врзани раце, со прострелни рани од блиску и со докази за тешка физичка злоупотреба.
фото: принтскрин


 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											