Свет
Адвокатот на осомничениот полицаец тврди дека Џорџ Флојд не починал од гушење
Адвокат на полицаецот Дерек Човин, кој е осомничен за убиството на Афроамериканецот, Џорџ Флојд, тврди дека жртвата починала од предозирање, а не затоа што полицаецот му клечел врз вратот скоро 10 минути.
Адвокатот Ерик Нелсон поднесе жалба пред судот во која се наведува дека обвинителот не докажал оти Човин е одговорен за убиството и потсетува дека неговиот клиент самиот се изјаснил за невин за сè за што се товари.
Смртта на Флојд предизвика лавина протести ширум светот, а адвокатот сега тврди дека нема докази оти Човин е одговорен за смртта на Флојд и бара да се повлече обвинението.
Во жалбата тој наведува дека обдукцијата покажала оти во телото на Флојд биле пронајдени фентанил и метамфетамин и дека жртвата „најверојатно земала дрога позната како ‘спидбол’, како резултат на што починала“.
Нелсон се осврнал и на наодите од вешатак кој утврдил дека Флојд страдал од атеросклероза и хипертензија, како и други болести на крвните садови. Тој исто така потсети дека е утврдено оти за време на неговата смрт, Флојд бил позитивен на коронавирусот.
„Но, да заокружиме, г-дин Флојд не можел да стане бидејќи во себе имал смртоносна количина на фентанил и најверојатно ‘спидбол’. Ова, во комбинација со неговата болест, довело до смрт. Неговиот потег за организмот бил сличен на ефектот кога ќе запалите фирил на динамит“, заклучува Нелсон во жалбата, а пренесе „Њујорк пост“.
Од друга страна, медицинските експерти ја сметаат смртта на Флојд за убиство. Во делот од извештајот во кој се зборува за причините за смртта се наведува дека настанал срцев удар при примена на сила и компресија врз вратот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Стари книги обложени со отров отстранети од Француската национална библиотека
Властите отстранија четири книги од Француската национална библиотека поради можноста нивните корици да содржат отровен арсен. Имено, некои книги од 19 век, печатени во Британија, имаат смарагдно зелени корици. Арсенот често се користел за боење книги во тоа време.
Научниците од Универзитетот во Делавер во САД ги класифицираа отстранетите томови како потенцијално опасни, но библиотеката вели дека ракувањето со овие книги би предизвикало само мала штета на здравјето. „Ги ставивме во карантин овие дела. Ќе ги анализираме во лабораторија за да можеме да процениме колку арсен е присутен во секој том“, рече портпаролот на Француската национална библиотека, а пренесе Би-би-си.
Списокот на потенцијално опасни книги е составен од „Poison Book Proect“ , иницијатива покрената од научници од Универзитетот во Делавер во соработка со музејот Винтертур во Делавер. Од 2019 година, тимот тестираше стотици корици книги за тешки метали и состави листа на наслови кои се потенцијално опасни.
Издавачите од викторијанската ера користеле арсен за да ги обојат кориците. Светската здравствена организација (СЗО) предупреди на долгорочна изложеност на арсен во водата за пиење и храната, велејќи дека супстанцијата е многу токсична. Сепак, таа не дала никакви упатства за ракување со предмети што го содржат овој отров.
Во 2022 година, библиотекарите во Лидс, Англија открија ретка книга со арсен. Библиотекар ја открил потенцијално отровната книга додека ја споредувал збирката на библиотеката со базата на податоци на проектот „Poison Book“.
Свет
Мигранти плаќале 18.000 евра за превоз преку Ла Манш, биле сексуално експлоатирани
Виетнамска криминална мрежа беше пресечена со акција на полициите на Франција и Англија, со поддршка на Европол.
Оваа група шверцувала мигранти преку Ла Манш и организирала нивна сексуална и трудова експлоатација како и перење пари.
Главниот организатор, идентификуван како десна рака на водачот на оваа банда, го организирал шверцот, додека друг нивни соучесник бил задолжен за собирање пари и организирање на транспортот на мигрантите, кои плаќале од 15.000 до 18.000 евра за превоз преку каналот , соопшти Европол.
На пат од Полска за Франција, некои од мигрантите шверцувале метамфетамин во парискиот регион, снабдувајќи ги азиските групи за шверц на дрога со седиште во областа во замена за намалена цена на патувањето.
Уапсени се 16 членови на оваа група и одземени се разновидна луксузна стока, 100.000 евра во кеш и уште 298.000 евра на банкарски сметки.
Свет
(Видео) Израелски министер доживеа сообраќајка: автомобилот превртен
Автомобилот на министерот за национална безбедност на Израел, Итамар Бен Гвир се превртел при сообраќајна несреќа.
Полицијата соопшти дека во судирот учествувале две возила и дека три лица се пренесени во болница откако биле полесно повредени, додека службениот автомобил на министерот завршил на неговиот покрив.
השר בן גביר היה מעורב בתאונת דרכים סמוך לזירת הפיגוע ברמלה, מצבו קל
(אורלי אלקלעי) @OferHalfonKan pic.twitter.com/iDT6Aq0OIo
— כאן חדשות (@kann_news) April 26, 2024
Од кабинетот на Бен Гвир велат дека министерот е во добра состојба и свесен, но е префрлен на понатамошно лекување во блискиот медицински центар Шамир.
Сликите од местото на настанот покажуваат дека неговото службено возило се превртело, додека друг автомобил бил згмечен напред.
Полицијата соопшти дека ги истражува причините за несреќата.