Свет
Адвокатот на терористот Фејзулаи: Да одеше на бокс наместо во џамија, ќе беше добар боксер

Виенскиот адвокат Николаус Раст, кој во претходното судење го бранел Кујтим Фејзулаи, еден од терористите во синоќешниот напад во Виена изјави, дека тој израснал во сосема нормално семејство, но дека неговата несреќа доаѓа како резултат на тоа што се дружел со погрешни луѓе.
„За мене тој беше тинејџер кој немаше среќа да се дружи со вистински луѓе. Да не одеше во џамија, туку на бокс, ќе станеше добар боксер. Никогаш не би помислил дека ќе стане убиец“, вака Раст го опиша својот поранешен клиент, кој учествуваше во масакарот во Виена во кој загинаа 5 лица.
Раст го бранел Фејзулаи на судењето во април минатата година кога е осуден на затворска казна од 22 месеци за обид да се приклучи на Исламската држава во Сирија. За него се дозна откако мајка му го пријави за исчезнат, по што се дозна дека се обидел да отпатува на боиштата во Сирија.
Адвокатот Раст кажал и дека Фејзулаи како тинејџер редовно одел во една џамија каде се радикализирал и уште го дефинирал како момче без ориентација, кое барало место во животот. За време на неговата затворска казна поминал процес за дерадикализација за која се грижело здружението „Дерад“, специјализирано за тоа. Кон крајот на минатата година стручните лица оцениле дека Фејзулаи повеќе не е опасен и бил пуштен од затвор пред време.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Кина со снимка од 2 минути и 42 секунди му се потсмева на Трамп, тој им одговори „држете се“

Во средата, Трамп претстави дополнителни царини од 34 отсто за сите кинески стоки увезени во САД. Очекувано, Пекинг се огласи и возврати со ист процент, што е реципрочно на царините што им ги наметна Трамп. Од воведувањето на тарифите, медиумите се преплавени со оваа информација, а Кинезите решија да направат шега.
Кинеските државни медиуми масовно објавуваат видеа создадени од вештачка интелигенција на интернет, на кои се прикажани танцувачки роботи и исплашени потрошувачи . На овој начин тие го исмеваат Трамп за воведувањето царини, поради што инфлацијата би можела уште повеќе да се зголеми за Американците.
– На денот на ослободувањето, ти ни вети ѕвезди. Но, вие ги убивте нашите евтини кинески автомобили со тарифи – пее женски роботски глас во видеото објавено на веб-страницата на кинеската државна телевизија CGTN на англиски јазик.
For many Americans, "Liberation Day," hailed by Trump's administration, means shrinking paychecks and rising costs. Tariffs hit, wallets quit: low-income families take the hardest blow. As the market holds its breath, the toll is already undeniable. #LiberationDay #CGTNOpinion pic.twitter.com/RzXFFVHoFg
— CGTN (@CGTNOfficial) April 3, 2025
Има и жена која седи на масата и гледа во празна вилушка. Видеото кое трае речиси три минути е придружено со предупредување: „Песната е создадена од вештачка интелигенција. Должничка криза? 100 отсто човечка креација“.
Трамп: Држете се, нема да биде лесно
Доналд Трамп на социјалната мрежа „Truth“ изјави дека Кина е погодена многу посилно од САД и дека Америка повеќе не е „вреќа за бокс“.
– Кина е погодена многу посилно од САД, ниту блиску. Тие, и многу други народи, неодржливо лошо се однесуваа со нас. Бевме глупава и беспомошна „вреќа за боксирање“, но не повеќе. Ги враќаме работните места како никогаш досега. Повеќе од пет милијарди долари инвестиции веќе, и тоа брзо расте! Ова е економска револуција и ние ќе победиме. Држете се, нема да биде лесно, но крајниот резултат ќе биде историски. Ќе ја направиме Америка повторно голема! – напиша Трамп.
Свет
Повеќе од 10 рачни бомби биле пронајдени во ранецот на 15-годишно момче во Maлме

Шведската полиција пронашла повеќе од 10 рачни гранати во ранецот на неименуван 15-годишник во Малме, кој бил уапсен заедно со уште две возрасни лица, објави денеска Афтонбладет.
По откривањето на бомбите во петокот околу 18 часот, полицијата опколи голем дел од областа Вастра Хамнен и ги предупреди жителите да не излегуваат на своите балкони.
Националниот одред за бомби ги демонтирал рачните бомби, а околу 22 ч. полицијата соопшти дека веќе нема никаква опасност за јавноста.
Освен 15-годишникот, уапсени се уште две лица на возраст меѓу 20 и 25 години.
Свет
(Видео) Страшна борба меѓу крузер и огромни бранови: патниците од силината на ударите паднале на подот

Одењето на крстарење околу Кејп Хорн во Јужна Америка изгледало како идеална можност за одмор за повеќе од 135 туристи. Тие се впуштија во голема авантура на бродот „Ocean Explorer“ од компанијата Quark Expeditions.
Меѓутоа, патниците ги пречекало невреме и бранови високи 11 метри, за време на патувањето низ познатиот премин Дрејк, пишува Daily Mail.
Познатата блогерка Лесли Ен Марфи снимила застрашувачки снимки од брод кој минува низ огромни бранови.
Таа проценува дека биле високи меѓу 10 и 11 метри, а на видеото се гледа како тие поминуваат преку палубата и удираат во прозорците на бродот.
На видеото, кое беше објавено на Инстаграм , се гледаат неколку патници згрчени во близина на големите прозорци додека брановите немилосрдно удираат.
Во исто време кога пенестата бела вода удрила врз луксузниот брод, предизвикувајќи тој да се ниша лево-десно, луѓето изгубиле рамнотежа и паднале.
Во еден кадар, група патници трчаат од страна на страна додека крстаречкиот брод се ниша во силните струи.
„Горд сум што можам да кажам дека не преживеавме еден, туку двајца шеици Дрејк! За контекст, преминот Дрејк е водното тело помеѓу врвот на Аргентина и Антарктикот “, објасни блогерката, додавајќи „познато е по екстремно бурните води. Ако имате среќа, ќе го добиете Дрејк Лејк. Ако сте како нас, ќе го добиете Дрејк Шејк со бранови од 11 метри“.