Свет
Азербејџан собори ерменски дрон

Азербејџан собори ерменско беспилотно летало (АВ), објави Министерството за одбрана на земјата рано утрово, пренесува „Анадолија“. Беспилотното летало било соборено во неделата вечерта додека вршело разузнавачка активност над азербејџанската територија, се вели во соопштението на Министерството.
Во соопштението не се дадени информации за тоа каде е соборен дронот иако објавите на социјалните мрежи тврдат дека тоа се случило во провинцијата Шамкир, во западен Азербејџан. Ова не е прв дрон уништен од азербејџанските сили откако ескалираа тензиите меѓу двете земји во јули.
Ерменската армија го прекрши примирјето на 12 јули и ги нападна азербејџанските позиции со артилериски оган, повлекувајќи се по претрпените загуби по одмаздата од азербејџанската армија. Ерменија во нападот уби 12 азербејџански војници, вклучително и високи офицери и рани четири војници.
И покрај меѓународните повици за воздржаност, ерменските трупи отворија оган врз цивилните населби во селата Агдам и Дондар Куску. Во нападите загина 76-годишен азербејџански државјанин, а Баку ја обвини Ерменија дека ги крие загубите.
Азербејџан ја обвини Ерменија за провокации, а Турција застана зад Баку и го предупреди Ереван дека нема да се двоуми да се спротивстави на секаков вид напад врз нејзиниот источен сосед.
Од 1991 година, ерменската војска незаконски го окупираше Нагорно-Карабах, меѓународно призната територија на Азербејџан.
Четири резолуции на Советот за безбедност на ОН и две одлуки на Генералното собрание на ОН, како и одлуки на многу меѓународни организации се однесуваат на овој факт и бараат повлекување на професионалните ерменски сили од Горно Карабах и седум други окупирани региони на Азербејџан.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Факели и емоции: „Цесарица“ одекнуваше на фериботот кон Корчула

Три и пол часа по тргнувањето од Сплит, атмосферата на фериботот кон Корчула не стивнуваше. Следеа хитовите на Оливер, а кога бендот ја отпеа „Цесарица“, беа запалени и факели, објави Индекс.хр.
Погледнете ја атмосферата и запалените факели за време на настапот со „Цесарица“:
Регион
Грција бара помош за справување со големите пожари

За активните пожари на неколку различни локации низ целата земја, Грција побара помош од Европскиот механизам за цивилна заштита, со цел да се испратат шест авиони.
Од попладнево, грчките пожарникари водат битка во источниот дел на областа Атика, поширокиот регион на Атина, во северна Грција, на островите Евија и Китира, како и во јужниот дел на Пелопонез, од бројот 112 за итни случаи беа испратени низа пораки за превентивна евакуација до жителите на зафатените области.
Портпаролот на противпожарната служба информираше дека во сите пожари интервенираат голем број пожарникари заедно со копнени и воздушни средства, но и дека во деловите каде што се пожарите е пријавена штета, чија процена ќе се направи кога ќе заврши гаснењето.
– Сите пожари што избувнуваат овие денови, а особено денеска, брзо се шират, стануваат опасни, а се очекува овие услови да преовладуваат и во наредните денови. Поради оваа причина, нашата земја побара помош од Европскиот механизам за цивилна заштита, со цел да ни обезбеди шест авиони, рече Василис Ватракојанис.
Свет
Поради гладување 90.000 жени и деца итно имаат потреба од медицинска интервенција во Газа

Секој трет жител на Појасот Газа со денови не добива храна, предупреди Светската програма за храна (WFP) на Обединетите нации. Во последното соопштение се наведува дека 90.000 жени и деца итно имаат потреба од медицинска интервенција поради тешка неухранетост.
Според Министерството за здравство во Газа, само вчера починале уште девет лица од глад, со што бројот на жртви од неухранетост од почетокот на конфликтот достигна 122.
Израел, кој го контролира влезот на сите залихи во Газа, повторува дека не постои блокада и ја обвинува Хамас за лошата распределба на ресурсите.
Меѓународната заедница, вклучувајќи ги Германија, Франција и Велика Британија, побара итно олеснување на влезот на помошта, а генералниот секретар на ОН Антонио Гутереш остро ја осуди „рамнодушноста и недостигот на човечност“ во глобалниот одговор на кризата.