Свет
Азискa банда во Ротерхам силувала тинејџерки зашто биле лесна цел

Осум мажи со јужноазиско потекло од Ротерам, северна Англија, сексуално злоупотребувале пет девојчиња бидејќи биле „лесна цел и имале потреба од љубов”, изјави во вторникот обвинителката Мишел Колборн, пренесува „Брејбарт“. Осумтемина мажи, од кои повеќето се од Јужен Јоркшир, се обвинети за десетици кривични дела меѓу кои силување, непристоен напад, лажно затворање и киднапирање дете.
Петте тужителки, кои сега се жени во триесеттите години, тврдат дека злоупотребата се случила помеѓу 1998 и 2005 година. Сите обвинети ги негираат обвиненијата.
Колборн го отвори случајот пред поротата во вторникот наутро, наведувајќи дека тинејџерките биле „лесна цел” на постарите мажи бидејќи доаѓале од нестабилни домашни средини и биле привлечени од возбудливото пријателство со постари азиски момчиња, пишува за Би-би-си.
Според сведочењата пред судот во Шефилд, на девојките наводно им биле дадени дрога и алкохол и биле сексуално малтретирани пред да бидат предадени на други мажи во градот.
Во еден случај на злоупотреба, една од тужителките, која тогаш имала помалку од 16 години, била однесен во Шервудската шума, била дрогирана и групно силувана во периодот меѓу август 2002 и август 2003 година. Како резултат на наводната злоупотреба девојката забременила, а нејзините родители ја принудиле да абортира.
Судењето продолжува и се очекува да трае шест недели.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Џими Кимел се враќа на екранот

Американскиот водител Џими Кимел утре се враќа на екранот со својот популарен ноќен шоу-програм, откако продукцијата беше привремено стопирана поради неговите контроверзни коментари за убиството на Чарли Кирк, соопшти Дизни.
„Емисјата ја суспендиравме за да избегнеме дополнителни тензии во чувствителен момент за земјата“, порачаа од компанијата, додавајќи дека по разговори со Кимел, одлучиле да продолжат со снимањето.
Кимел, познат по својата критика кон Доналд Трамп, на 14 септември коментираше дека осомничениот напаѓач, Тајлер Робинсон, бил поддржувач на поранешниот претседател. Тој ја исмеа и реакцијата на Трамп по убиството на Кирк, прикажувајќи изјава во која претседателот зборува за реновирање на Белата куќа.
„Ова не е начин на кој возрасен човек тагува по убиство на пријател. Вака четиригодишно дете тагува за златна рипка“, саркастично додаде Кимел.
Емисјата на Кимел се емитува на „Еј-би-си“, телевизија во сопственост на Дизни.
Свет
Франција ја призна Палестина

Францускиот претседател Емануел Макрон вечерва на Генералното собрание на ОН потврди дека Франција ја признава Палестина како независна држава.
Со ова, Франција се приклучува на земји како Обединетото Кралство, Канада и Австралија, кои го направија истиот чекор во последните недели.
„Светот е на чекор до губење на шансата за мир. Време е да се стави крај на војната во Газа“, порача Макрон, додавајќи дека решението со две држави е единствен пат.
Израел остро реагираше, оценувајќи дека признавањето е награда за тероризмот и повтори дека палестинска држава нема да се случи.
Палестинските власти го поздравија чекорот и го оценија како неповратен пат кон дводржавно решение.
Со Франција, вкупно 153 земји-членки на ОН – речиси 80 отсто ја имаат признато Палестина.
Во меѓувреме, Израелската офанзива продолжува. Според здравствени власти во Газа, во последните 24 часа загинале 61 лице, со што вкупната бројка од 7 октомври 2023 достигнува 65.344 загинати.
Свет
Голем напад со беспилотни летала врз Москва, небото е затворено

Москва вечерва беше нападната со беспилотни летала.
Градоначалникот на Москва, Сергеј Собјанин, објави дека противвоздушните сили собориле вкупно девет дронови , а подоцна уште два. Жителите на Московскиот регион слушнале експлозии на пристапот кон градот, а според првите информации што ги објавија руските медиуми, нема повредени или голема материјална штета.
Многу откажани и одложени летови
Повеќе од 35 летови беа откажани и одложени на московските аеродроми Шереметјево, Домодедово и Внуково во вечерните часови поради украински напади со беспилотни летала. Работата на аеродромот Шереметјево беше привремено суспендирана.
„До 20:19 часот по московско време, 21 лет беше одложен, а уште еден откажан во Шереметјево. Девет одложувања и две откажувања беа регистрирани во Домодедово, а четири летови беа одложени во Внуково“, објавуваат руските медиуми.
Руските медиуми наведуваат дека по нападот, тајната служба на ФСБ и Истражниот комитет ќе спроведат истрага и дека се очекува кривична постапка за тероризам. Оперативните служби на терен ги проверуваат остатоците од беспилотните летала и проверуваат дали предизвикале дополнителна штета.