Свет
Актерот Били Кристал го загуби домот во пожарот: Секоја педа од нашата куќа беше исполнета со љубов
Пожари го зафатија Лос Анџелес, а многумина ги загубија своите домови, меѓу кои и холивудските актери. Еден од нив е 76-годишниот актер Били Кристал, чиј дом вреден повеќе од 9 милиони долари, во кој живее од 1979 година, го зафати пожар.
Кристал и неговата сопруга Џенис потврдија за Си-ен-ен дека останале без покрив над главата во Пацифик Палисадес, елитен дел од Лос Анџелес, кој гори. Актерот и неговата сопруга живеат во куќата 46 години, а во изјавата го изразуваат своето жалење за загубата на домот, но и загриженоста за пожарот, кој уништува сѐ што ќе му се најде на патот.
„Нашите срца се скршени“
„Зборовите не може да го опишат огромниот пустош на кој сме сведоци и што го доживуваме. Жалиме со нашите пријатели и соседи, кои исто така ги загубија своите домови и бизниси во оваа трагедија. Џенис и јас живееме во нашиот дом од 1979 година. Ги одгледавме нашите деца и внуците овде“.
„Секоја педа од нашата куќа беше исполнета со љубов. Нашите срца се скршени, се разбира, но со љубовта на нашите деца и пријателите ќе поминеме преку ова. Се молиме за безбедноста на пожарникарите и одговорните за итни случаи. Пацифик Палисадес е отпорна заедница на неверојатни луѓе и знаеме дека со текот на времето повторно ќе се издигне нашиот дом“, рече тој.
Неговиот дом се простира на 6.793 квадратни метри, имаше четири спални соби и шест бањи, а вредноста на куќата беше проценета на 9,19 милиони долари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Комбе излета од автопат во Србија: едно дете загина, седум се повредени
Едно дете загина, а седум други се повредени, како и возачот на комбе, во тешка сообраќајна несреќа што се случи околу 3:30 часот наутро на автопатот Нови Сад-Белград, објавија регионалните медиуми во среда.
Детето родено во 2009 година почина на местото на настанот од повредите здобиени во несреќата, објави Радио телевизија Србија (РТС).
Седум други деца, родени помеѓу 2009 и 2012 година, се здобиле со тешки повреди и се пренесени во Детската болница во Нови Сад.
Возачот, исто така, е тешко повреден
Возачот на комбето, маж роден во 1982 година, исто така е тешко повреден и е пренесен во Ургентниот центар на Клиничкиот центар на Војводина.
Несреќата се случила кога комбето во кое се превезувале децата излетало од патот, пробило ограда и паднало во канал, објави Радио телевизија Војводина (РТВ).
фото: архива
Свет
(Фото) Трамп доби златна круна во Јужна Кореја
На претседателот на САД, Доналд Трамп, денес во Националниот музеј во Гјонгџу му беше врачен Големиот орден на Мугунгва и златна круна на кралството Сила од страна на јужнокорејскиот претседател Ли Џае-Мјунг.
Претседателот Трамп доби реплика од историската златна круна во Јужна Кореја, најновиот во низата импресивни подароци што ги добил за време на неговата посета на Азија.

Трамп рече дека подарокот е „многу посебен“.
Симбол на света власт и апсолутна моќ
Репликата е базирана на златната круна на древното кралство Сила, кое го симболизирало „светата власт и апсолутната моќ“ на кралевите и владејачката класа, според Националниот музеј на Кореја.

Златните круни од кралството Сила прикажуваат дрво со гранки што се шират нагоре, за кое музејот вели дека „значи небесен мандат на кралот“.
фото: принтскрин
Свет
Во Холандија почнаа парламентарните избори
Во Холандија утрово почнаа парламентарните избори, избирачките места се отворија во 7:30 часот и ќе бидат отворени до 21:00, по што ќе започне пребројувањето на гласовите и објавувањето на првите резултати, јави холандскиот јавен сервис „НОС“.
Право на глас имаат околу 13,5 милиони граѓани, а гласањето се одвива на 27 партии со 1.166 кандидати за 150 пратенички места.
Некои избирачки места беа отворени уште од полноќ. На поголемите железнички станици има и мобилни пунктови за гласање.
Анкетите покажуваат дека трката е исклучително тесна, а крајнодесничарската Партија за слобода (PVV) на Герт Вилдерс има шанса за силен резултат, иако повеќето партии не сакаат коалиција со него. Поддршка имаат и левите и десноцентристичките партии.
По распадот на претходната четирипартиска влада, парламентот брои дури 15 партии, па аналитичарите предупредуваат дека формирањето нова влада може да трае со месеци.

