Свет
Активистка почна војна на Твитер откако рече дека Исус бил Палестинец
Активистката Линда Сарсур поттикна маратонска интернет-дебата за националноста и бојата на кожата на Исус откако изјави дека принцот на мирот треба да се смета за Палестинец, пренесува РТ. Многумина не ја прифатија љубезно сугестијата.
Контроверзната палестинско-американска активистка поттикна бура на социјалните мрежи овој викенд со изјава дека „Исус бил Палестинец од Назарет и е опишан во Куранот со темен, кафеникаво-бакарен тен со кадрава коса”.
Набрзо Твитер зовре од илјадниците реакции во кои многумина ја осудија забелешката на Сарсур како игнорантска. Некои тврдеа дека Сарсур го брише еврејскиот идентитет на Исус и ја ревидира историјата за сопствените политизирани цели, додека други тврдеа дека регионот имал поинакво име во периодот кога Исус бил роден, па затоа не би бил сметан за Палестинец.
„Исус беше Јудеец. Можеби бил од земја која се смета за Палестина, но тој не бил Палестинец бидејќи Палестина не беше името на земјатаво тоа време”, одговори еден корисник.
Јаир Нетанјаху, син на израелскиот премиер, исто така се обиде да го оспори тврдењето на Сарсур, но беше многу помалку љубезен во своето несогласување.
„Дали си глупава? На крстот над главата на Исус стои знакот ИНРИ – Iesvs Nazarenvs Rex Ivdaeorvm, што на латински значи ‘Исус од Назарет, крал на Евреите!’ Библијата вели дека Исус е роден и израснат во Јудеја!”, пишува тој.
Сарсур им одговори на противниците посочувајќи дека Палестинците се националност, а не религија, па кога некој вели дека Исус е роден во денешна Палестина не негира дека е Евреин.
Таа подоцна го ревидира Христовото родно место од Назарет во Витлеем, за кој вели дека денес е под брутална воена окупација и додаде:
„Исус бил Евреин. Исус бил Семит. Исус не бил бел, русокос како на сликите што ги гледаме денес. Тој бил со темен тен.”
Сепак, критичарите беа неуморни.
На крајот, Сарсур одлучи дека можеби дебатата претставува поголем проблем отколку што вреди, нагло објавувајќи крај на „разговорот за Исус”.
Сарсур беше главен организатор на Маршот за жените во 2017 година во Вашингтон и е поранешна директорка на Арапската асоцијација на Њујорк, но е контроверзна личност кај некои конзервативци кои велат дека имала врски со групи кои проповедаат антисемитизам и поддршка за Шеријатскиот закон.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Силен ветер ја урна репликата на Статуата на слободата во Бразил
Реплика на Статуата на слободата во градот Гваиба во јужен Бразил се урна во понеделникот поради силни ветрови.
Градоначалникот на Гваиба, Марсело Мараната, објави дека нема повредени во инцидентот.
In Brazil, a strong wind toppled the Statue of Liberty – the moment of the collapse was captured on video. Fortunately, no one was injured. However, the 25-meter replica of the American sculpture was severely damaged. Workers are currently dismantling the monument. pic.twitter.com/rOrSSibwOz
— Farnak (@Farnakyboy) December 16, 2025
Тој изјави дека градските служби, во соработка со членовите на државната цивилна заштита, веднаш го обезбедиле подрачјето и ги спровеле потребните истраги.
Бразилската агенција за цивилна заштита објави дека налетите на ветерот надминале 90 километри на час, додека предупредувањата се на сила низ целиот регион поради неповолни временски услови.
Фото: депозитфотос
Регион
Самит ЕУ-Западен Балкан без Србија: Вучиќ вели дека никој нема да оди во Брисел
Српскиот претседател Александар Вучиќ изјави дека нема да оди во Брисел на Самитот ЕУ-Западен Балкан, односно дека Србија нема да има свој претставник.
„За прв пат во последните 13 или 14 години, ниту јас ниту некој друг нема да одиме на таа меѓувладина конференција. Никој нема да ја претставува Република Србија, па затоа Западниот Балкан ќе биде без Република Србија“, изјави претседателот за РТС.
Тој изјави дека донел таква одлука за да не биде обвинет никој друг и дека Владата нема да трпи никаков притисок.
Тој рече дека во претходните 24 часа разговарал со голем број европски лидери.
„Искрено сум благодарен за почитта што Урсула фон дер Лајен и Антонио Кошта ја покажаа кон Србија. Исто така, сум благодарен и на претседателот Макрон, со кого разговарав синоќа. Сметам дека сè што правам, го правам за граѓаните на Србија. Без оглед на тоа што знам дека оваа одлука ќе предизвика критики, и во Брисел и од оние кои секогаш критикуваат, дури и кога не знаат точно што критикуваат. Верувам дека со ова ја штитам Република Србија и нејзините интереси, бидејќи мора да покажеме што сме направиле“, рече Вучиќ.
Тој повтори дека Србија ќе го продолжи својот европски пат додека тој е претседател, а потоа, како што рече, ќе видиме, пренесува РТС.
Фото: депозитфотос
Свет
Сијарто предупредува: На економијата на ЕУ ѝ се заканува колапс во случај на конфискација на руски средства
Конфискацијата на замрзнатите руски резерви може да предизвика колапс на економијата на Европската Унија, изјави унгарскиот министер за надворешни работи Петер Сијарто.
„Руската национална банка ja чува својата имовина и средства во Белгија.
Сосема е очигледно дека ако ЕУ ги конфискува своите резерви, глобалната доверба во белгискиот пазар ќе исчезне, а преку него и целиот финансиски пазар на ЕУ.
Ако довербата во европската инвестициска средина исчезне, тоа може да доведе до колапс на европската економија“, рече тој во програмата „Час Правде“.
Рускиот претседател Владимир Путин и унгарскиот премиер Виктор Орбан претходно потврдија за време на разговорите дека таков чекор од Брисел нема да помине без одговор од Москва.
Ова ќе зависи од ставот на поединечните земји во Европската Унија, истакна Сијарто.
„Конфискацијата на руски државен имот е една од најсериозните ескалации на ризикот во последните четири години, а запленувањето на резервите од страна на ЕУ е решение кое се заканува со ескалација на војната“, нагласи дипломатот.
И покрај фактот дека се чини дека дипломатското решение за украинската криза се приближува, Европејците всушност се обидуваат да ја продолжат и влошат војната со целосно непотребно присвојување на руски средства, резимираше тој.
На 12 декември, Советот на Европската Унија усвои одлука за трајно замрзнување на суверените руски средства, пренесува Спутник.
Европската комисија се надева дека на самитот на 18 и 19 декември ќе обезбеди одлука од земјите на ЕУ за експропријација на 210 милијарди евра руски средства, од кои 185 милијарди евра се блокирани на платформата „Јуроклир“ во Белгија.
Фото: депозитфотос

