Свет
Алија Ганем: Бин Ладен беше добро момче, луѓето на универзитетот го променија
![](https://makfax.com.mk/wp-content/uploads/2018/08/38262106_10213093581514245_1833862434511650816_n.jpg)
Мајка на Осама Бин Ладен првпат по седумнаесет години од терористичкиот напад на трговскиот центар во Њујорк проговори за британски „Гардијан“.
Во интервјуто Алија Ганем вели „Осама беше сакан, меѓутоа тој некако го изгуби својот пат“.
Ганем додава дека нејзиниот син бил добро момче и се радикализирал на универзитет.
„Тој беше многу добро момче сè додека не запозна некои луѓе кои во почетокот на неговите 20-ти години успеаја да влијаат на неговото мислење. Јас секогаш му велев дека треба да се тргне од тие луѓе. Исто така тој никогаш не ми кажуваше што работи бидејќи многу ме сакаше и почитуваше“, изјави мајката на Бин Ладен, Алија Ганем, во интервју за британски „Гардијан“.
Таа исто така покажа и фотографии од нејзиниот сопруг Ал-Атас, кој, како што рече, ги одгледал и подеднакво се грижел за сите три сина, истакнувајќи дека и нејзиниот сопруг бил добар човек.
Ганем раскажува, „мојот сопруг беше добар и кон Осама, а тој ми беше дете од мојот прв брак“.
Според неа, Осама станал побожен во раните дваесетти години, додека студирал економија на Универзитетот „Кинг Абдулазиз“ во Џеда, каде што и станал радикален.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Марк Руте и официјално нов генерален секретар на НАТО, Столтенберг заминува од чело на Алијансата по 10 години
![](https://makfax.com.mk/wp-content/uploads/2017/05/mark-rute.jpg)
Холандскиот премиер во заминување Марк Руте е избран за нов генерален секретар на НАТО.
Северноатлантскиот совет одлучи во средата на 26 јуни 2024 година да го назначи холандскиот премиер Марк Руте за следен генерален секретар на НАТО, наследувајќи го Јенс Столтенберг.
Руте ќе ги преземе своите должности како генерален секретар од 1 октомври 2024 година, кога му истекува мандатот на Столтенберг по десет години на чело на Алијансата.
По одобрувањето на Унгарија и Словачка, Романија ја потврди својата поддршка за Руте минатата недела, при што романскиот претседател Клаус Јоханис ја повлече својата кандидатура за највисокото место во НАТО.
Рута во критичен момент ќе го преземе водството во НАТО алијансата. Неговиот мандат ќе започне нешто повеќе од еден месец пред изборите во САД, кои ќе ја обликуваат судбината на воената алијанса.
Поранешниот американски претседател Доналд Трамп, актуелен републикански кандидат, вети дека ќе остане во НАТО, но се закани дека ќе ја прекине американската помош за Украина доколку биде реизбран.
Марк Руте е роден на 14 февруари 1967 година и тој е холандски политичар кој беше премиер на Холандија од 2010 година. Руте е голем поддржувач на Украина.
Регион
Полиција во училиште во Чачак: таткото незадоволен од успехот на ќерката и се заканувал на професорката
![](https://makfax.com.mk/wp-content/uploads/2024/04/Policija-Srbija.jpg)
Во Основното училиште „Драгиша Мишовиќ“ дошло до инцидент кога, според соопштението добиено од оваа образовна институција, родителот на еден од учениците незадоволен од оценките на своето дете влегол во конфликт со наставникот.
„На закажаното интервју со директорката дојдоа родителите на ученичката која поради три недоволни оценки беше упатена да го повтори 6-то одделение. Пред разговорот со директорот, наставникот имал непријатна средба со нејзиниот татко. За време на разговорот во директорската канцеларија, на кој присуствуваа помошникот директор и секретарката, родителите беа многу незадоволни од одлуката на Одделенскиот совет и побараа истата да се повтори за ученичката да добие уште една доволна оценка за таа не мора да го повторува класот“ – се наведува во соопштението на училиштето.
Понатаму додаваат дека разговорот бил многу тежок, бидејќи таткото барал апсолутно внимание додека зборувал и, според него, го „аргументирал“ барањето.
– Таткото продолжи со својот монолог и на сите разумни објаснувања и аргументи дека е незаконско и беспредметно да се повторува Советот на одделението, реагираше со емотивна патетика во однос на односот родител-дете. Незадоволен од ваквото објаснување и од тоа што не смее да зборува сам, тој демонстративно ја напушти средбата. Поради елементи на закани кои биле забележани и од други присутни колеги, била повикана полиција која дошла откако родителот го напуштил училишниот простор“ пренесува „Рину“.
По овој инцидент, кој бил пријавен во полиција, училиштето одржало состанок на Тимот за заштита од дискриминација, насилство, злоупотреба и занемарување. Одржани биле и состаноци на Училишниот сојуз и Училишниот одбор на кои биле донесени одлуки и мерки кои ќе се следат во иднина. За сите мерки биле известени управните органи на училиштето, Синдикатот и Управата на училиштето.
Свет
Брачен пар од САД посвоил пет деца: Ги чувале во штала, ги терале да работат како робови
![](https://makfax.com.mk/wp-content/uploads/2024/06/bb74db9b-76fa-4290-8a78-a859d069f091.jpg)
Доналд Реј Ланц (63) и Џин Кеј Вајтфедер (62) од Западна Вирџинија се обвинети за занемарување на деца. Тие, наводно, ги принудувале своите посвоени деца да работат како робови и да живеат во штала. Тие беа уапсени во октомври минатата година, откако беше откриено дека пет посвоени деца на возраст од 6, 9, 11, 14 и 16 години живеат во лоши услови.
Полицијата ја повикале соседите загрижени за благосостојбата на малолетниците.
Соседите пријавиле дека децата биле принудени да вршат земјоделски работи и не им било дозволено да влезат во куќата, се наведува во обвинението. При интервенцијата полицијата во плевната затекнала 14-годишно и 16-годишно девојче. Внатре немало светлина или проточна вода. Еден од тинејџерите во полиција изјавил дека последен пат јаделе пред 12 часа и дека биле принудени да спијат на бетонот.
Ланц и Вајтфедер вчера пред судот се изјаснија за невини по повеќе обвиненија, вклучително и трговија со деца, детски труд и занемарување на децата, објави локалниот медиум „Метро Њуз“. Судијката Мериклер Акерс рече дека децата „во основа биле користени како робови“.
Тие, исто така, се соочуваат со обвиненија за кршење на човековите права, за конкретно таргетирање црни деца и принудување на работа поради нивната раса, објави „Метро Њуз“. Нивната кауција е одредена на 500 илјади долари.