Свет
Алијев: Азербејџанската армија ослободи уште 13 села од ерменска окупација

Претседателот на Азербејџан, Илхам Алијев, соопшти дека азербејџанската Армија ослободила уште 13 села на округот Џебраил од окупацијата на Ерменија, пренесува „Анадолија“.
Во изјавата објавена на неговиот профил на Твитер, Алијев наведе дека ерменската армија започнала силен артилериски оган врз азербејџанските цивилни населби и позиции, со што го прекршила привремениот хуманитарен прекин на огнот, што стапи на сила на 18 октомври.
„Вооружените сили на Ерменија бесрамно го прекршија договорениот хуманитарен режим на прекин на огнот и заклучно со 00:02 часот на 18 октомври, користеа тешка артилерија за да пукаат во станбените области и кон борбените позиции на Азербејџан“, напиша Алијев.
Истакнувајќи дека во нападот имало загинати и повредени, Алијев рече дека азербејџанската Армија возвратила на нападот и дека неколку населени места ги ослободила од окупацијата.
В результате этих грязных действий есть погибшие и раненые. Азербайджанская армия, дав врагу достойный ответ, освободила от оккупации несколько населенных пунктов.
— Ilham Aliyev (@presidentaz) October 19, 2020
Алијев во објавата, исто така, напиша: „Селата Солтанли, Емирварли, Хасанли, Аликејханли, Кумлак, Хаџили, Гојерчинвесели, Нијазѓулар, Кечел Мемедли, Шахвели, Хаџи Исмаијили и Исакли од азербејџанскиот округ Џебраил се ослободени од окупацијата. Карабах е на Азербејџан.“
Прекинот на огнот – втор по непријателствата околу Нагорно Карабах кои почнаа на 27 септември – беше објавен во саботата и стапи на сила на полноќ.
Договорот меѓу Баку и Ереван беше постигнат откако претходниот хуманитарен прекин на огнот од 10 октомври – со цел да се овозможи размена на затвореници и враќање на мртвите тела – беше прекршен неколку часа подоцна со напади на ерменските ракети врз азербејџанскиот град Гања, во кои загинаа 10 лица и беа повредени 35.
Односите меѓу двете поранешни советски републики се напнати од 1991 година кога ерменската војска го окупираше Нагорно Карабах, меѓународно призната територија на Азербејџан. Околу 20 отсто од територијата на Азербејџан е под нелегална ерменска окупација речиси три децении.
Групата Минск на ОБСЕ – ко-претседавана од Франција, Русија и САД – беше формирана во 1992 година за да се најде мирно решение за конфликтот, но без резултат. Меѓутоа, во 1994 година беше договорено примирје. Повеќе резолуции на ОН како и меѓународните организации бараат повлекување на окупаторските сили.
Светските сили вклучително Русија, Франција и САД повикаа на нов прекин на огнот. Во меѓувреме, Турција го поддржа правото на Баку за самоодбрана и побара повлекување на силите на Ерменија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Сомнителни остатоци од летало пронајдени во Полска

Полските власти истражуваат остатоци од објект што личи на дрон, пронајден на околу 100 километри од главниот град Варшава.
Тоа е последниот сомнителен објект што влегол во воздушниот простор на НАТО, по серијата упади од Русија.
– Единицата на Воената полиција во Варшава, под надзор на обвинителот на Одделот за воени работи на Окружното обвинителство, спроведува активности на местото каде што е пронајден неидентификуван воздушен објект – објави Воената полиција во објава на мрежата X.
Mazowiecki Oddział Żandarmerii Wojskowej w Warszawie, pod nadzorem prokuratora z Działu do Spraw Wojskowych Prokuratury Rejonowej Warszawa-Ursynów, prowadzi czynności na miejscu odnalezienia niezidentyfikowanego obiektu powietrznego w miejscowości Zaręby Warchoły, pow. ostrowski. pic.twitter.com/P4Raz8Lehn
— Żandarmeria Wojskowa (@Zandarmeria) October 4, 2025
Тие, исто така, ја повикаа јавноста веднаш да пријавува какви било слични неидентификувани објекти.
Полска е во состојба на зголемена готовност поради упадот на руски беспилотни летала во нејзиниот воздушен простор во септември.
Свет
(Фото) 1.000 луѓе заробени на Монт Еверест поради снежна бура

Неколку спасувачки екипи учествуваат во операцијата за расчистување на патиштата од снегот на источниот дел од Монт Еверест во Тибет, каде што речиси 1.000 луѓе беа заробени поради снежната бура. Според кинеските медиуми, снежната бура ги блокирала патеките.
Во акцијата учествуваат и мештани, а висината на која се наоѓаат заробените луѓе на Монт Еверест е поголема од 4.900 метри.
Неколку планинари беа успешно спуштени на безбедно место.
🚨 BREAKING: Blizzard traps nearly 1,000 people on Mount Everest’s east slope
A sudden whiteout hit the Everest east slope camp in Tibet, 4,900 meters up.
Tents crushed. Paths buried. Temperatures plummeting.Rescuers say hundreds are trapped across several camps, some showing… pic.twitter.com/nTmPS04qnK
— JJBOOM (@JordyHalo80) October 5, 2025
Еден од планинарите кој успеал да избега непосредно пред почетокот на бурата, изјавил дека „снегот паѓал без престан и достигнал повеќе од еден метар“.
Снегот почнал да паѓа во петокот навечер и продолжил вчера цел ден.
Продажбата на билети и влезот во туристичката зона на Монт Еверест биле прекинати од страна на локалната туристичка агенција, која информираше за затворањето на туристичките патеки заради ризикот од понатамошно влошување на временските услови.
Свет
Во Еквадор е воведена вонредна состојба, немирите ескалираа на улиците

Еквадорскиот претседател, Даниел Нобоа, прогласи вонредна состојба во десет од 24 провинции во земјата поради внатрешни немири предизвикани од протестите на заедницата на староседелци поради зголемувањето на цените на дизелот, јавуваат денеска медиумите.
Како што се наведува во декретот на Нобоа, овие протести станале насилни, па вонредната состојба била воведена со цел да се избегне нивната понатамошна радикализација, пренесува агенцијата Ефе.
Тој додаде дека за време на насилните демонстрации, припадниците на полицијата и војската биле нападнати, а некои од нив биле киднапирани и физички малтретирани.
Нобоа забрани јавно собирање во десет провинции, додавајќи дека мирни протести ќе бидат дозволени доколку не ги загрозуваат правата и слободите на другите граѓани.
Меѓу причините за воведување на овие мерки, кои ќе важат 60 дена, тој ги наведува и неодамнешните изјави на претседателот на Националната конфедерација на староседелечки народи (CONAIE), Марлон Варгас, кој предупреди дека протестите може да ескалираат и да доведат до заземање на главниот град Кито, ако нивните барања не бидат уважени.