Свет
Амбасадата на САД во Киев е филијала на Пентагон, вели потпретседателот на руската Дума
Американската амбасада во Киев почна да работи како филијала на Пентагон, истакна потпретседателот на руската државна Дума, Ирина Јароваја, на пленарна седница на долниот дом, пренесува ТАСС.
„Ова веројатно е монструозен преседан за тоа како воопшто не треба да се користат дипломатските канали за комуникација“, нагласи таа по објавувањето на конечниот извештај за активностите на американските биолаборатории во Украина што го подготви Комисијата за парламентарна истрага.
Јароваја потсети дека Украина ја укинала својата санитарна и епидемиолошка служба и го откажала системот за клинички прегледи и за задолжителна вакцинација на населението.
„Украина во суштина се претвори во жариште за епидемии на сипаници, туберкулоза и други болести. Освен тоа, ова послужи како димна завеса за извршување други криминални дејства, како увоз на нерегистрирани лекови и нивно тестирање на Украинци“, предупреди таа.
Јароваја истакна дека сите скорешни епидемии на болеста во Украина целосно ги демантираат тврдењата на американските официјални лица за некакви хуманитарни придобивки од американските проекти во Украина.
„Најлошото е што во Украина можеа слободно да соберат примероци од сè што ги интересира: биолошки и генетски материјали и патогени. Собраните примероци ги испраќаат во САД прикриени во дипломатските пратки за да ги скријат од јавноста во Украина и во САД, но и од целиот свет. Што е тоа што го испраќаа во високотехнолошките биолаборатории на Пентагон, а потоа го враќаа назад“, праша потпретседателот на руската Дума.
Покрај парламентарната истрага иницирана минатата година, Москва сега е во интензивна потрага по законски решенија што ќе ѝ помогнат во целосно истиснување на американската присутност и влијание во биолошките лаборатории на територијата на најблискиот постсоветски простор, Организацијата на договорот за колективна безбедност (ОДКБ), Заедницата на независните држави (ЗНД), како и на Евроазискиот економски сојуз (ЕЕС).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Се активираа сирените во Ерусалим по „лансирање од Либан“
Сирените за воздушен напад се огласија на периферијата на Ерусалим и окупираниот Западен Брег, според израелските апликации за предупредување.
Израелската војска соопшти дека тие биле предизвикани од „лансирање од Либан кон израелска територија“.
🚨Sirens sounded in the area of Jerusalem following a launch from Lebanon into Israeli territory🚨 pic.twitter.com/z7IALlaPRN
— Israel Defense Forces (@IDF) September 28, 2024
Видеа веќе се појавија на социјалните мрежи и на нив се слушаат звуци од сирените, а се гледа и чад.
BREAKING: Rockets fired from Lebanon hit the colonial Israeli settlement of Ma'ale Adumim, east of occupied Jerusalem. pic.twitter.com/wb0z3H939v
— Quds News Network (@QudsNen) September 28, 2024
BREAKING | Explosions heard in the vicinity of occupied Jerusalem. pic.twitter.com/6MS1HY6zbS
— The Cradle (@TheCradleMedia) September 28, 2024
Scenes from the Ma'ale Adumim settlement near Occupied Jerusalem pic.twitter.com/zwF50FrQGC
— Suribelle (@Syribelle) September 28, 2024
Според израелските медиуми, околу Ерусалим има целосно затемнување како резултат на ракетниот напад на Хезболах.
Повеќе детали очекуваме наскоро.
Свет
Нетанјаху: Насралах беше главниот мотор на иранската оска на злото
Бенјамин Нетанјаху даде изјава по убиството на лидерот на Хезболах Хасан Насралах.
Израелскиот премиер рече: „Државата Израел вчера го уби главниот убиец Хасан Насралах. Се пресметавме со одговорните за убиството на безброј Израелци и многу граѓани на други земји, вклучително и стотици Американци и десетици Французи. Насралах повеќе не беше терорист, тој беше терорист. Тој беше оската на оската, централниот мотор на иранската оска на злото“.
Регион
(Видео) Невремето во Србија направи хаос: се излеа Дунав, ветерот корне дрвја
Реката Дунав денеска се излеа во Бачка Паланка, во природниот парк „Тиквара“, додека на северот од Србија е забележан значителен пад на температурата и се предвидува невреме пропратено со врнежи и грмежи.
Имено, како што може да се види на видеата на социјалните мрежи, водата достигна такво ниво што од водата штрчат само чадори и улични светилки.
Како што соопшти денеска Републичкиот хидрометеоролошки завод на Србија (РХМЗ), облачност со врнежи од дожд, пад на температурата и умерен и засилен северозападен ветер најпрвин ја зафати Бачка Паланка, но потоа ќе се прошири и во остатокот од Војводина.
Студениот бран преку северот на земјата пристигна во Србија, каде во некои градови температурата беше околу 15 степени.
На граѓаните им се препорачува да ги преземат сите мерки за заштита на имотот, но и себеси поради предвиденото невреме.
Значителна промена на времето утре ќе има и во Македонија, најави Управа за хидрометеоролошки работи (УХМР).
Утре под влијание на влажна и постудена воздушна маса од север ќе настапи позначителна промена на времето. Од утринските часови најпрвин во северните делови, ќе има повремени врнежи од дожд и локална појава на грмежи. Ќе дува силен ветер (наместа над 70км/ч.) кој ќе продолжи и во понеделник.
ИЗВОР: УХМР
Дневната температура значително ќе се намали (утре за 6 до 8, а во понеделник уште за дополнителни 4 до 6 степени). Потоа во следните два дена времето ќе биде сончево со ниски утрински температури, а дневните ќе бидат во пораст.
Во Скопје, утре ќе има повремени врнежи од дожд, локално со појава на ретки грмежи и силен ветер.
Од четврток се очекуваат нови врнежи од дожд.