Свет
Амбасадорот на САД во Германија повторно им се закани со санкции на компаниите од Северен поток 2
Американскиот амбасадор во Германија, Ричард Гренел, повторно ги предупреди германските компании вклучени во изградбата на гасоводот Северен поток 2 дека може да се соочат со рестриктивни мерки ако останат посветени на руско-европскиот проект, пренесува „Спутник“.
„Од американска гледна точка, овој гасовод не само што пренесува гас туку исто така има висок ризик за санкционирање”, рече Гренел во интервју за германски „Фокус”.
Забелешките доаѓаат откако Гренел, наводно, испратил предупредувачки писма до германските компании во средината на јануари поради нивното учество во проектот. Тој побарал тие да ги анализираат опасноста што тој ја претставува за европската енергетска безбедност и трошоците и ризиците од санкции.
Во тоа време, и конзервативните и левичарските германски политичари едногласно ги критикуваа забелешките на Гренел, а руското МНР го обвини за обид да ги исплаши германските фирми кои работат на Северен поток 2.
Во меѓувреме, Анегрет Крамп- Каренбауер, новиот лидер на Христијанско-демократската унија (ЦДУ) на Германија, ја истакна својата поддршка за проектот без оглед на сè. Нејзината изјава дојде неколку дена откако Мануела Швесиг, министер-претседател на германската држава Мекленбург-Западна Померанија, ја критикуваше неодамнешната изјава на лидерот на Европската народна партија, Манфред Вебер, кандидат за претседател на Европската комисија, дека ќе да се потруди да ја блокира изградбата на гасоводот ако ја преземе функцијата.
Претходно, еврокомесарот за буџет и човечки ресурси, Гинтер Отингер, во интервју за германската медиумска група „Функе” рече дека изградбата на Северен поток 2 е веќе незапирлива во сегашната фаза бидејќи е речиси завршена.
Германија се соочува со притисок од САД и некои земји членки на ЕУ поради поддршката за Северен поток 2 за кој Вашингтон тврди дека ќе ја зголеми зависноста на Европа од рускиот гас. Германските власти, меѓу кои и канцеларката Ангела Меркел, постојано го бранеа проектот за гасоводот, велејќи дека тој е во интерес на блокот и дека не ја компромитира енергетската безбедност на ЕУ или Германија
Одговарајќи на повиците на американскиот претседател Доналд Трамп кон Берлин да ја прекинат соработката со Москва на инвестицијата вредна 11 милијарди долари, рускиот претседател, Владимир Путин, посочи дека Трамп сака да ја принуди Русија да излезе од европскиот енергетски пазар за да може САД да продаваат повеќе течен природен гас во Европа.
Северен поток 2 е заедничко вложување на рускиот „Газпром“, германскиот „Унипер” и „Винтершел”, францускиот „Енжи”, австрискиот ОМВ и англо-холандската „Ројал дач шел“. Проектот треба да биде завршен пред крајот на 2019 година и предвидува изградба на гасовод кој ќе се протега од Русија, низ Балтичкото Море до центар во Германија, заобиколувајќи ја Украина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бајден зборуваше за дебатата со Трамп, но и за детали од неговиот личен живот
Американскиот претседател Џозеф Бајден денеска изјави дека ќе учествува на дебата со Доналд Трамп, неговиот републикански противкандидат на ноемвриските избори.
„Не знам кога“, изјави Бајден во интервјуто со Хауард Стерн и додаде дека со нетрпение го очекува тоа, пренесе Ројтерс.
Бајден раскажуваше семејни приказни и рече дека пелтечењето било подготовка за тешките удари во животот. Тој рече дека пелтечењето како дете било најдоброто нешто што му се случило. Додаде дека на крајот го надминал пелтечењето, но дека повремено му се враќа кога зборува во јавност.
Интервјуто со Хауард Стерн се случи додека Бајден присуствуваше на политички настан во Њујорк.
За време на интервјуто, тој презентираше многу биографски детали, обидувајќи се да се претстави пред гласачите. Бајден, исто така, рече дека неговиот татко, Џозеф Робинет Бајден постариот, ретко покажувал љубов и раскажал приказна што напраавил кога бил нокаутиран додека играл рагби кога бил во четврто одделение.
„Татко ми излезе со нас и рече Џои стани. Само стани. Мора да станеш“, раскажал Бајден.
Свет
(Видео) Снимка од Ердоган хит на социјалните мрежи: Телохранител му подаде чешел на турскиот претседател, а потоа цела делегација мораше да застане
Видео од турскиот претседател Реџеп Таип Ердоган како се чешла стана хит на социјалните мрежи.
Ердоган, кој во четвртокот дојде на прославата на Уставниот суд во Анкара, цело време беше придружуван од телохранител кој ненадејно му подава чешел пред да влезе во салата. Турскиот лидер застана и почна да се чешла додека целата делегација, вклучително и претседателот на Уставниот суд, чекаше.
— Pluton (@Pluton45873221) April 26, 2024
Откако заврши со средувањето на косата, Ердоган му го даде чешелот на еден од своите советници, а потоа продолжи да се шета со претседателот на Уставниот суд, Кадир Озкај, насмеан.
Ердоган присуствуваше и на прославата на 62-годишнината од формирањето на Уставниот суд.
Свет
Се слушнало тропање и силни вибрации: Боинг изгубил дел за време на лет, извршил принудно слетување
Авионот на „Делта ерлајнс“ кој утрово полета од аеродромот „Џон Кенеди“ во Њујорк мораше да се сврти и да се врати на аеродромот поради дефект на опремата за итни случаи, пренесува „Индекс“.
Летот 520 на „Делта ерлајнс“ безбедно се врати на аеродромот околу 8:35 часот откако екипажот пријавил вибрации, соопшти Федералната управа за авијација (ФАА). Пилотите веднаш по полетувањето пријавиле во контролата на летање дека почувствувале чудни вибрации и слушнале звук на тропање.
Авионот летал 33 минути пред да се врати на ЏФК, пишува „ABC7 New York“.
„Откако леталото безбедно слета, беше забележано дека во одреден момент отпадот за итни случаи паднал“, рече портпаролот на „Делта“. За време на инцидентот во „Боингот 767“ имало 176 патници, двајца пилоти и пет стјуардеси. Нема извештаи за повредени.
Патниците биле префрлени во друг авион, кој полетал во 10:59 часот, околу три часа подоцна. Авионот чиј дел за итни случаи паднал е стар 33 години и нема да биде во служба додека „Делта“ не ја процени неговата соодветност. Од ФАА велат дека ќе го истражат целиот инцидент.