Свет
Американецот кој испрати писмо со рицин до Трамп и Пентагон, испратил и до Путин и Кралицата Елизабета Втора
Американецот кој изврши неуспешен напад со отров против голем број високи американски официјални претставници, вклучувајќи го и претседателот Доналд Трамп, тврди дека испратил и токсин за странските водачи, вклучувајќи го и рускиот претседател Владимир Путин, покажуваат судските документи, објави „Раша тудеј“.
‘Ex-Navy sailor’ sent packages tested positive for ricin to James #Mattis & Admiral John Richardson – report https://t.co/sHcJgInKnA pic.twitter.com/T4LCRDROFU
— RT (@RT_com) October 3, 2018
Како што се наведува, Вилијам Клајд Ален Трети, кој беше фатен како испраќа биолошки токсин до Доналд Трамп, директорот на ФБИ, Кристофер Врај, секретарот за одбрана Џим Матис и адмиралот Џон Ричардсон, исто така, испратил писма кои содржат рицин и до британската кралица.
„Осомничениот дополнително информираше дека испратил и други писма со иста содржина на главниот обвинител Џеф Сеси, кралицата на Англија, рускиот претседател Владимир Путин и секретарот на воздухопловните сили ( на чие име не се сеќава)“, се открива во вчера објавениот судски документ.
39-годишниот ветеран на американската морнарица, на сослушувањето пред неговото притворање во Јута, рекол дека ги испратил писмата за да испрати порака. Ален признал дека испратил идентични писма со белешката со зборовите: “Џек и ракетниот грав во прав”.
Во петокот тој беше обвинет за пет точки, вклучувајќи и закани дека ќе употреби биолошки токсин, според поднесената федерална жалба. Во жалбата, Ален е, исто така, обвинет за закана против владата во 2015 година, кога тој, наводно, испратил е-маил до ЦИА заканувајќи се дека ќе го убие претседателот, освен ако шпионската агенција не престане да ги повредува неговите уставни права.
Освен тоа, во февруари 2017, тој, се закани дека ќе ја бомбардира воздухопловната база Лакленд во Тексас.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бројот на бегалци во Германија годинава достигна нов врв
Бројот на бегалци кои живеат во Германија годинава достигна нов врв, покажуваат денешните владини податоци, пренесува Дојче веле.
Околу 3,48 милиони бегалци со различни видови дозволи за престој живееле во Германија на крајот на јуни 2024 година, што е за приближно 60.000 повеќе отколку на крајот на 2023 година.
Една третина од овие бегалци дошле од Украина.
Бројката вклучува и некои поединци кои се обврзани да ја напуштат Германија, но остануваат во земјата под политика на толеранција која опфаќа низа ситуации, како што се болест, недостаток на документи за идентификација или луѓе чии деца имаат дозвола за престој.
Статистиката беше дадена како одговор на барањето на партијата Социјалистичка левица во парламентот и првпат беше објавена од Ној Оснабрикер Цајтунг.
Свет
Лавров: Русија не сака ескалација, но западните политичари се однесуваат како деца
Рускиот министер за надворешни работи Сергеј Лавров денеска изјави дека Русија не сака да ги ескалира тензиите со западните земји, но дека, како што наведе, „политичарите на овие земји се однесуваат како деца“.
„Не сакаме ескалација. Се чини дека западните политичари навистина имаат менталитет на дете, иако како возрасни заземаат одговорни позиции: министри, премиери, канцелари, претседатели“, рече Лавров.
Лавров нагласи дека неколку месеци во светот се разговара за тоа како Русија наводно само се заканува и зборува за „црвени линии“.
Свет
Израелска армија: Убиени околу десет високи команданти на Хезболах
Портпаролот на израелската армија, контраадмирал Даниел Хагари, изјави дека заедно со Ибрахим Акил, во денешниот израелски воздушен напад врз јужен Бејрут биле убиени околу десет високи команданти на либански Хезболах.
Хагари на прес-конференција рече дека Акил и другите членови на елитната единица Радван на Хезболах се собрале во подрумот на една зграда кога биле мета и убиени.
Весникот „Тајмс оф Израел“ наведува дека Хагари рекол дека тоа биле „командантите кои го подготвиле и го воделе планот на терористичката организација Хезболах за напад на северната територија на државата Израел.
Портпаролот на израелската војска тврди дека како дел од таа инвазија, Хезболах планирал упад на израелска територија сличен на нападот на Хамас од Газа на јужна израелска територија на 7 октомври минатата година. Тогаш започна војната меѓу Израел и таа палестинска исламистичка организација.
Во меѓувреме, израелскиот министер за одбрана Јоав Галант на платформата X објави дека ќе продолжи „секвенцата на акции во новата фаза“ од конфликтот со Хезболах додека не се постигне целта за безбедно враќање на Израелците раселени поради прекуграничниот конфликт во нивните домови.