Свет
Американската амбасада во Багдад на готовс по нападот
Американската амбасада во Багдад е на готовс од неделата кога најмалку осум ракети паднаа врз силно бранетиот кварт Зелена зона во центарот на ирачкиот главниот град, при што беше повреден еден ирачки војник и беа оштетени повеќе згради и возила. Нема пријавено повредени или жртви меѓу вработените во амбасадата или вработените во безбедноста, а САД ги обвинија за нападот проиранските милиции во Ирак.
Иран го осуди нападот врз американската амбасада во Багдад и смета дека неговиот тајминг е многу сомнителен, објави портпаролот на иранското Министерството за надворешни работи, Саид Хатибзаде.
„Нападот врз дипломатски и станбени објекти не е прифатлив, но видот на нападот и неговиот тајминг и изјавата издадена од американскиот државен секретар покажуваат дека тајмингот е многу сомнителен и тие веќе имаа подготвено изјава за јавноста“, рече Хатибзаде според „Мехр њуз“.
Американскиот државен секретар, Мајк Помпео, во неделата ги обвини милициите поддржани од Иран за нападот на Зелената зона и побара овие насилни и корумпирани криминалци да ги прекинат своите дестабилизирачки активности.
Iran-backed militias once again flagrantly and recklessly attacked in Baghdad, wounding Iraqi civilians. The people of Iraq deserve to have these attackers prosecuted. These violent and corrupt criminals must cease their destabilizing actions.
— Secretary Pompeo (@SecPompeo) December 21, 2020
Претходно, Катаиб Хезболах – шиитска милиција, сојузник на ирачката влада и поврзана со Иран, која се приклучи на милициската коалиција на народните мобилизациски сили за борба против Даеш, исто така го осуди нападот на Зелената зона. Лидерот на групатаа Каис ал-Хазали посочи дека одлуката на Комисијата за координација на ирачкиот отпор е да не ја напаѓа американската амбасада.
„Наше право е да ја ослободиме нашата земја и да се одмаздиме за нашите маченици, но ние го определуваме времето за одговор и тоа не е далеку“, рече Ал-Хазали.
Милицијата исто така издаде посебна изјава во која изрази осуда за неселективниот напад против американската амбасада велејќи дека нападот претставува закана за цивилните животи и ги повика САД да ги прекинат воените активности во областа.
Ирачката влада го нарече инцидентот терористички акт, кој ги загрозува безбедноста и животот на невини граѓани и нивниот имот и го поткопува суверенитетот и престижот на државата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Саливан: САД нема на располагање ниту еден „Патриот“ систем за противвоздушна одбрана што би можел да го достави до Киев
Советникот за национална безбедност на американскиот претседател, Џејк Саливан, рече дека Вашингтон во моментов нема достапни системи за противвоздушна одбрана „Патриот“ што би можел да му ги достави на Киев.
„Американските системи „патриот“ се распоредени низ целиот свет, вклучително и на Блискиот Исток, за да ја заштитат американската војска. Доколку има можност да се ослободи батерија, ќе ја испратиме во Украина“, рече тој, а пренесе телевизијата „Ем-ес-ен-бси“.
Истовремено, Саливан додаде дека Америка, додека не дојде во ситуација да испрати свои „патриотски“ системи во Украина, ќе работи да ги убеди своите сојузници од Европа да ги испратат своите системи за противвоздушна одбрана.
Свет
Бакингемската палата ја објави здравствената состојба на кралот Чарлс: познато кога ќе се врати на должностите
Кралот Чарлс ќе продолжи со јавните ангажмани следната недела откако е постигнат охрабрувачки напредок во лекувањето на ракот, објави Бакингемската палата.
За кралот тоа нема да биде целосно враќање на официјалните ангажмани, но палатата испраќа позитивни сигнали, јавува Би-Би-Си.
Следниот вторник кралот ќе започне со симболично патување во центар за лекување рак, пренесува медиумот.
Неговите летни планови вклучуваат државна посета, каде што ќе биде домаќин на императорот и царицата на Јапонија.
Во наредните недели, соопштија од палатата, тој ќе преземе неколку надворешни ангажмани.
Свет
Стари книги обложени со отров отстранети од Француската национална библиотека
Властите отстранија четири книги од Француската национална библиотека поради можноста нивните корици да содржат отровен арсен. Имено, некои книги од 19 век, печатени во Британија, имаат смарагдно зелени корици. Арсенот често се користел за боење книги во тоа време.
Научниците од Универзитетот во Делавер во САД ги класифицираа отстранетите томови како потенцијално опасни, но библиотеката вели дека ракувањето со овие книги би предизвикало само мала штета на здравјето. „Ги ставивме во карантин овие дела. Ќе ги анализираме во лабораторија за да можеме да процениме колку арсен е присутен во секој том“, рече портпаролот на Француската национална библиотека, а пренесе Би-би-си.
Списокот на потенцијално опасни книги е составен од „Poison Book Proect“ , иницијатива покрената од научници од Универзитетот во Делавер во соработка со музејот Винтертур во Делавер. Од 2019 година, тимот тестираше стотици корици книги за тешки метали и состави листа на наслови кои се потенцијално опасни.
Издавачите од викторијанската ера користеле арсен за да ги обојат кориците. Светската здравствена организација (СЗО) предупреди на долгорочна изложеност на арсен во водата за пиење и храната, велејќи дека супстанцијата е многу токсична. Сепак, таа не дала никакви упатства за ракување со предмети што го содржат овој отров.
Во 2022 година, библиотекарите во Лидс, Англија открија ретка книга со арсен. Библиотекар ја открил потенцијално отровната книга додека ја споредувал збирката на библиотеката со базата на податоци на проектот „Poison Book“.