Свет
Американската амбасада во Ватикан ја обвини Кина за кражба на американска технологија

Амбасадата на САД во Светата столица, денеска, за време на посетата на кинескиот министер за надворешни работи на Рим, ја обвини Кинеската комунистичка партија (ККП) за кражба на американска технологија и интелектуална сопственост.
Во порака без преседан на „Твитер“, официјалната сметка на Амбасадата на САД објави илустација со генералниот секретар на ККП, Шји Џјинпинг, со текст во кој се вели: „Кинеската комунистичка партија краде американска технологија и интелектуална сопственост за да ја изгради својата воена и економска моќ“.
Кинескиот министер за надворешни работи, Ванг, Ји, во вторникот пристигна во Рим за да се сретне со својот италијански колега Луиџи ди Мајо. Во март 2019 година Италија стана првата голема европска економија што се приклучи на меѓународниот проект за инфраструктура во Кина, иницијатива „Белт енд роуд“ (БРИ).
Според италијанската новинска агенција АНСА, целта на посетата на Рим на Ванг е да се придобие ЕУ против Америка на Трамп.
Самиот Ванг изјави дека тргнува на турнеја низ европските престолнини, почнувајќи со Италија, за зајакнување на односите меѓу Кина и ЕУ соочена на неодредени надворешни сили, кои се закануваат со провокација и штета на овие односи.
На прес-конференцијата во вторникот,ж Ванг го впери прстот кон „ветерот на унилатерализам и на Студената војна“ што се чувствува во светот, движење што Кина нема намера да го дозволи. АНСА го нарече коментарот на Ванг прикриена алузија кон САД на Доналд Трамп.
https://t.co/lGSu1kHyun pic.twitter.com/4ziLjqnran
— U.S. in Holy See (@USinHolySee) August 26, 2020
Ванг ја претстави актуелната американска администрација како млако, ако не е и отворено, непријателски расположена кон ЕУ, а Кина е секогаш сигурен пријател, тврдејќи дека обединета, стабилна и просперитетна Европа е важна за целиот свет.
Кинескиот министер исто така вети помош во надминувањето на пандемијата на коронавирусот и во справувањето со последиците од економската криза, што сериозно се чувствува во Италија.
Италијанскиот министер за надворешни работи, Луиџи ди Мајо, рече дека Италија има намера да изигрува мост помеѓу суперсилите што се во судир. Иако потврди дека земјата ќе ја задржи вербата во своите историски сојузи со САД и НАТО, Ди Мајо додаде дека Кина сега е неизбежен играч во какво било меѓународно сценарио и важен партнер за Италија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Кремљ: Ги поддржуваме мировните напори на Трамп, но ги отфрламе гаранциите на ЕУ за Украина

Кремљ на денешниот редовен брифинг за медиумите изјави дека ги смета напорите на САД за постигнување мир во Украина за „многу важни“ и дека тие би можеле да помогнат во решавањето на долготрајниот конфликт. Сепак, портпаролот Дмитриј Песков јасно стави до знаење дека Москва има негативен став кон европските предлози за безбедносни гаранции за Украина.
Песков го повтори долгогодишниот став на Русија дека не треба да има распоредени трупи од земјите-членки на НАТО на украинска територија. На прашањето за можни мировни разговори на високо ниво, тој рече дека ваквите состаноци мора внимателно да се подготвуваат за да бидат ефикасни.
По извештаите дека руските напади во текот на ноќта биле насочени кон украинската енергетска инфраструктура, Песков рече дека Русија ги таргетирала само воените и воено поврзаните цели.
Песков, исто така, објави дека се во тек интензивни подготовки за претстојната посета на рускиот претседател Владимир Путин на Кина.
Путин ќе присуствува на самитот на Шангајската организација за соработка, кој ќе се одржи од 31 август до 1 септември во кинескиот пристанишен град Тјенџин. Според Песков, на самитот ќе учествуваат повеќе од 20 светски лидери.
Потоа, Путин ќе го посети Владивосток, голем руски пристанишен град во близина на кинеската и севернокорејската граница, на 5 септември.
фото: принтскрин
Свет
Папата апелира за траен прекин на огнот во Газа и ослободување на заложниците

Папата денес упати силен апел до глобалната заедница да го прекине речиси двегодишниот конфликт меѓу Израел и Хамас повикувајќи на траен прекин на огнот, ослободување на заложниците во Газа и обезбедување хуманитарна помош.
„Уште еднаш упатувам силен апел да се прекине конфликтот во светата земја, кој предизвика толку многу терор, уништување и смрт“, рече папата на својата неделна аудиенција во Ватикан.
„Барам ослободување на сите заложници, постигнување траен прекин на огнот, олеснување безбеден влез на хуманитарна помош и целосно почитување на меѓународното хуманитарно право“, рече тој.
Папата не ги именува Израел или палестинската милитантна група Хамас, но рече дека меѓународното право бара „обврска за заштита на цивилите, забрана за колективно казнување, неселективна употреба на сила и присилно раселување на населението“.
Фото: принтскрин
Свет
Стаб: Само притисок може да ја принуди Русија да преговара

Финскиот претседател Александар Стаб изјави дека е потребно да се изврши силен притисок врз Русија за да се постигне напредок во наоѓањето мирно решение за конфликтот во Украина.
По телефонскиот разговор со украинскиот претседател Володимир Зеленски, Стаб напиша на социјалната мрежа X дека „се спроведува планот за сигурна поддршка на безбедноста на Украина“ нагласувајќи дека Киев е подготвен за мир, а „Русија само чека време“.
„Мора да извршиме притисок врз Русија да седне на преговарачка маса“, рече финскиот претседател додавајќи дека Хелсинки, заедно со своите партнери, ќе продолжи да се стреми кон „праведен мир за Украина“.
Еден ден претходно Стаб истакна дека рускиот претседател Владимир Путин не може да биде убеден во мирот преку Западот, туку преку влијанието на земјите од Истокот, кои одржуваат трговски врски со Москва. Затоа предложи воведување тарифи против земјите што ја продолжуваат економската соработка со Русија.
Финскиот претседател исто така изрази надеж дека „трпението на американскиот претседател Доналд Трамп со Москва набргу ќе истече“ нагласувајќи дека само нови санкции и царини може да ја принудат Русија да го прекине конфликтот.
Фото: принтскрин