Свет
Американскиот Конгрес сега има рекорден број жени
Американските избори во Конгресот означија пресвртницата за жените кои се кандидираа за Претставничкиот дом.
Жените освоија најмалку 93 места во Претставничкиот дом, уривајќи го досегашниот рекорд од 84 пратенички.
Тие, исто така, освоија 10 места во Сенатот на САД и 9 во трката за гувернери, пишува весникот „Лос Анџелес тајмс“. Од вкупно 112 избрани, 95 се претставнички од Демократската партија, а 17 се од Републиканската.
„Ова е навистина година на жените насекаде“, изјави Томас Перез, претседател на Демократскиот национален комитет.
Досегашни демократски сенаторки кои извојуваа убедлива победа се Елизабет Ворен во Масачусетс, Ејми Клобучар во Минесота и Кирстен Џилбренд во Њујорк.
Рекорден број од 237 жени се натпреваруваа за Конгресот на изборите на половина од претседателскиот мандат, вклучувајќи и 23 за Сенатот, велат податоците на Центарот за американски жени во политиката.
Меѓу најзабележителните нови пратенички се Александра Окасио-Кортез (29), најмладата жена избрана во Конгресот, Илхан Омар и Рашида Тлаиб, првите муслиманки избрани во Претставничкиот дом, демократката Шарис Дејвидс, лезбијка и адвокатка која активно се занимавала со боречки вештини и која е прва од редовите на американската домородна популација.
Тексас за првпат избра Латиноамериканка, а Масачусетс – афроамериканка, обете од Демократската партија.
Жените исто така се заслужни за освојување на неколку демократски места кои ѝ помогнаа на партијата повторно да ја презеде контролата врз Претставничкиот дом.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Трамп вети олеснување на прописите во САД за поседување оружје што ги воведе Бајден
Поранешниот американски претседател и републикански претседателски кандидат Доналд Трамп вети во говорот во Националната асоцијација за пушки (NRA) дека ќе ги олесни прописите за поседување оружје што ги воведе демократскиот претседател Џозеф Бајден.
Трамп го искористи обраќањето до илјадници членови на NRA во Далас за да ја расветли неговата политика, но и да ги охрабри членовите на NRA да гласаат на ноемвриските избори, пренесува Ројтерс. „Треба да ги натераме сопствениците на оружје да гласаат. Мислам дека сте бунтовен куп.
„Бидете бунтовни и гласајте овој пат“, рече Трамп во говорот што траеше повеќе од 90 минути.Националната асоцијација за пушки (НРА) со ентузијазам го поддржа Трамп за време на претседателската трка во 2016 година и во текот на неговата администрација.
Регион
Под сомнение за планирање терористички напад уапсено е малолетно девојче од Црна Гора
Во Австрија е уапсено четиринаесетгодишно девојче од Црна Гора, кое, според австриските медиуми планирало терористички напад на Јакоминиплац во Грац, а истражителите од Државната служба за државна безбедност и борба против екстремизмот во Штаерска успеале да спречат тоа.
При претресот на куќата, како што пишува истиот медиум истражителите заплениле секира и нож.
Информациите за планираниот напад дојдоа од Европска безбедносна управа. На овој начин, локалните истражители од Државниот завод за државна безбедност и борба против екстремизмот (ЛСЕ) на Штаерска им влегле во трага на првично непознатите лица.
Свет
Потона брод во близина на брегот на Црното Море, се трага по исчезнатите членови на екипажот
Романските спасувачки тимови денеска трагаа по тројца исчезнати членови на екипажот на товарен брод што потона во близина на брегот на Црното Море, соопштија поморските власти.
Информациите кои ги добиле се дека рано утрината дека бродот „Мохамад З“ под знаме на Танзанија потонал на 26 наутички милји од дунавското село Сфанту Џорџ.
Во потрагата и спасувањето биле вклучени Морнаричкиот центар за координација на спасување (МРЦЦ), граничната полиција и два блиски комерцијални брода.
Засега не се познати причините поради кои бродот потонал.