Свет
Американскиот Сенат чека гласање за помош за Украина, републиканците го блокираат
Американскиот Сенат денеска би можел да гласа за пакет-помошта од 95,34 милијарди долари за Украина, Израел и за Тајван, но судбината на законот е неизвесна во Претставничкиот дом под контрола на републиканците, кој најави негово отфрлање во сегашната форма. Набргу по бришењето на последната процедурална пречка со која се соочи законот во Сенатот, републиканските противници на законот го закочија неговото усвојување со бескрајни говори.
Усвојувањето на законот во Сенатот денеска се чини сигурно бидејќи лидерот на републиканците во Сенатот, Мич Меконел, успеа да обезбеди поддршка од најмалку 17 републикански претставници, повеќе од доволно за да се надмине прагот од 60 гласа потребни за усвојување на законот во домот од 100 сенатори. Но, двата дома на Конгресот мора да го одобрат законот пред демократскиот претседател Џо Бајден да го потпише.
Законодавството се соочува со големи несигурности во Претставничкиот дом, каде што републиканскиот претседател на Домот, Мајк Џонсон, се спротивстави дека законот не содржи одредби за запирање на рекордниот прилив на мигранти преку границата меѓу САД и Мексико.
„Ако Сенатот не усвои никакви промени во граничната политика, Домот ќе мора да донесе свои мерки за овие важни прашања“, рече тој. „Америка заслужува подобро од статус кво од Сенатот“, додаде Џонсон, кој во минатото сугерира дека Домот може да го подели нацрт-законот на посебни нацрт-закони.
Сенаторот Џон Тун, вториот по ранг републиканец во Претставничкиот дом, рече дека не е јасно што ќе направи Џонсон. „Претставничкиот дом, се сомневам, ќе помести нешто. Очигледно, тие ќе одговорат на потребите на Израел“, рече Тун. Тврдокорните републиканци предвидуваат дека законот целосно ќе пропадне кога ќе дојде пред Претставничкиот дом.
„Предлог-законот што е пред нас денес… никогаш нема да помине во Претставничкиот дом, никогаш нема да стане закон“, рече републиканскиот сенатор Рик Скот од Флорида во текот на ноќниот маратон на подот во Сенатот.
Нацрт-законот вклучува 61 милијарда долари за Украина, 14 милијарди долари за Израел во војната против Хамас и 4,83 милијарди долари за поддршка на партнерите во Индо-Пацификот, вклучително и Тајван, и за одвраќање на агресијата од Кина. Исто така, ќе обезбеди хуманитарна помош од 9,15 милијарди долари за цивилите во Газа и Западен Брег, Украина и другите конфликтни зони во светот.
Трамп повика на отфрлање на двопартискиот договор за границата
Со месеци републиканците бараа нацрт-законот за странска помош да вклучи мерки на границите на Америка. Но, двопартискиот договор за границата, за кој се преговараше со месеци, пропадна откако Доналд Трамп, водечкиот партиски кандидат за Белата куќа, повика да се укине.
Трамп, кој се надева дека ќе го искористи прашањето за границата за да го собори Бајден на изборите во ноември, го критикува нацрт-законот за странска помош велејќи на социјалните мрежи дека помошта за американските сојузници, наместо тоа, треба да дојде во форма на заеми.
Бајден со месеци бараше од Конгресот да побрза со нова помош за Украина и американските партнери во Индо-Пацификот, вклучително и Тајван. По нападот на Хамас врз Израел на 7 октомври, тој побара и средства за американскиот сојузник, заедно со хуманитарна помош за Палестинците во Газа.
Украинските власти предупредија на недостиг на оружје додека Русија продолжува со нападите. Но, помошта за Украина се соочува со големи проблеми во Претставничкиот дом, каде што интересите на Трамп имаат поголемо влијание кај републиканците, кои го контролираат домот со мало мнозинство.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Украински дрон нападна рафинерија на 1400 километри од границата: Русите пукаа, но залудно
Украински дрон ја погоди рафинеријата Орск (Orsknefteorgsintez) во регионот Оренбург, објавија украинските канали на Телеграм. Рафинеријата се наоѓа на околу 1.400 километри воздушна линија од украинската граница.
Голема руска рафинерија
Рафинеријата има капацитет за преработка од приближно 6,6 милиони тони нафта годишно. Фабриките произведуваат бензин, дизел гориво, керозин за авијација, масло за греење, битумен и мазива.
The Orcs in Orsk, Orenburg Oblast 🇷🇺 filming the moment our BEAUTIFUL drones destroy yet ANOTHER oil refinery 😍🔥 pic.twitter.com/kdp7E2qjzZ
— Richard Woodruff 🇺🇦 (@frontlinekit) October 3, 2025
Русите се обидоа да го соборат дронот, но безуспешно
Анализата на фотографиите и видеата покажува дека нападот е извршен од беспилотни летала AN-196 „Љути“. Според геолокираните материјали, погодена е хидропреработувачката единица LCh-24-2000 за бензин и дизел, модернизирана во 2014 година за подлабоко прочистување на горивото и усогласување со новите еколошки стандарди, пишува украински блогер.
Orcs treated Lutyi’s arrival like a village festival 🫡#Orsk pic.twitter.com/I4wsCvORCi
— Aurora Borealis 🤫 (@aborealis940) October 3, 2025
Објавената снимка прикажува украински дрон кој руските ад хок противвоздушни единици безуспешно се обидуваат да го соборат со полуавтоматско оружје.
фото: принтскрин
Европа
Мерц: Треба да ја бојкотираме Евровизија ако Израел биде исклучен
Германскиот канцелар Фридрих Мерц изјави дека Германија треба да се повлече од следниот Евровизиски натпревар во Виена доколку Израел биде исклучен.
На прашањето во интервју за АРД дали Германија треба доброволно да се повлече од настанот, конзервативниот политичар одговори: „Би го поддржал тоа. Мислам дека е скандал што воопшто се дискутира за тоа. Израел припаѓа таму.“
Земји од Европа и пошироко ги поднесуваат своите песни за Евровизискиот натпревар, а настапите ги оценува национално жири и јавно гласање. Притисокот врз организаторите на натпреварот расте со недели, а неколку радиодифузери, вклучувајќи ги и оние од Шпанија, Ирска и Холандија, се закануваат дека ќе се повлечат доколку на Израел не му биде забрането учество, наведувајќи ја воената акција на земјата во Појасот Газа.
Националните радиодифузери играат централна улога на Евровизискиот натпревар, со оглед на тоа дека официјални претставници на нивните земји во рамките на Европската радиодифузна унија (ЕБУ), се одговорни за изборот на нивните учесници, координирање на преносите во живо и надгледување на процесот на гласање.
ЕБУ кон крајот на минатиот месец изјави дека ќе одржи онлајн состанок на сите членови во ноември за да гласаат за учество на натпреварот во 2026 година. Следниот Евровизиски натпревар треба да се одржи во Виена во мај 2026 година. Големи јавни протести против учеството на Израел на Евровизискиот натпревар се случија оваа и минатата година.
фото: принтскрин
Свет
Падна француската влада: премиерот даде оставка само неколку часа откако го именува својот кабинет
Новиот француски премиер Себастијан Лекорну поднесе оставка денес, само неколку часа откако го именуваше својот нов кабинет, бидејќи сојузниците и непријателите се заканија дека ќе ја соборат неговата влада.
Неговата оставка беше неочекувана и без преседан, означувајќи уште едно големо продлабочување на политичката криза во Франција. Француските акции нагло паднаа, како и еврото, по веста за оставката.
По неколку недели консултации со политичките партии, Лекорну, близок сојузник на претседателот Емануел Макрон, ги именуваше своите министри вчера, а кабинетот треба да го одржи својот прв состанок денес попладне.
Но, новиот кабинет ги налути и противниците и сојузниците, покренувајќи прашања за тоа колку долго може да трае во време кога Франција е веќе длабоко во политичка криза, без мнозинство во фрагментиран парламент.
Лекорну ја поднесе својата оставка до Макрон утрово.
„Г-дин Себастијан Лекорну ја поднесе оставката до претседателот на Републиката, кој ја прифати“, соопшти прес-службата на Елисејската палата.
Француската политика станува сè понестабилна по реизборот на Макрон во 2022 година, поради недостаток на партија или група со парламентарно мнозинство.
Одлуката на Макрон да распише предвремени парламентарни избори минатата година ја продлабочи кризата со создавање уште пофрагментиран парламент.
Лекорну, кој беше назначен минатиот месец, беше петтиот премиер на Макрон за две години.
Фото: ЕПА
„Водовод“: Поради прекини на струја дојде до два дефекти истовремено на главната водоводна линија
ЈП Водовод и канализација – Скопје известува дека поради повеќе краткотрајни прекини на снабдување со електричната енергија во регионот кај...
(Видео) Во Црна Гора убиен член на Шкаљарскиот клан: телото пронајдено во автомобил
33-годишниот Бобан Сјеклоќа беше убиен вчера околу 18 часот во продолжението на војната меѓу црногорските кланови. Телото на овој висок...
(Видео) Мерц: Русија стои зад дроновите над Германија
Германскиот канцелар Фридрих Мерц изјави дека се сомнева дека Русија стои зад серијата беспилотни летала видени над Германија во текот...
Рубио: Мислам дека Израел разбира дека заложниците не можат да бидат ослободени среде воздушните напади
Војната во Газа го оштети јавниот имиџ на Израел, изјави американскиот државен секретар Марко Рубио. Според Ројтерс, американскиот државен секретар...
Трамп: Разговорите со Хамас за завршување на војната во Газа напредуваат брзо
Американскиот претседател Доналд Трамп вчера изјави дека преговорите со Хамас за прекин на израелската војна во Газа и ослободување на...
(Видео) Украинците го нападнаа Белгород: град со 300.000 жители остана без електрична енергија
Рускиот град Белгород и околните области беа погодени од прекин на електричната енергија синоќа. Причината беа нападите што ја оштетија...
(Видео) Мафијашка пресметка во Црна Гора, пронајдено тело на популарна плажа
Целосна полициска блокада е воспоставена во поширокото подрачје на плажата Јаз во близина на Будва вчера вечер поради убиство што...
Мицкоски: Струмица е град на гуруто на Филипче, но времињата се менуваат, народот ќе победи, Струмица ќе победи
20 години Струмица чекаше на промени кои, еве, ви велам дека ќе се случат. Кога ве гледам во овој голем...
Филипче: Се случуваат големи отпуштања на вработени, а ветија нови работни места
„Јасно е, ВМРО-ДПМНЕ работи за олигарсите, граѓаните за нив се само бројка во избирачкиот список“, оваа порака ја упати вечерва...
Мицкоски: Завршува времето кога источниот сосед и неговиот премиер финансираше македонски политичари, за да овие му даваат подароци во форма на национални отстапки врз грбот на македонскиот народ
Христијан Мицкоски, претседателот на ВМРО-ДПМНЕ, се обрати на денешниот народен митинг во Радовиш, во рамки на изборната кампања за локалните...
Филипче: Се бориме за 500 евра минимална плата и достоинство за секој работник
Претседателот на СДСМ, Венко Филипче, денеска беше во посета на Пехчево од каде порача дека борбата на овие избори не...
Македонија ѝ понуди помош на Бугарија по катастрофалните поплави
Македонија е подготвена да обезбеди поддршка за справување со последиците од поплавите, објави претседателот на Бугарија, Румен Радев, на „Икс“,...
(Фото+видео) Масовен руски напад врз Украина, Полска подигна борбени авиони
Русија изврши серија напади врз Украина во текот на ноќта, при што беа убиени и повредени неколку лица. Полска распореди...
Израел се согласи на почетната линија на повлекување, се чека потегот на Хамас, објави Трамп
По повеќенеделни преговори, Израел се согласи на почетната линија на повлекување, објави на социјалната мрежа “Truth” лидерот на САД Доналд...
Времето денеска ќе биде сончево со мала до умерена облачност, од утре пад на температурите
Времето денеска ќе биде сончево со мала до умерена облачност. Кон крајот на денот облачноста ќе се зголемува и во...
Мицкоски: Црвените линии на Венко се тројанскиот коњ, Бојко зборуваше дека дал пари, сега што ли е во игра?
На денешниот народен митинг во Куманово во рамките на изборната кампања за локалните избори 2025 година со слоган „Вистинскиот избор!...
Мисајловски: Куманово дополнително ќе биде град на можности
Владо Мисајловски, носител на изборна единица 2 од ВМРО-ДПМНЕ, имаше свое обраќање на народниот митинг, кој се одржа во Куманово,...
Филипче од Свети Николе: Борбата за 500 евра минимална плата е за достоинство на секој човек
Вечерва од Свети Николе, каде се одржа граѓанската трибина од караванот „Се бориме за нашиот дом“, Претседателот на СДСМ, Венко...
Филипче од Велес: Маја Хеско за урбан ред во Велес, нова сала, затворен базен и средено Езеро Младост
Претседателот на Социјалдемократскиот сојуз на Македонија, Венко Филипче, на граѓанската трибина во Велес го истакна разочарувањето на граѓаните од владеењето...
Ѓорѓиевски: Ние ќе ги решаваме проблемите на скопјани, оваа битка не е само битка за поубави и почисти улици и паркови, ова е битка за душата на нашиот главен град
Орце Ѓорѓиевски, кандидат за градоначалник на Град Скопје од ВМРО-ДПМНЕ на претстојните локални избори, се обрати од денешниот народен митинг,...
