Свет
Американските компании продолжуваат со тестирање на вакцината против Ковид-19

Фармацевтската компанија „Астра Зенека“ ќе продолжи со клиничките испитувања на својата експериментална вакцина против Ковид-19 во САД, откако доби одобрение од надлежните органи, а „Џонсон и Џонсон“ исто така се подготвуваат да продолжат со тестирање на својата вакцина, јави „Ројтерс“.
„АстраЗенека“ ги прекина клиничките испитувања во САД на 6 септември, откако на волонтер кој учествуваше во испитувања во Велика Британија му беше дијагностициран трансверзален миелитис.
Компанијата соопшти дека не е невообичаено волонтер да се разболи за време на клиничките испитувања и дека Управата за храна и лекови на САД ги разгледала записите за безбедност на вакцините собрани во испитувањата ширум светот и заклучила дека тестирањата може да продолжат.
„АстраЗенека“ во текот на минатиот месец ги продолжи тестирањата во Велика Британија, Бразил и Јужна Африка, иако Управата за храна и лекови сè уште ги проучуваше записите за безбедност на вакцините во тоа време.
„Џонсон и Џонсон“ го прекинаа испитувањето минатата недела затоа што еден доброволец се разболел.
Компанијата во петокот соопшти дека ќе продолжи со клиничките испитувања затоа што нема докази дека волонтерот се разболел поради вакцината.
Компанијата наведува дека испитувањата ќе започнат повторно во понеделник или вторник, а податоците за ефективноста на вакцината треба да бидат достапни до крајот на оваа година или почетокот на следната година.
Компанијата има намера да разговара со властите на други земји и да продолжи со испитувањата таму.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
„Не одам кај терористот“, Зеленски ја отфрли понудата на Путин

Украинскиот претседател Володимир Зеленски категорично ја отфрли идејата на рускиот лидер Владимир Путин за билатерална средба во Москва, објави Укринформ, повикувајќи се на интервју за американскиот канал Еј-Би-Си Њуз.
„Тој може да дојде во Киев. Не можам да одам во Москва кога мојата земја е под ракетни напади, под напади секој ден. Не можам да одам во главниот град на овој терорист“, истакна Зеленски.
Претседателот нагласи дека предлогот на Путин бил повеќе обид за одложување на средбата отколку искрен повик за дијалог. Сепак, тој е подготвен да се сретне во која било форма, но само ако средбата не ја загрозува Украина.
„Ако некој не сака да се сретне за време на војна, може да понуди нешто што не би било прифатливо за мене или за другите“, додаде Зеленски, додавајќи дека Путин „си игра со САД“.
Претходно, Путин изјави дека е подготвен да се сретне со Зеленски и дека Москва е најдобро место за можна средба меѓу двајцата лидери, што веднаш беше одбиено од украинскиот претседател.
Свет
Британски хирург си ги замрзнал нозете за да ги ампутира, сега е откриено зошто го направил тоа

Британскиот хирург Нил Хопер (49), познат како „хирургот со протези“, е осуден на повеќе од две години затвор откако судот откри дека намерно ги замрзал своите нозе пред ампутација за да заработи повеќе од 600.000 долари од осигурителните компании.
Хопер тврдел дека неговите ампутации во 2019 година биле последица на сепса и мистериозна болест, што привлече големо медиумско внимание и го направи познат како човек што се обидувал да стане астронаут со протези.
Сепак, вистината е дека самиот Хопер ги предизвикал ампутациите, користејќи сув мраз, и се изјаснил за виновен за измама и за поседување екстремна порнографија поврзана со веб-страницата „Eunuch Maker“.
Сексуална фиксација и врски со криминална мрежа
Обвинителите тврдеа дека Хопер бил сексуално фиксиран на ампутациите и разменувал пораки со Мариус Теодор Густавсон, познат како основач на сајтот „Eunuch Maker“, кој веќе е осуден на доживотен затвор за водење криминална мрежа за екстремна модификација на телото.
Судијата истакна дека материјалите поседувани од Хопер прикажуваат „екстремни нивоа на штета“, а адвокатот на Хопер рече дека неговиот клиент се кае за лажните приказни околу ампутациите, но не и за самите операции.
Кој е „Eunuch Maker“?
Густавсон, кој ја водеше веб-страницата EunuchMaker.com со речиси 23.000 корисници, бил вмешан во нелегални процедури вклучувајќи кастрации, електрични шокови, жигосување и чување делови од телото како „трофеи“. Иако некои учесници наводно дале согласност, обвинителите наведуваат дека процедурите биле нелегални и сериозно штетни.
Обвинителите истакнаа дека мотивацијата на Густавсон и Хопер била комбинација од сексуален интерес, телесна дисморфија и финансиска добивка, што довело до сериозни повреди на другите.
Свет
(Видео) Искусен сурфер убиен од ајкула пред очите на пријателите

57-годишен искусен сурфер натрагично загина во напад од ајкула на Лонг Риф, северните плажи во Сиднеј, околу 10 часот наутро во саботата.
Според полицискиот инспектор на Нов Јужен Велс, Стјуарт Томсон, сурферот бил во вода само половина час и на околу 100 метри од брегот кога ајкулата го нападнала.
„Претрпе катастрофални повреди, вклучително и губење на неколку екстремитети“, изјави Томсон.
Пријателите на жртвата успеале да се вратат на брегот, а телото на сурферот било пронајдено кратко време подоцна како плови во брановите. Обидите да му се спаси животот биле неуспешни.
„Утре е Денот на татковците, што ја прави оваа трагедија уште поболна. Нашите мисли се со неговото семејство“, додаде Томсон, посочувајќи дека починатиот оставил сопруга и мала ќерка.
@sydneymorningherald NSW Police said the man was bitten by “what is believed to have been a large shark” at Long Reef Beach. #nswpolice #deewhy #sharkattack #sydneynews #northernbeaches ♬ News, news, seriousness, tension(1077866) – Lyrebirds music
Истрага и потрага по ајкули
Даската за сурфање на жртвата беше пресечена на половина, а парчињата ќе бидат анализирани за да се утврди видот на ајкулата. Голем број сведоци, вклучувајќи ги пријателите на жртвата, потврдиле дека нападот го извршила ајкула.
„Тоа е ужасна работа и еден од оние ретки, несреќни инциденти“, изјави Томсон.
Полициски чамци, џет-скии и хеликоптерот за спасување „Вестпак Лајфсавер“ се вклучени во потрагата по ајкулата. Сите плажи од Менли до Нарабин се затворени до понатамошно известување. Според службата за спасување, плажата Ди Вај ќе остане затворена веројатно три дена, а другите плажи најмалку 24 часа.
A man has died after being attacked by a large shark at Dee Why on Sydney’s northern beaches.
Beaches from Manly to Narrabeen have been closed until further notice. pic.twitter.com/c22lnFQuN9
— Clown Down Under 🤡 (@clowndownunder) September 6, 2025