Свет
Американски милионер обвинет за убиство на момче што му градело нуклеарен бункер
Американски хакер и милионер е обвинет за убиство на млад човек што го ангажирал за да изгради скривница под неговата куќа, објавија американските медиуми.
Даниел Беквит (27) сакал да изгради нуклеарен бункер поради страв од меѓународните закани вклучувајќи ги и оние од Северна Кореја, рекол неговиот адвокат. Аскија Кафра (21) починал во септември додека копал тунели под куќата на милионерот кога во нив избувнал пожар.
Judge says Daniel Beckwitt (L) would not be a danger to the community if released. Bond set at $100,000 cash. Will have GPS tracker. Faces 2nd degree murder charges for death of Askia Khafra, who died in fire at Beckwitt’s home while digging tunnels for him for nuke shelter. pic.twitter.com/4ozpR5t21x
— Cam Thompson DCW50 (@CamThompsonDC) May 31, 2018
Беквит минатата недела беше осуден за убиство од невнимание. Официјални лица од Бетесда во Мериленд, богато предградие на Вашингтон, исто така го обвинија и за убиство од втор степен предизвикано поради целосно занемарување човечки живот.
Мрежата на тунели долга 60-ина метри се наоѓа 6 метри под подрумот на Бекивит и била полна со електрични кабли, изјавија обвинителите во судот. Тие исто така рекле дека Беквит бил свесен за опасностите и големиот ризик од избивање на пожар, но не направил ништо за да го спречи тоа.
Кога избувнал пожарот на 10 септември минатата година, Беквит побегнал од куќата и ја известил итната медицинска служба дека едно лице сѐ уште се наоѓа внатре. Полицијата соопшти дека поради огромната количина смет во тунелите, Кафра не можел слободно да се движи.
„Вашингтон пост“ објави дека Беквит го пронашол 21-годишното момче на интернет и претходно не сакал да му ја покаже локацијата на која ќе работи. Го зел со изнајмен автомобил и барал од него да носи темни очила за да не може да види каде точно се наоѓа локацијата. Обвинителите велат дека Кафра во тунелите бил неколку дена по ред.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Турција прогласи ден на национална жалост поради смртта на иранскиот претседател Раиси
Турскиот претседател, Реџеп Taјип Ердоган, синоќа изјави дека Анкара ќе прослави Ден на национална жалост поради смртта на иранскиот претседател Ебрахим Раиси, министерот за надворешни работи Хосеин Амир Абдолахиан и другите кои загинаа во хеликоптерска несреќа, пренесе „Ројтерс“.
„Одлучивме да прогласиме ден на национална жалост во нашата земја за да го споделиме длабокото страдање на иранскиот народ“, рече Ердоган за време на телевизискиот настап.
Шефот на државата, исто така, нагласи дека Турција продолжува да ја цени силната поддршка на Техеран за палестинската кауза.
Свет
Мал град во Јапонија изгради ограда: не сака туристите да ја фотографираат планината
Јапонскиот град Фуџикавагучико денеска постави голема мрежеста бариера на популарното место за гледање на планината Фуџи во обид да го одврати се поголемиот број туристи од фотографирање.
Најпознатата глетка во Јапонија може да се види со километри наоколу, но на локалното население во Фуџикавагучико им е преку глава од приливот на претежно странски посетители кои фрлаат отпадоци, навлегуваат во приватен имот и ги кршат сообраќајните правила во потрага по фотографија за споделување на социјалните мрежи.
Паркирајќи незаконски и игнорирајќи ја забраната за пушење, тие се собираат на тротоарот за да ја фотографираат планината покриена со снег, велат жителите. Работниците денеска почнаа да ја поставуваат црната мрежа со димензии 2,5 на 20, а до доцна утрото веќе беа готови, изјави новинар на АФП од местото на настанот.
„Се надевам дека мрежата ќе ги спречи тие опасни акции на туристите“, изјави за „АФП“ жителот Мичи Мотомочи (41), кој води традиционална јапонска продавница за слатки.
„Мислам дека е разочарувачки што го поставуваат. Сè уште е иконска глетка. Бевме тука синоќа, пред да ја издигнат оградата, а имаше толку многу луѓе“, рече Кристина Ројс ( 36), турист од Нови Зеланд.
„Но, таа одлука е сосема разбирлива. Тоа е доста опасно поради сообраќајот што минува. Има и други места каде што можете да ја фотографирате планината”, објаснува туристот.
Свет
Најмоќната серија земјотреси во последните 40 години: Јужна Италија за пет часа регистрираше 150 потреси
Речиси 150 земјотреси, најсилни во последните 40 години, се регистрирани вчера вечерта и утринава на полињата Флегра во близина на Неапол во јужна Италија, кои не предизвикаа големи штети, но посеаа паника меѓу населението, соопштија властите. Земјотрес со јачина од 4,4 степени е регистриран во 20 часот и 10 минути по локално време на длабочина од 2,5 километри, соопшти Националниот институт за геофизика и вулканологија (ИНГВ).
INGV забележа десетици послаби потреси на земјата во следните часови. Вкупно, околу 150 земјотреси ја погодија областа за помалку од пет часа, почнувајќи од 19:50 часот. Според Мауро Ди Вито од INGV „ова е најмоќната серија земјотреси во последните 40 години“.
#Terremoto ai Campi Flegrei, scosse fino a 4.4 di magnitudohttps://t.co/oWTVlBpEUp pic.twitter.com/q22XVHUq7z
— 361magazine (@361_magazine) May 21, 2024
На видеата на жителите објавени на социјалните мрежи, може да се видат шишиња со млеко и пијалоци расфрлани на теренот на продавниците во општината Позуоли во областа на Флегранските полиња, каде живеат околу половина милион луѓе. Земјотресот беше јасно почувствуван и во Неапол, вклучително и пристаништето.
🔴#Terremoto #CampiFlegrei: 150 scosse in poche ore
Quella di #magnitudo 4,4, la più forte degli ultimi 40 anni
Paura anche a #Napoli
Tende a #Pozzuoli e #Bagnoli, notte in auto per molti. Oggi scuole chiuse#earthquake #Naples pic.twitter.com/SX0EJIS7no— Tv2000.it (@TV2000it) May 21, 2024
Училиштата денеска ќе останат затворени во Позуоли, каде што се отворени сместувачките центри и се поставени шатори на паркинг и плоштад покрај морето за да се сместат во паника жителите, објави на Фејсбук градоначалникот на градот, Луиџи Манцони. Од противпожарната бригада велат дека жителите пријавиле пукнатини во куќите и делови кои паднале од фасадите на зградите.